|
|
Бүген кемнәр туган
|
|
Архив
|
16.08.2016 Авыл
Амбарда ашлык, крестьянга шатлыкУрак өстен яктырту максаты белән Сафаҗайның “Киров” исемендәге СПКсына юл тоттык. Хуҗалык идарәсе бинасында ир-атлар юк, аңлашыла, урак вакытында барысы да алар кырда. СПК рәисе Шамил Нуриманов белән баш агроном Рәис Аймалетдинов та (фотода) уңыш алу процессын тикшереп йөриләр. Аларны без борчак кырында очраттык. Сафаҗай хуҗалыгы быел ике мең гектардан артык мәйданда бөртекле культуралар үстергән. Ике кырга (318 гектар) борчак та чәчкән булган. Кызганычка каршы, кузаклы культура уңышы уңмаган – һәр гектар уртача 11 центнер гына биргән. - Куанычыбызга, уҗым уңышы әйбәт быел. Һәр гектары 50-52 центнер иген биргән кырлар да бар иде. Нибары дүрт мең тонна уҗым уңышы алдык. Мул уңыш алыр өчен элиталы орлык чәчкән идек, вакытында тиешле ашламалар, агулау матдәләре дә керттек. Басуларның әйбәт кышлавы һәм язгы дымлы туфрак та зур роль уйнады. Язын чәчелгән ашлык белән хәлләр начаррак. Моңа сәбәп, әлбәттә, корылык. Безнең төбәктә җәй буе диярлек кояш кыздырды, ә яңгырлар аз иде. Гомумән, район буйлап уңыш күләме аз быел. Шуңа да карамастан, безнең хуҗалыкта елына карата сабан ашлыгы уңышы ярыйсы гына – нибары алты мең тонна иген җыеп алырга планлаштырабыз. Халык белән пайлар өчен санаша киләбез. Машиналар кырдан ук бодай, солы ташый аларга. Гомумән, 1100 гектар уҗым, 1150 гектар сабан ашлыгы чәчелгән иде. Уңышның зур өлешен уҗым бодае бирде. Югары сыйфатлы уңышка сорау зур, шуңа күрә аны тиз арада реализацияләрбез дип уйлыйм. Икенче августта ук киләсе ел уңышына нигез салып, уҗым культураларын чәчүгә керештек. Аграр тармак белгечләре, галимнәр бу эшне август ахырында башларга киңәш итсәләр дә, без борынгы бабайлар тәҗрибәсенә таянып, уҗым чәчүне иртәрәк башлыйбыз һәм бүгенгә оттырганыбыз юк, Аллага шөкер, - ди Шамил Әнәс улы.
Ринат СӨННӘТОВ |
Иң күп укылган
|