"ЯКТАШЫҢНЫ ТАП" БҮЛЕГЕННӘН КЫЗЫКЛЫ СҮЗЛӘР

"Матбугат.ру"да "Якташыңны тап" бүлеге эшләп килә. Аны онытып бетермәгез, кергәләгез. Бәлки сезне эзлиләрдер? Әлегә шушы бүлектәге аралашудан кызыклы постлар укый торыгыз. Уены-чыны бергә.

...Беренче мәхәббәт Такталачыкта узды, кызлар. Такталачыкка миннән күп сәлам. Автобустан төшкәч тә уң яктагы беренче өйгә кайтучы кунак кызы.

...kukmara.ru сайтына рәхим итегез. Ул сайтта "чат" та бар, почта да бар, "блог" белән форум да бар, әмма әлегә төп бите йук.

…Ә негр татарлар сездә бармы? Ә негр мишәрләр?

...Без үзебез ак татарларны бик яратып бетермибез, үзебез афротатариннар булгач.

…Fenis, без баҗайлар штоли синең белән?

...Зато кызлары әйбәт. Бөтен яктан да ярап бетеп булмас инде.

...Шундый начар кешемени ул? Күргән саен елмайган була, сабакы!

...И җәмәгать, авылга кайтасы килә - Лашманга. Авыл сазы кадерлерәк бу Казан пробкаларыннан.

...Языгыз әле берегез булса да,йөрәгемә ярамый буш торгач:)

...Берәр чувашча сөйләшкән кешене очратсаң да, туганыңны күргән кебек буласың.

...Кызыл бозау темасына килгәндә, ул сорау күптән борчый – Минзәләдә алай сөйләшүче бер кешене дә күргән юк. Актанышнын кызыл бозавы булырга тиештер ул.

..."Нәмә" сүзе "нәрсә"гә караганда якынрак безгә.

...Әгерҗе йокламый. Юбилейга әзерләнә. Юк-бар сөйләшергә вакыты юк.

...Иркә сезнең якташыгыз түгелме ул?

...Миңа килгәндә: Казан газеталарының берсендә "тир түгәм"...

...Ике дистәне атлап чыктым инде менә...

...Миннән яшьрәкләр авылда клубта исәнләшмскә дә мөмкиннәр. Кая инде, алар бит Казан хәтле Казанда укып йөриләр!

...Бүген троллейбуста Апас ягы турында җыр ишеттем. Валлахи газыйм, күземә яшьләр килде.

...Тотыш? Бу син башкаларга ярдәмчел, ягъни тотып калам дигәнне аңлатамы, әллә сине кайчакта "тотып" калырга кирәкме?

...Ник без шулай икән... Апас военкоматына килеп армия сафларына озатканда да сугышып кайтып китә идек

...Мин сине беләмдер әле... Исемең? Фамилияң? Кушаматың?

...Казаннан ерак торгач безгә радио матбугат бик тиз килеп җитми.

...Мин Гөлбирә булам! Ә синең исемең ничек?

...Мәктәп трафигын бетереп утырышмы?

...Киләсе елда сезгә 12 ай сәламәтлек, 53 атна яхшы кәеф, 365 көн бәхет, 8760 сәгать уңышлар, 525600 минут мәхәббәт һәм 31536000 секунд күңелле мизгелләр телим!