“ЯҢА ГАСЫР”НЫ ТЫҢЛАСАҢ - ҮЗЕННЕ ИШЕТЕРСЕН!

“Яңа гасыр” радиосы “Яңа гасыр”ны тыңласаң – үзеңне ишетерсең!” дип аталган татар җыры конкурсын 2009нчы елның 22 апреленнән кабаттан ачып җибәрә. Ул 25 ноябрьгә кадәр дәвам итәчәк.

Конкурста теләгән һәркем катнаша ала. 6 яшьтән 16 яшькә, 17 яшьтән 30 яшькә кадәрге һәм 30 яшьтән югары категорияләрнең һәрберсендә җиңүчеләр билгеләнәчәк. Җырлар агымдагы елның 22 апреленнән 15 сентябренә кадәр кабул ителә. Икенче тур 15 сентябрьдән 12 октябрьгә кадәр үтә. Җиңүчеләр SMS аша тавыш бирү һәм жюри бәясе нигезендә билгеләнәчәк. Жюрига Татарстанның халык артистлары Хәния Фәрхи, Зөфәр Хәйретдинов, рэпер Шәкүр, шагыйрә Шәмсия Җиһангирова, радионың баш мөхәррире Илнур Фәйзрахманов, “Яңа гасыр” телерадиокомпаниясенең тавыш яздыру студиясе директоры Ләйлә Монасыпова кергән.

Бәйге сольный җырлау, вокаль ансамбльләр, вокаль-инструменталь ансамбльләр, фольклор коллективлары номинацияләре буенча узачак.

“Яңа гасыр” радиосының баш мөхәррире Илнур Фәйзрахманов белдерүенчә: “ Конкурсны алга таба һәр ике ел саен уздырып торачакбыз, бу вакыт аралыгы конкурсның нәтиҗәләрен бәяләү өчен җитәрлек вакыт дип саныйм”. Спонсор нашего сайта 1xbet

Бәйге шартлары буенча, тавышны яздыру мәҗбүри рәвештә “Яңа гасыр” студиясендә башкарылырга тиеш. “Без үз чиратыбызда конкурсантлар өчен бөтен шартларны да булдырачакбыз. Җыр сайлау һәм аранжировка буенча да ярдәм итәргә әзербез”, - дип ассызыклады Ләйлә Монасыпова.

Конкурска татар халык җырлары, моңарчы беркайда да яңгырамаган эстрада җырлары, рок-музыка, альтернатив музыка, джаз музыкасы жанрларындагы яңа җырлар кабул ителә.

Җиңүчеләр катнашындагы Гала-концерт 2009 елның 25 декабрендә Казан концерт залларының берсендә узачак. “Яңа гасыр”ны тыңласаң – үзеңне ишетерсең!” конкурсында җиңгән җырлар алга таба “Яңа гасыр” радиосы эфирында яңгыраячак . Моннан тыш, CD – DVD дискларда махсус җыентыклар әзерләнәчәк.