"АЛКАНАТ"ТАН ЯҢА ҖИҢҮЛӘР КӨТӘБЕЗ

29 октябрьдә Казанда "Маяковский. Желтая кофта." клубында “Emergenza” Халыкара фестиваленең сайлап алу туры уздырылачак. Мондый мәртәбәле фестивальдә катнашу хокукын алу өчен ярышучылар арасында татар рок-төркеме “Alqanat” та бар. Төркиядә уздырылган "Тюркчевизион - 2009" Халыкара фестивалендә җиңеп, Финляндиядә оештырылган "Traskulla rock - 2009" “җанлы” татар музыкасы фестивалендә уңышлы чыгыш ясап кайтты ул. "160 җитез ат", "Салкын яңгырлар", "Дустыма" җырлары күпләргә таныш.

 29 октябрьдә Казанда "Маяковский. Желтая кофта." клубында “Emergenza” Халыкара фестиваленең сайлап алу туры уздырылачак. Мондый мәртәбәле фестивальдә катнашу хокукын алу өчен ярышучылар арасында татар рок-төркеме “Alqanat” та бар. Төркиядә уздырылган "Тюркчевизион - 2009" Халыкара фестивалендә җиңеп, Финляндиядә оештырылган "Traskulla rock - 2009" “җанлы” татар музыкасы фестивалендә уңышлы чыгыш ясап кайтты ул. "160 җитез ат", "Салкын яңгырлар", "Дустыма" җырлары күпләргә таныш.

“Emergenza” – егермедән артык илдә уздырылучы музыкаль марафон. Әлеге чараның башлангычы Италиядә, тора-бара барлык Европага тамыр җәеп, 2004 елда АКШка кадәр барып җитә. Хәзерге вакытта фестиваль Көнбатыш Европаның һәм Төньяк Американың барлык зур шәһәрләрендә уздырыла. Былтыр “Emergenza” беренче тапкыр Россиягә рәхим итеп, Мәскәү, Санкт-Петербург һәм Иваново шәһәрләрендә булды. Шулай итеп, илебез Көнчыгыш Европада беренчеләрдән булып шушы олы музыкаль форумда катнашу мөмкинлегенә ия.

Башкалабыз Казан  фестиваль оештыручыларын җәлеп иткән. “Emergenza”ны  нәкъ шушы шәһәрдә оештыруны хәл итү күптәннән бара икән. Чараның Казандагы өлешен 2010 елның гыйнвар аенда  "Маяковский. Желтая кофта"  клубында үткәрергә исәплиләр. Иң лаеклы дип табылган конкурсант финалга чыгып, Мәскәүдә Татарстан данын яклап чыгыш ясаячак. Анда җиңү яулаучы исә  фестивальнең халыкара финалына үтеп, Германиягә юл тотачак.

Ахырдан шуны исегезгә төшерик, 29 октябрьдә буласы сайлап алу турына 18 сәгатьтә кил һәм яраткан төркемең өчен тавыш бир! Билетның хакы 100 сум, кесәңдә флаерың булса – 70 сум.