Пашат авылында тарихи вакыйга булды

Бу тантананы əлеге игелекле эшнең төп инициаторы булган һəм аны тормышка ашыруда зур роль уйнаган Рəшит ага Хəсəнов ачып җибəрде. Ул авылдашларын, килгəн кунакларны һəм түрəлəрне Халыклар бердəмлеге көне белəн котлады, ачылачак һəйкəл ташына беркетелгəн исемнəр архивлардан табып алынды, диде. “Бу тарихи вакыйганы Халыклар бердəмлеге бəйрəменə туры китереп ачуыбыз очраклы түгел, чөнки 1612 елда Мəскəүне Польша интервентларыннан азат итүгə дə, аннары 200 елдан соң Франциянең Наполеон җитəкчелегендəге гаскəрлəрен тар-мар итүгə дə бар халык белəн бергə татарлар да зур өлеш керткəн, чөнки 1812 елдагы сугыш- ка Нижгар губерниясе аша илебез хəрби көчлəре резервының 70% узган.

 

Димəк, Ватаныбызны илбасарлардан коткарырга безнең халык та шактый җəлеп ителгəн, шул исəптə пашатлылар да. Бу һəйкəл килəчəк буынны патриотик хислəр белəн бердəмлек рухында тəрбиялəүдə ачык мисал булып торачагына нык ышанасы килə”, - дип сөйлəде Рəшит Хөсəинович. - Халыкның үзаңын үстерүгə һəм чал тарихын белүгə караган бу һəйкəлне булдыручы инвесторларга чын күңелдəн рəхмəт белдереп, аеруча Түбəн Новгородның кардиохирургия үзəген билгелəп үтəсем килə. Шул сəбəпле өлкə иҗтимагый палатасы һəм хəрби көчлəр ветераннары советы исеменнəн бирегə җыелган барчагызны Халыклар бердəмлеге көне белəн тəбрик итəм һəм буын чылбырлары бəйлəнеше символлары булып торган шушындый һəйкəллəрнең бүтəн булмауларын телим. Ышанам, бүгеннəн Пашат авылының даны тагын да үсə төшəчəк, чөнки хəзер ачылачак һəйкəлгə əлегə тиңнəр юк.

 

Беренче Ватан сугышы маршалларына, офицерларына һəйкəллəр бар, ə менə сугыш кырында кан коючы, җиңү китерүче солдатларга, миңа калса, Россиядə бу һəйкəл беренче, - дип йомгаклады үз чыгышын данлыклы хəрби юл үткəн отставкадагы генерал-лейтенант Георгий Гончаров. Аннары К.Октябрь районы башлыклары Рафаэль Ильясов белəн Халит Сөлəйманов микрофон каршына күтəрелделəр, əлеге вакыйганың əһəмиятен ассызык- лап үттелəр һəм бу игелекле гамəлне тормышка ашыруда булышкан иптəшлəрне Рəхмəт хатлары белəн бүлəклəделəр. Районның Земство җыены һəм администрациясе исеменнəн əлеге мактау кəгазьлəре белəн пашатлы Рафек Ниязбаев, Җəфəр һəм Камил Шəймəрдановлар, Рəшит Хəсəнов, Илсур Үмəров, “Коралл” кардиохирургия үзəгенең генераль директор урынбасары

 

Игорь Афонин һəм җаваплы вəкиле Равил Гималдинов бүлəклəнделəр. Символик кызыл тасманы Россия гимны һəм салют яңгыравы астында Рафаэль Нəбиуллович, Георгий Леонидович, Халит Мөхəммəтович һəм Рəшит Хөсəинович кистелəр, яңа һəйкəлгə чəчəклəр салдылар. Җыелган халык бу тарихи вакыйганы көчле алкышларга күмде, əмма тантаналы чара шуның белəн тəмамланмады, сүз тотарга авыл башлыгы Наил Атауллин чык- ты, аннары өлкə Диния нəзарəте рəисе урынбасары Мансур хəзрəт Хөсəинов чыгыш ясады. Алар шулай ук бу һəйкəлне булдыруга зур өлеш кертүчелəрне Рəхмəт хатлары белəн бүлəклəделəр. Нижгар татарлары конгрессы рəисе Гаяр ага Абдрахманов та үзенең җылы уй-телəклəрен җыелган кунакларга һəм пашатлыларга ирештерде.

 

Ə өлкə татар автономиясе рəисе исеменнəн Рушан Идрисов бар- часын җылы сəламлəде һəм бу бəйрəмнең төп инициаторларын бүлəклəде. Тантаналы өлешне үзлəренең патриотик музыкаль чыгышлары белəн җирле мəктəп укучылары йомгаклады.

 

Шуннан соң хөрмəтле кунаклар Пашат мəчете ашханəсендə корылган бəйрəм табыны артында фикер алышуларын дəвам иттелəр, яңа танышлар үзара элемтə урнаштырды- лар. Ə шул вакытта Пашат клубы сəхнəсендə “Туган як моңнары” ан- самбле артистлары матур концерт программасы белəн чыгыш ясарга əзерлек эшлəре алып барды. Һава торышы шактый суык булуга да карамастан, күңел җылы хислəрдəн хозурлык дулкынында чайкалып, киң канəгатьлек белəн тулган иде. “Хəтер барда, килəчəк бар” дигəн уйлар белəн бу көнне газиз халкым өчен чын күңелдəн шатландым һəм аның Рəшит Хөсəен улы кебек лачын уллары барлыгы белəн ихластан горурландым.