|
|
Бүген кемнәр туган
|
|
Архив
|
17.09.2018 Авыл
Терлекчелəргə грантларСоңгы елларда Түбəн Новгород өлкəсе хөкүмəте аграр хуҗалыклар өчен күптөрле максатчан ярдəм чаралары тормышка ашыра, конкурслар оештыра. Программаларда катнашкан аграрийлар төрле ташламалар, субсидиялəр алалар. Ə бəйгелəрдə җиңүчелəр, гадəти буларак, акчалата грантларга ия булалар. Сергач районында, мəсəлəн, дүртенче ел рəттəн шəхси хуҗалыклар өчен җирле бюджеттан финансланган конкурс үткəрелə. Узган атнада быелгысына йомгак ясалды. Җирле администрациянең актлар залында район башлыклары Николай Субботин, Олег Радаев һəм авыл хуҗалыгы идарəсе җитəкчесе Рушан Идрисов терлекчелек белəн шөгыльлəнгəн биш шəхси хуҗалык җитəкчелəренə 50шəр мең сумлык сертификатлар тапшырдылар. Миллəттəшлəребез арасыннан финанс ярдəмгə Кочко-Пожардан Наил Абдрахманов һəм Шөбиледəн Таһир Гафуров (фотода) ия булдылар. Җирле түрəлəр əйтүенчə, сертификат алуга кандидатларны администрациялəр башлыклары тəкъдим иткəн. Аз гына булса да, бу ярдəм чарасы аларга хуҗалыкларын ныгытырга булышыр. Əйтергə кирəк, дүрт ел дəвамында Сергач төбəгенең татар авылларыннан терлекчелек юнəлешендə яңа гына эшен башлаган башка кече форма аграр хуҗалыклар да югарыда əйтелгəн грантка ия булдылар. Бу хуҗалыкларның уңышлы тəҗрибəсе авылларда эш юк дип зарланып яткан ир-атларга да, таш кала- ларда авылларын сагынып хезмəт итүче яшь егет-кызларыбызга да үрнəк булыр дип ышанасы килə. Бүген халыкка яшəү чыганагы, илгə азык-төлек кур- кынычсызлыгы нигезе булып торган игенче, терлекче, бакчачы кебек аграр һөнəрлəр никтер урынсыз кимсетелə. Ə менə ике дистə ел элек авыл хуҗалыгы хезмəткəрлəре зур хөрмəткə лаек иделəр. Югарыдагы һөнəрлəрнең җəмгыятьтə элекке хөрмəтле урыннары кире кайтсын иде һəм моңа беренче адымнар бар инде. Язма геройларының үрнəге дə моны ачык исбатлый. Илнар САДЕКОВ фотосы.
--- |
Иң күп укылган
|