Бөтен дөнья сиңа каршы торганда нишләргә?

Казан кинофестивале матбугат чараларын программа белән таныштыруын дәвам итә. Иртәгә 17.00 сәгатьтә "Мир" кинотеатрында "Тәкъдир" ("Судьба") фильмы күрсәтеләчәк.

Режиссер Чжан Вэйның бу фильмы аутист малай белән Кытай җәмгыятенең каршылыгы турында сөйли. Кешенең җан әрнүе, газаплары, җәмгыятьнең пычраклыгы, нәфрәте - режиссер барысын да ачып салган. Фильм Лос-Анджелес белән Монреаль дөньякүләм фестивальләре белән беррәттән Казан халыкара мөселман киносы фестиваленең бәйгедән тыш программасында да тәкъдим ителгән.

Фильмны карарга журналистлар, блогерлар, киноберләшмәләр вәкилләре, мәдәният һәм сәнгать эшлеклеләре чакырыла.

Аккредитация shigabetdinov.pr@gmail.com эл.почтасы яки 8 937 285 01 21 (Лиана Нурышева) телефоны аша гамәлгә ашырыла.