КРУАССАН

15 г чүпрә, 500 г он, ярты литр су, 7 г тоз, 50 г шикәр комы, 20 г атланмай, 170 г маргарин, 2 йомырка сарысы

Чүпрәне ярты стакан суда җебетеп, 10 минутка җылы урынга куеп торабыз. Тирән эчле савытка он, 250 г су, шикәр комы, тоз һәм чүпрә салып болгатабыз. Атланмай кушып, камыр басабыз. Камырны калын тукыма белән каплап, 20 ми-нутка суыткычка куеп торабыз. Маргаринны пакетка салып, 30ә30 см зурлыкта итеп, уклау белән сак кына җәябез. Камырны суыткычтан алып, 33ә62 см зурлыкта итеп җәябез дә өстенә маргаринны куябыз. Ике катлы җәймәне конверт итеп төрәбез дә салфетка белән каплап, 15 минутка суыткычка куеп торабыз. Суынган камырны 2 см калынлыгында итеп җәябез һәм уртага бөклибез дә тагын салфетка белән каплап, 15 минутка суыткычка куеп торабыз. Суынган камырны 60ә30 см зурлыкта итеп җәябез. Җәймәнең бер ягын уртага, икенче ягын шуның өстенә каплыйбыз да камырны тагын суыткычка 15 минутка куеп торабыз. Суынган камырны 1 см калынлыкта һәм 30 см киңлектә итеп җәябез. Җәймәдән 12ә21 см зурлыктагы өчпочмаклар кисәбез. Өчпочмакның нигезеннән башлап чорныйбыз да әзер круассаннарны салфетка белән каплап, 40 минут бүлмә температурасында тотып торабыз. Күпергән круассаннарны майлы табага тезеп, йомырка сарысы белән майлыйбыз да 200 градус кызулыктагы газ мичендә 20 минут пешереп алабыз.