МУТИН МОХТАР ИСХАК УЛЫ

Г. Камал театры артистлары

Г. Камал театры артистлары: Библиографик белешмәлек. Ильтани Илалова - Казан: Татарстан китап нәшрияты, 2005.

Китапта соңгы 100 елда Г.Камал исемендәге Татар дәүләт академия театрында эшләгән һәм эшли торган артистлар белән артист-режиссерлар тормышы, иҗатына кагылышлы кыскача белешмәләр бирелә.

(1886–1941)

Хәзерге Актаныш районы Такталачык авылында туа. 1912 елдан «Нур» труппасында эшли башлый. Татар театрына нигез салучыларның берсе. «Нур»дан китеп, «Ширкәт» труппасында хезмәт итә.

1920 елдан Казанда. Кыска гына вакыт театр бүлеген җитәкли. Татар театрына махсус бина булдыру өчен бөтен көчен куя. Зур шөһрәт казанган атаклы артист. Мутин татар сәхнәсенә героик пафос, романтик юнәлеш алып килгән, гаҗәеп кайнар темпераментка ия булган олы трагик талант. Башлыча төп рольләрне башкара. Көнбатыш драматургиясен үзләштерә һәм спектакльләрендә уйнап, зур уңышларга ирешә.

Шәхес культы корбаны. 1937 елда кулга алына. 1941 елның июнь башларында Колымада һәлак була. 1963 елда аклана.

Аның рольләре: Карл Моор — «Юлбасарлар» (Ф.Шиллер), Гамлет —«Гамлет», Отелло — «Отелло» (В.Шекспир), Тартюф — «Тартюф» (Мольер), Батырхан — «Яңа кешеләр» (Г.Ибраһимов), Гайнетдин — «Һиҗрәт» (Н.Исәнбәт), Бардин — «Дошманнар», Барон — «Тормыш төбендә» (М.Горький), Вершинин — «Бронепоезд 14–69» (Вс. Иванов), Франко — «Салют, Испания!» (А.Афиногенов), Кәрим — «Дошманнар» (Ф.Сәйфи-Казанлы), Батырхан — «Җилкәнсезләр», Минһаҗ — «Кандыр буе» (К.Тинчурин), Гофрай — «Миркәй белән Айсылу» (Н.Исәнбәт) һ.б.

ТАССРның атказ. арт. — 1926 ел.