Казанда Гали Ильясовның тууына 80 ел тулуга багышланган концерт узды (ФОТО)

Габдулла Тукай исемендәге Татар дәүләт филармониясендә РСФСРның атказанган, ТАССРның халык артисты Гали Ильясовның тууына 80 ел тулуга багышланган «Синең өчен» дип аталган концерт булды. Филармониянең музыкаль-әдәби лекторий бүлеге әзерләгән, «Бөек исемнәр» абонементы кысаларында узган концертта Гали Ильясовның «Оныттыӊ бугай», «Иӊ якты йолдыз», «Идель вальсы»,. «Подари мне себя», «Су анасы», «Синеӊ өчен» җырлары, җырчы репертуарыннан классик әсәрләр яңгырады.

Коллегалары, дуслары Гали Ильясов турында истәлекләр белән уртаклаштылар, юмор хисе белән аерылып торган җырчы турында кызыклы тарихлар сөйләделәр. Татар халкының данлы җырчысына багышланган әлеге очрашу Гали аганың холкына тиң – гаятъ җылы һәм зәвыклы булды.