|
|
Бүген кемнәр туган
|
|
Архив
|
12.04.2019 Криминал
Казан полициясе мәктәп укучысының кыйналып үлүе хакындагы хәбәрне кире кагаКазан Эчке эшләр идарәсе башкалада мәктәп укучысының кыйналып үлүе хакындагы хәбәрне кире кага. Бу хакта идарәнең матбугат хезмәте хәбәр итә. Кичә социаль челтәрләрдә видео таратылды. Анда Казанның 171 нче мәктәбе янында үсмерләр сугышуы, кыйналганының соңрак хастахнәдә үлүе турында хәбәр ителә. Ваһапов урамында үсмерләрнең сугышуы турында хокук сакчыларына да хәбәр иткәннәр. 17 яшьлек егетнең кыйналуы, аның баш мие селкенү турындагы мәгълүматны хастаханәдән дә җиткергәннәр.
Полиция хезмәткәрләре урынга барып тикшерү уздырган, әлеге вакыйганы төшергән камералардан язманы алган. Тикшерү барышында сугышкан үсмерләрнең кем булуын ачыклаган. 15-16 яшьлек егетләрне вакыйга сәбәпләрен ачыклау өчен полиция бүлегенә алып барганнар. Алар әйткәннәргә ышансаң, араларында зыян күргән егет белән бәхәс килеп чыккан. Шуннан соң аңа күп тапкыр сукканнар.
Бу вакыйга буенча җинаять эше кузгатылган, тикшерү эше дәвам итә. Зыян күргән үсмер исә хастаханәдән чыккан, аның тормышына һзм сәламәтлегенә берни дә янамый.
--- |
Иң күп укылган
|