01.04.2019 Мәдәният

Ваһаповфест конкурсының беренче җиңүчеләре билгеле (ФОТО, ВИДЕО)

Бу көннәрдә Казанда Рәшит Ваһапов исемендәге Халыкара татар җыры фестивале яшь башкаручылар конкурсының финал этаплары бара. Кичә конкурс программасына беренче тапкыр кертелгән “инструменталь башкару” номинациясендә җиңүчеләр билгеле булды. Музыкантлар арасында беренче урынны Казан дәүләт консерваториясе студенты Ильяс Шәрипов яулады.

Икенче урында – шулай ук консерватория студенты Рамазан Гыйниятов һәм Октябрьский музыка көллиятенең кубызчылар ансамбле (Башкортостан). Өченче урынны – Илнур Галиев (Казан консерваториясе) һәм Алабуга мәдәният һәм сәнгать көллиятенең тальянчылар ансамбле бүлеште.

Бүген, 1 апрельдә конкурсның “вокал” номинациясендә җиңүчеләр билгеле була.

Җиңүчеләрне бүләкләү тантанасы – Ваһапов фестиваленең 15 еллык юбилеена багышланган гала-концертка тәгаенләнгән. Ул 15 май С.Сәйдәшев исемендәге Дәүләт Зур концерт залында үтәчәк.

Посмотреть эту публикацию в Instagram

Ваһаповфест @vagapovfest конкурсының "инструменталь башкару" номинациясе буенча җиңүчеләр билгеле булды : - 1 урын - Ильяс Шәрипов @ilyas_bayan (видеода),Казан дәүләт консерваториясе ); -2 урын- Рамазан Гыйниятов ( Казан консерваториясе) һәм Октябрьский музыка көллиятенең кубызчылар ансамбле .( Башкортостан); - 3 урын - Илнур Галиев ( Казан консерваториясе) һәм Алабуга мәдәният һәм сәнгать көллиятенең тальянчылар ансамбле. Җиңүчеләрне котлыйбыз, барлык катнашучыларга- зур рәхмәт! Гала- концерт - 15 май, Казан, БКЗ. #вагаповфест @r_fattakhov_ #продюсер

Публикация от Рифат Фаттахов (@r_fattakhov_) 31 Мар 2019 в 1:47 PDT

---
Рәшит Ваһапов фестивале
№ --- | 01.04.2019