«Манзара» премиясен алучыга 100 000 сум вәгъдә ителде (ВИДЕО)

60 якын артист, 23 абсолют Сабантуй батырын һәм дәрәҗәле кунакларны җыйган “Пирамида” сәхнәсе 20 нче гыйнвар көнне моңарчы сәнгать һәм спорт дөньясында булмаган тамаша - “Манзара” спорт һәм музыка премиясен тапшыру тантанасын кабул итте. Зур колач җәеп уздырылган тәүге масштаблы проектны хуплап килгән җитәкчеләрнең югары бәясе дә әлеге башлангычның нәтиҗәле һәм дәвамлы булуын исбатлый.

Бәйге ике өлешкә бүлеп үткәрелде. “Манзара” премиясенең  Спорт этабында көрәшчеләр арасыннан суперфиналга үтәчәк 8 иң көчле батырны сайлап алдылар.

Ә суперфиналда абсолют батырны 100 000 күләмендә акчалата бүләк, күн чемпион билбавы һәм “Манзара” спорт премиясе җиңүчесе исеме көтте.