"БЕЗ ТАТАРЧА СӨЙЛӘШӘБЕЗ!"

20нче сентябрьдә "Татарстан - Яңа Гасыр" каналында - "Без татарча сөйләшәбез!" дип аталган телемарафон. Яшьләр туган телләрен хөрмәт итәме? Яшь милләттәшләребез татар телен яхшы беләме? Туган телгә мәхәббәтне яшьтән үк ничек тәрбияләргә? Кызыкмы? Әлеге һәм башка актуаль сорауларга телемарафонның алып баручылары - Марсель Әхмәдуллин һәм Роза Әдиятуллина җавап эзли. Ә аларга студия кунаклары ярдәм итә - танылган журналистлар, җәмәгать эшлеклеләре һәм гади кешеләр: тәрбиячеләр, мөгаллимнәр һәм студентлар.

"Без татарча сөйләшәбез!" телемарафоны 20нче сентябрьдә иртәнге 9 сәгать 30 минутта башлана. Турыдан-туры эфир телефоны - (843) 570-50-75. "Без татарча сөйләшәбез!" телемарафоны матбугат һәм гаммәви коммуникацияләр буенча "Татмедиа" республика агентлыгының гранты буенча оештырыла.