Бүген Зимфира Гыйльметдиновага 50 яшь тулды - юбилей уңаеннан уникаль ВИДЕО

Танылган журналист, Халыкара журналистлар федерациясе әгъзасы, бүген Татар Дәүләт филармониясендә эшләүче Зимфира Гыйльметдиновага бүген 13 март көнне 50 яшь тулды. Юбилярны чын күңелдән котлыйбыз! Ә "матбугатрулыларга" уникаль видео тәкъдим итәбез:

Менә сезгә 1999 елдагы Зимфира. Зәйнәп Фәрхетдинова һәм Зөфәр Билалов концертында «алып барышучы» булган вакыты. Концерттан кисеп алган бу өлешнең эчтәлеге Зимфираның Зәйнәп күлмәген урлап киеп, кеше репертуары белән АРТИСТКА булырга җыенуы турында. Шундый сценарий. "Бу еллар сагындыра. Зәйнәп һәм Зөфәр белән эшләгән еллар – май өстендәге сыр кебек яшәгән, 44 размер кием кигән, бил әйләнәсе 56 сантиметр булган, чәчләрнең озын, акылның әле бүгенге кебек үк комачаулый торган озын булмаган еллар алар) 18 ел узган, минсиңайтим!" - диде Зимфира "Матбугат.ру" хәбәрчесенә.