Рәшит Ваһапов һәм Хәйдәр Бигичевларның бюст-һәйкәлләре Уразавылга кайтарылды

 

- Милләтебезнең йөзек кашы булган, нижгар татарларын бөтен дөньяга таныткан бөек җырчыларыбызга һәйкәлләр кую фикере белән Казаннан Рәшит Ваһапов фонды рәисе Рифат Фәттахов чыкты, безне дә шуңа күндерде. 2015 елның 28 январендә өлкә татарлары конгрессы советы чираттагы утырышында бу проектны гамәлгә куярга карар кылды. Безнең эшебезне Кызыл Октябрь районы администрациясе башлыгы Халит Сөләйманов та хуплады һәм барча эштә ярдәм итте. Әлбәттә, акчасыз эш башларга авыр иде, шуңа да карамастан, Алла ярдәмен бирде һәм менә проект финишка җитешә. Сөенеп шуны хәбәр итәм: шушы көннәрдә Рәшит Ваһапов һәм Хәйдәр Бигичев бюст-һәйкәлләре, Аллага шөкер, Уразавылга кайтарылды һәм постаментларга урнаштырылды.

 

- Һәйкәлләрне Татарстан Республикасы Президенты Рөстәм Миңнеханов буләк итте. Милли республика башлыгы белән элемтә булдыруны Рифат Әхмәт улы үз өстенә алды һәм намус белән башкарды, ә мемориал комплекс территориясен төзекләндерү өчен Губернаторыбыз Валерий Шанцев акча бүлеп бирде. Шул исәптән парк янында урнашкан биналар да тиешле сыйфатка китерелде.

 

- Рөстәм Миңнеханов, Валерий Шанцев килүләрен расладылар, тантанада мөфти шәех Равил Гайнетдин да катнашыр дип көтелә. Югары түрәләр белән бергә без, әлбәттә, килгән кунакларга да бик шат булырбыз. Чөнки бу проект нижгар татарлары мирасы. Рәшит белән Хайдәр әфәнделәр дә үз иҗатларын барлык татар халкына юллый иделәр бит.

- Монументаль комплекс, минемчә, күбрәк тәрбияви әһәмияткә ия. Татар халкы, аеруча яшь буын милләтебезнең бөек уллары белән горурланырга тиеш. Шушы изге чара аркасында Уразавыл үзәге дә төзекләндерелә – бу да бит уңай күренеш. 

 

- Әйе, бөек якташларыбызга монументлар куюга җәмгыятьнең фикере төрле иде: каршы килүчеләр да булмады түгел, яклаучылар бар иде. Шатлыгыбызга, соңгылары күбрәк. Татар мәдәниятен чын күңелдән яраткан милләтпәрвәр якташларыбыз ярдәме дә бар бу проектта. 

- Берсүзсез, булыр. Күренекле якташларыбызга багышлап Дан аллеясы булдырырга планнар бар. Хәзер анда Советлар Союзы, Социалистик Хезмәт геройлары почмагы булдырыла. Атаклы спортчыларыбызны да онытмабыз дип уйлым. Әлбәттә, сүз Кызыл Октябрь районы шәхесләре турында гына түгел, ә гомумән нижгар татарлары турында бара. Чөнки, Кызыл Октябрь районының бердәнбер татар районы буларак, нижгар татарлары үзәге булырга тулы хокукы бар.

 

 

- Иң татлысын – горурлык хисен. “Тарихын белгән милләтнең киләчәге бар”, – дигән классик. Моңа, мәдәниятен, гореф-гадәтләрен саклый алган милләтне үсеш көтә, диеп кенә өстисе килә.

 

Форсаттан файдаланып, яратып укыган “Туган як” газетасы битләре аша Валерий Шанцевка, Рөстәм Миңнихановка, Рифат Фаттаховка, Халит Сөләймановка һәм Нижгар татарлары конгрессы советы әгъзаларына зур рәхмәтемне белдерәм һәм барча якташ-милләттәшләремне 15 июльдә Уразавылга көтеп калам. Бәйрәмнең мәдәни-музыкаль программасы да бик бай. Анда Казаннан килгән артистлар да, үзебезнең якташ җырчыларыбыз да, үзешчән сәнгать вәкилләре дә катнаша. Олы җырчылар хөрмәтенә олы бәйрәмгә рәхим итегез!