|
|
Бүген кемнәр туган
|
|
Архив
|
09.03.2010 «65»
«МАТБУГАТ.РУ» БӨЕК ҖИҢҮГӘ БАГЫШЛАП КОНКУРС ИГЪЛАН ИТӘБөек Җиңүнең 65 еллыгына күп калмады. Матбугатта әледән әле сугыш һәм җиңү турында сюжетлар, язмалар, социаль реклама чыгып килә. Без дә читтә калмаска булдык. Бүгеннән алып, ягъни зур бәйрәмгә төп-төгәл 2 ай кала, иҗади конкурс башлап җибәрәбез. Ул «65» дип аталачак. Бүләкләр дә каралган: 1 урынга – “Татарча-русча сүзлек” (ике томда), 2 урынга – “Татар мифологиясе” сүзлеге (ике томда), 3 урынга – “Шигърият теле” сүзлеге (2 томда). Әлбәттә, бу шаккатмалы бүләкләр түгел. Конкурсның иң зур бүләге – әби-бабаларыбыз рухын искә алып кылынган савап. “Матбугат.ру”да фикер алышуда (“талашуда” дип укы) һәрберебез оста, һәрберебез үҗәт: су буе комментарий язабыз, фикеребезне дәлилләр өчен сүзлекләргә кереп китәбез, актарынабыз. Шушы энергияне иҗади конкурста файдалансак иде.
Конкурсның шартлары:
- Ике ай дәвамында matbugat@mail.ru адресына Сездән әби-бабаларыгыз турында язмалар, фотолар, документлар кабул итәбез.
- Язма астында автор үз исемен яки сайттагы нигын (виртуаль псевдонимын) куярга мөмкин.
- Жанр ирекле. Форма ирекле.
- Җиңүчеләрне “Матбугат.ру” билгели. Төп критерийлар: язманың кызыклыгы, документальлек, иҗади якын килү, резонанс уяту һ.б.
- Конкурска нәтиҗәне 9 майда яки берәр көн алдан ясыйбыз. Казаннан читтә яшәүче җиңүчеләргә бүләкләрне почта аша җибәрербез.
Башладык. Хәерле сәгатьтә...
--- |
Иң күп укылган
|