"ТЫЛСЫМЧЫ" ТОРТЫ

2 йомырка, 1 стакан шикәр комы, 1 лимон согы, 200 г каймак, ярты банка куертылган сөт, ярты бал кашыгы сода, тулыр-тулмас 2 стакан он, 2 аш кашыгы май, 2 аш кашыгы он;
крем өчен: 200 г атланмай, 8 аш кашыгы куертылган сөт, бер стакан вакланган чикләвек;
ялтыравык өчен: 2 йомырка агы, 1 стакан шикәр комы, 2 аш кашыгы какао

 2 йомырка агына акрынлап 1 стакан шикәр комы һәм лимон согы куша барып, куе итеп күбекләндерәбез. Икенче савытта 2 йомырка сарысы, 200 г каймак, ярты банка куертылган сөт, ярты бал кашыгы сода, он кушып болгатабыз һәм шул катнашмага акрынлап күпертелгән йомырка агын кушабыз. Камыр басабыз да аны майланган һәм он сибелгән формага тулыр-тулмас итеп салабыз. Форманы җылытылган газ миченә куябыз һәм өсте кызара башлаганчы уртача кызулыкта пешерәбез. Пешкән коржны форма эчендә суытабыз да пычак белән формадан алабыз.

Крем ясау өчен тирән эчле савытта 200 г атланмайны изә-без, 8 аш кашыгы куертылган сөт өстибез, күпертәбез һәм

1 стакан кыздырып вакланган чикләвек кушабыз. Үткен пычак белән коржны урталай бүләбез, крем ягабыз. Тортның өстен ялтыравык белән каплыйбыз. Ялтыравыкны күпертелгән 2 йомырка агына, 2 аш кашыгы какао, 1 стакан шикәр комы кушып ясыйбыз. Торт тәмлерәк булсын өчен, аны бер тәүлек суыткычта тотарга кирәк.