09.04.2019 Шоу-бизнес

"Башкалар күптән мидәлле, ник мин атказанмаган?" - Илсөя Бәдретдинова төрттерүле җыр яздырган

Шушы көннәрдә Гүзәл Уразова "Татарстанның халык артисты" исеменә лаек булды. Интернетта котлау сүзләре һәм матур теләкләр белән беррәттән "Ник фәлән-фәләнгә атказанганны бирәләр дә фәлән-фәләнгә бирмиләр" дигән ише бәхәсләр дә куерып алды. Бу уңайдан Илсөя Бәдретдинова кызыклы җыр яздырган.

"Дан казанган Илсөя атказанмаган булып йөри! Вакыт бит инде! Килешәсезме?" дип шаярта ул.

"Атказанмаган" дип аталучы яңа җырның сүзләрен шагыйрь Ренат Галиәскәров, көен Илназ Гарипов язган.

Төрттерүле җырны "Матбугат.ру" укучылары игътибарына да тәкъдим итәбез. Ә сез ничек уйлыйсыз, вакытмы?:

Атказанмаган

1.Бөеремнең түреннән үк

Чыккан җырларым байтак.

Айга утыз кәнсирт куям

Ачу да чыга кайчак.

Ач утырмыйм утыруын,

Фигурасын да саклыйм.

Күлмәк-ыштанны да хәзер

Стилистлар белән сайлыйм.

Куш: Өй түрендәге сервантым

Премия белән тулган.

Башкалар күптән мидәлле.

Ник мин атказанмаган?!

2.Әрсезлегем җитми әллә?!

Ник йөрим мишәр булып.

Атказанасы килә бит

Президент кулын кысып!

Җонлы куллы абзыйларсыз,

Җырлап аласы килә.

Халык җырчысы кирәкми,

Атказанган бик җитә.

3. Журналистлар басар иде

Гәҗиттә алгы биткә.

Исән чакта шул мидәлне

Тагасы иде түшкә.

Бар Татарстан җыелып,

Әйдә, Бауманнан үтик.

Дөньяның артына тибеп,

Мине атказанган итик.

Посмотреть эту публикацию в Instagram

Дан казанган Илсия Бәдретдинова @ilsiiabadretdinova_ атказанмаган булып йөри!! Вакыт бит инде!! Килешәсезме?) @matbugat укучылары ни дияр? ___________________________________ Сүзләр: @renat_gali_askar Көй: @ilnaz_garipov Башкара: @ilsiiabadretdinova_ Аранжировка: @airatmingazov Тышлык: @ilnaz_garipov Монтаж: @rustem_galimzyanov Илһам чыганагы: @ilsiiabadretdinova_ Куратор: @ilnaz_garipov Хәер~фатиха: @aivazsadyrov Бюджет: @guzelkaramieva __________________________________ #РенатГалиаскар #яңаҗыр #илсиябадретдинова #атказанмаган #уртаклашасыкилә ”

Публикация от Татарские новости Матбугат (@matbugat) 9 Апр 2019 в 6:40 PDT

---
Матбугат.ру
№ --- | 09.04.2019