ШАМКАЕВ РӘШИТ МИРЗА УЛЫ (РӘШИТ ШАМКАЙ)

1940 елның 26 маенда Куйбышев өлкәсе Камышлы районы Иске Ярмәк авылында туа.

1966 елда Казан театр училищесын тәмамлый. 1967–1968 елларда Минзәлә театрында, 1968 елның көзеннән — Татар академия театрында. Тышкы кыяфәте белән үк комик жанр артисты. Үтә кызык характерлы, комедиячел типларны гәүдәләндерә.

Аның рольләре: Проня — «Баһадирлар» (Н.Погодин), Тишка — «Агай-эне ак мыек» (А.Островский), Таһир — «Әнә килә автомобиль» (Ф.Яруллин), Ясәви — «Ташкыннар» (Т.Гыйззәт), Савелий — «Солдат хатыны» (Н.Анкилов), Нигъмәтҗан — «Синең урыныңа кайттым» (Р.Хәмид), Пеләш — «Әшнәләр» (В.Шукшин), Труффальдино — «Болан-Патша» (К.Гоцци), Анчугин — «Булмас димә, дөнья бу» (А.Вампилов), Гыйльметдин — «Ат карагы» (Т.Миңнуллин), Дәрвиш — «Хуҗа Насретдин» (Н.Исәнбәт), Мөбарәк — «Казан егетләре», «Тагын Казан егетләре» (М.Гыйләҗев), Нуретдин — «Су төбендә сөйгәнем», 2 нче кунак — «Кишер басуы» (З.Хәким) һ.б.

ТАССРның хал. арт. — 1987 ел.