“ТАТАР ВИКИПЕДИЯСЕ”Н БЕРГӘЛӘП КҮТӘРИК!

“Википедия” виртуаль энциклопедиясенә татар телендәге дүрт меңенче мәкалә эленде дип берничә ай элек язган идек. 15 сентябрьдә бу ресурска (дөресрәге, аның татар телле бүлегенә) 6 ел тулды. Ә мәкаләләр саны инде 4300дән арткан. Күпме бу, әзме - әйтүе кыен. “Татар Википедиясе” башка телләрнеке белән чагыштырганда урталыкта бара. Мәкаләләр саны буенча 266 тел арасында әлегә 118нче урында барабыз.

Татар бүлегенең үзенчәлеге шунда: мәкаләләр латин һәм кирилл имласында бирелә. Татар “Википедия”сенең иң зур проблемасы – язучылар, тулыландыручылар саны аз булу. Даими рәвештә бу эш белән бары тик берничә кеше генә шөгыльләнә икән. Ә бит мәкаләләр өстәү өчен теркәлү дә мәҗбүри түгел. Шулай да теркәлгән кулланучыларның мөмкинлекләре зуррак. Әйдәгез, алайса бергә тәвәккәллик! Татар “Википедия”сенең адресы – tt.wikipedia.org.