Әсхәт Дөбер Шатыр: "Азгынлык пропагандаламыйм - матур кызлар күрсәтәм"

Аның клипларын да музыкаль каналларда соңга калып, әби-чәбиләр йоклап беткәч кенә куялар, чөнки “андый төр җырларга татар эстрадасында урын юк”. Милли эстрадада аеруча зур тәнкыйтькә дучар булган җырчыларның берсе ул – Әсхәт Дөбер Шатыр.

 

— Минем иҗатымны тәнкыйтьләүләренә ияләштем инде. Кемгәдер ошый синең эшең, кемгәдер ошамый. Минем иҗатыма карата ниндидер эмоцияләр кичерәләр икән, моны битараф булуга караганда яхшырак дип саныйм. Килешәм, иҗатым татар эстрадасының традицион карашла-рына туры килеп бетми. Мин татар җырларында тәрбияләнмәдем. Яшь чакта күп вакытны спортзалларда үткәрә идем. Анда бөтенләй дә татар музыкасын тыңларга мөмкинлек булмады. Бәлки, шуңадыр күңелемдә моңга тартылыш юк. Әйе, җырларымда татар менталитеты, моңы, баян партияләре юк. Мин татар җыр сәнгатенең якты исеменә дәгъва итмим, ә бары заманча җырларны туган телемдә башкарам. Мин үз иҗатымны үзем теләгәнчә алып бара алганга язмышыма рәхмәтлемен. Кайчандыр бер танылган җырчы: “Әсхәт, мин сиңа ак көнләшү белән карыйм, чөнки син үзең теләгән җырларны башкарасың, ә без халыкка ошаган, “сатыла” торган җырлар башкарырга мәҗбүр. Тамашачы концертларга йөрмәсә, без дә эшсез калабыз дигән сүз”, – дип күңелен бушатты. Әйе, хөкүмәт чараларында чыгыш ясаучы кайберәүләр үзләрен элита дип атый. Әмма кеше үзе турында андый югары фикердә булырга тиеш түгел, миңа калса. Гомерем буе профессионал спорт белән шөгыльләнәм, әмма үзем-не суперспортчы дип санамыйм. Юкса, уңышларым җитәрлек: Татарстанда гына түгел, СССРда, Русиядә төрле ярышларда җиңү яуладым. Музыка өлкәсендә дә шулай булырга тиеш: республика эчендә генә түгел, төбәкара, илкүләм чараларда катнашып, танылу яула син! Җырчылар һич югы тәүдә “Голос” пректында катнашып карасын...

– Катнаштылар бит инде. Динә Гарипова беренче сезонда җиңү яулады, Эльмира Кәлимуллина да, башка катнашучылар да булды... 

 

– Катнашырга була. Анда мин дә, син дә катнаша алабыз. Мин конкрет татар эстрада җырчыларын, шул исәптән “элита”сын күз уңында тотып әйтәм. Динә дә, Эльмира да үзләрен татар шоу-бизнес элитасы дип атамый. Хәер, эш анда түгел. Чиновникларга иҗатлары ошый торган берничә артист бар. Аларга җырлагач, үзләрен элита дип саныйлар. Әгәр минем иҗатымны ошаткан чиновник табылса, мин дә музыкаль элитага керә башлармын. (көлә).

 

– Әйе, “Нинди клиплар күрсәтәсез? Ярымшәрә хатын-кызлар гына бит”,– диләр. “Килче, килче яныма”, “Мәхәббәт – бомба”, “Безнең җәй”  клиплары турында сүз бара. Алар пляжларда төшерелгән. Җәй бит ул: халык ял итә, кызына, су коена. Үзем фуфайка киеп, кызларны пәрән-җәгә төриммени? Әбиләргә ошамый дип... Гафу итегез, әбиләр карарга ярата торган сериалларда кайвакыт шундый сәхнәләр күрсәтелә! Андагы интригалар, гайбәт таратулар, гаилә таркатулар... Төп геройларның әллә ничә сөяркәсе бар. Шул дөресме? Мин бит азгынлык пропагандаламыйм. Матур кызлар, матур буй-сыннар, матур күренешләр күрсәтәм.

 

 

– Күңел ача торган җиңелчә җырлар, билдән түбән юмор белән генә. Ни өчен кайбер җырчыларның популярлыгын аңламыйлар? Ә бит аның сере гади генә: алар халыкка теләгәнен бирә.

 

– Әйе, мин бөтен гомеремне спортка багышладым. Самбо буенча ике тапкыр СССР чемпионы булдым, бодибилдинг буенча Русиянең бронза призеры, спорт мастеры. Өченче сыйныфта көрәш белән мавыгып киттем. Аның белән профессиональ дәрәҗәдә 18 ел шөгыльләндем, тик һәр спортта да чик булган кебек, гел көрәш белән генә дә шөгыльләнеп булмый. Көрәшүдән туктагач, физик форманы саклау өчен бодибилдингка күчтем. Үзем нигез салган “Здоровый позвоночник” студиясе бар. (Төп керемне мин шуннан алам. Ә җыр минем өчен хобби ул.) Мин төзегән авторлык методикасы умыртка-лыкны төрле авырулардан, травмалардан соң тергезергә ярдәм итә. Гримеркада очрашканда  һәрвакыт «Мондый формага ничек килергә?» дигән сорау бирәләр. Гадәттәгечә, үз өстеңдә ныклап эшләргә, таләпчән булырга дип аңлатам. Мондый сөйләшүләрдән соң һәрбер җырчы диярлек язылып куя, тик бик сирәге генә спортзалга килеп җитә. Килгән очракта да озак шөгыльләнмиләр. Өстәвенә профессиональ тренер белән эшләү очсызга төшми. Төрле вакытта минем белән Данир Сабиров, Булат Бәйрәмов, Ләйсән Гыймаева, Салават Миңнеханов, Раяз Фасыйхов кебек җырчылар шөгыльләнде. Ә иҗатка эштән буш вакытны багышлыйм. 

 

 

– Бар андый хәл. Күңел яшь булуга бәйледер ул. Мин һәр эшне рәхәтлек алыр өчен эшлим. Ничек ошый – шулай җырлыйм. Бер-кемгә дә ярарга тырышмыйм. Баян моңына кушылып авыллар, каеннар, чыршылар турында җырлыйсым килми. Әле үсеп җитмәгәнмендер, күрәсең. Хаты-ным миннән еш кына: “Кайчан үсәсең? Балалар сине узып китте бит инде”,– ди. “Миңа һәрвакыт 25 яшь!”– дип җаваплыйм. Миңа ошый шул яшь. Бик озак шундый яшь һәм дәртле булып калырмын дип ышанам.