24.06.2019 Шоу-бизнес

Илсөя Бәдретдинова Гүзәл Уразованың кызы турында фикерен белдерде

Гүзәл Уразова үзенең инстаграм битендә кызы Эллариның фотосын урнаштырып, легендар җырдан "Инде буй җитсәң дә син миңа сабыйсың..." дигән сүзләр язып калдырган. Бу постка Илсөя Бәдретдинова җавап биреп, Эллари турында үз фикерен белдергән.

"Искиткеч чибәр, акыллы кыз. Мәскәүдә Кремльдә азрак аралашып алган идек. "Сөбханалла бу бала әти-әнисенең горурлыгы!", дип карап тордым" дип яза Илсөя Бәдретдинова.

Җырчының бу сүзләрен хуплап, бик күпләр комментарийлар калдырган:

"Шундый зур кызыгыз булганга ышанып та булмый. Апа-сеңел кебек"

"Шулай Гүзәл, дөрес әйтәсең, буй җитеп, тормыш коргач та, ата-ана өчен бала һаман сабый булып кала. Әниең өчен синдә сабый һаман да!"

"Бәхет сиңа, балакай", дип язганнар.

Исегезгә төшерәбез, Гүзәл Уразова белән Илдар Хәкимов олы кызлары Эллариның җырга-моңга сәләтен Мәскәүдә үткән зур юбилей концертына әзерлек барганда гына чынлап торып бәяли. Моңа кадәр кызларының җырлавына бик җитди карамаган әти-әнисе инглиз телендәге җырны матур итеп башкаруын ишеткәч, үзләре дә кызларының талантына инана. Әлбәттә, интернетта җырчыларның иҗатын күзәтеп баручы тамашачылар фикеренә дә колак салып, алар Элларига Кремль сәхнәсендә чыгыш ясарга фатихаларын бирәләр.

Мәскәүне дер селкетеп, илнең төп сәхнәсендә татар моңын яңгыратып. Мәскәү Кремле концертлар сараенда җырчыларның 15 еллык юбилей концерты ничек узуы хакында "Матбугат.ру"да язып чыккан идек.

---
Urazova.ru
№ --- | 24.06.2019