Замирә Рәҗәпова: “Тормыш йөген үзем тартып арыгач, аерылышырга булдым” (ФОТО)

Соңгы арада Замирә телевизор экраннарыннан югалды. Тормышы, ниләр белән мәшгульлеге турында белергә теләп, Замирә белән күрешеп алырга булдым.

 

 

– Телевидениедән китү теләге ике-өч ел элек туды. Камера алдында басып сөйләү – иң җиңел эш. Өч-дүрт программага сценарий язу, “Җомга киче”, “Хөршидә-Мөршидә”нең сценариеннан тыш, съемкасы да минем өстә иде. “Яңа ел кичәсе”нә ничә ел рәттән сценарий яздым. Моннан тыш гаиләм дә бар бит. Филүс Каһировта алып баручы булып эшлим, башка кичәләрне дә алып барам, гастрольләргә йөрим. Мине җитәкчелек аңлый иде, әмма аңласа да, үзең киткәндә барлык эшләреңне тәмамлап китәргә кирәк. Тәүлек буе эшләдем. Берьюлы дүрт сценарий язган очраклар да булмады түгел. Улым Аяз хоккей белән шөгыльләнә. Аны боз сараена илтеп кую өчен иртәнге 5тә торырга кирәк, 6да алар бозда булырга тиеш. Шуңа күрә, бу хәлләрдән чыгу юлын эзләдем, нык арыган идем.

 

 

 

– Халыклар дуслыгы йортында режиссермын. Ярты ел үз көемә генә концертлар алып барып, банкетлар үткәреп йөргәч, бирегә урнаштым. Режиссер булырга махсус белемем юк, әмма мин – телевидение мәктәбен үткән кеше. Эшем бик күп. Шәһәр көнендә узачак концертның, башка планлы концертларның режиссеры мин. Моннан тыш, өч җырчыга клип әзерлим, дүрт җырчыга концерт сценарие язам.

 

 

– 8 тулды. Җәен әни янында уздырды.

 

 

– Башкортстанның Илеш районы Торачы авылында гомер итә. Быел пенсиягә чыкты. Әтине белмим дә. Әти үзбәк бит минем. Без кечкенә чакта ук, 24 яшендә әни Үзбәкстаннан аерылып кайткан. Шуннан бирле барлык гомерен сеңлем белән миңа гына багышлады. Әти белән аралашып үсмәдек.

 

 

– Аннан соң Замирә кияүгә чыкты бит инде! Булды андый хәлләр. Беренче ирем Фәрит белән 2009 елда аерылыштык. Аерылышу тәкъдимен мин ясадым. Рәхәт, бәхетле тормыштан хатын-кыз баш тартмый. Шуны гына әйтә алам: дөньяның бөтен авырлыгын үз җилкәмдә генә тарту арытты. Тормыш булгач, ир дә, хатын да гаиләне карарга, сакларга тиеш. Әгәр үзен гаиләгә берсе генә багышлый икән, аның көче җитми. Менә минем дә көчем җитмәде.

 

 

– Кайда икәнен дә белмим, кызыксынганым да юк. Әти булган кеше үзенең кайдалыгын сиздерер, хәбәр бирер иде. Шушы көнгә кадәр улы белән очрашканы юк икән, димәк, ул әти түгел, андый кеше безгә кирәкми.

 

 

– Ул – сәнгать кешесе. Халыклар дуслыгы йортында музыкант булып эшли. Филүс Каһиров белән эшләгәндә сәхнәдә таныштык. Беренче иремнән соң, гомумән, ир-атка ышанычым юк. Барлык ирләр дә хыянәткә бик җиңел бара дигән нәтиҗәгә килдем. Чөнки беренче ирем белән яшәгәндә хыянәт белән бер генә тапкыр очрашмадым. Әлеге егет белән дә бик сагаеп кына аралаштым. Яңадан гаилә кору миңа бик авыр булыр дигән идем, ләкин ничектер шулай килеп чыкты, бүген без бергә. Аның үз дигәнендә нык торучанлыгы аркасында кушылдык. Инде менә никахыбызга да ике ел.

 

 

– Мин һәрнәрсәгә үзем ирешергә, үзем эшләргә күнеккән. Яңадан гаилә корып яши башлагач, эш бүлешүе баштагы мәлдә авыррак булды. Миннән дүрт яшькә кечерәк булса да, яши-яши шуны аңладым: ул акылы белән миннән күпкә өлкәнрәк икән.

 

 

 

– Бик әйбәт. Ул аны бик ярата. Мөнәсәбәтләре яхшы, күз тимәсен!

 

 

– Фәлән абый дип (Замирә иренең исемен сер итеп саклый). Үз әтисе бар бит аның. Аннан соң үзем дә андый ясалмалылыкны яратмыйм. Әтисе килсә, аралашуларына да каршы булмас идем.

 

 

– Ашарга пешерү – хатын-кызның мәҗбүри эше. Ашарга пешерергә яратам, бәлки шуңа да тәмле килеп чыгадыр. Нәрсәгә тотынсам да, эшне “бисмилла”дан башлыйм. Нәрсә пешерсәм дә, барлык нәрсәне чама белән салам, кашыклап, граммлап үлчәп утырганым юк.

 

 

– Сагынып утырырга вакыт юк. “Мине күрсеннәр әле” дигән принцип белән яшәмим. Телевидениедән җиңел киттем. Әмма тамашачы мине онытмый. Бервакыт Себердә гастроль вакытында грим бүлмәсенә әбиләр җыелышып кергәннәр дә: “Без сине декрет ялына киткән дип торабыз, ә син “Җырлыйк әле”дә эшләмичә, концерт куеп йөрисең икән”, – дип ачуландылар.