МОТЫЙГУЛЛИНА РУЗИЯ ИДИЯТУЛЛА КЫЗЫ (РУЗИЯ МОТЫЙГУЛЛА)

1950 елның 3 мартында Әлки районы Югары Әлки авылында туа.

1974 елда Казан театр училищесын тәмамлый һәм Татар академия театрында эшли башлый. Лирик пландагы танылган артистка. Ул иҗат иткән образларга эчке йомшаклык, нәфислек хас. Кешенең көчле тойгыларын, нечкә йөрәк кичерешләрен дөрес һәм ачык итеп тамашачыга җиткерә белә.

Аның рольләре: Марийка — «Солдат хатыны» (Н.Анкилов), Росита — «Канлы күләгәләр» (Г.Боровик), Айсылу — «Ташкыннар» (Т.Гыйззәт), Афродита — «Ташлама утны, Прометей!» (М.Кәрим), Агнеш — «Нихәл, яшь иптәш?» (Ш.Тот), Анджела — «Болан-Патша» (К.Гоцци), Заримә — «Китәм инде» (Р.Хәмид), Лариса — «Бирнәсез кыз» (А.Островский), Наталья — «Илгизәр + Вера» (Т.Миңнуллин), Ләйсән — «Ләйсән ире Хәсән» (Ю.Сафиуллин), Шәмсегаян — «Өч аршын җир» (А.Гыйләҗев), Шәфәкъ — «Ай тотылган төндә» (М.Кәрим), Галимәбану — «Галиябану» (М.Фәйзи), Беатриче — «Ике хуҗаның хезмәтчесе» (К.Гольдони), Зөләйха — «Зөләйха» (Г.Исхакый), Шәмсия — «Күрәзәче» (З.Хәким), Расиха — «Әни килде» (Ш.Хөсәенов), Сабира — «Зәңгәр шәл» (К.Тинчурин) һ.б.

Татарстанның хал. арт. — 1991 ел.
РФның атказ. арт. — 2001 ел.