КЕСӘЛ | Матбугат.ру

Тәмле киңәшләр: Балалар өчен аш-су китабы

«Тәмле» киңәшләр: Балалар өчен аш-су китабы. «Малайларга-кызларга» сериясе. Төзүчесе Ләйсән Хафизова. — Казан: Мәгариф, 2004.

Әлеге басма балалар өчен. Ул бутербродлар, салатлар ясау, йомырка пешерү кебек гади һәм әзерләү җиңел булган ризыклар белән бергә, камыр ашлары пешерергә дә өйрәтер. Шулай ук шулпалар пешерергә, балык ризыкларын һәм икенче ризыкларны әзерләп карарга тәкъдим итәбез. Гомумән, «тәмле» киңәшләрне куллану өчен күп вакыт һәм зур осталык таләп ителми.

КЕСӘЛ

АЛМА КЕСӘЛЕ

2 стакан су, ярты стакан шикәр комы, 2 бал кашыгы бәрәңге крахмалы, 4 әче алма, ярты бал кашыгы ванильле шикәр комы

Эмаль эчле кәстрүлдә 2 стакан су кайнатабыз, шикәр комы өстибез. Бәрәңге крахмалын бер стакан кайнаган салкын суда эретәбез һәм, болгата-болгата, әкрен генә кайнап торган суга салабыз. Кесәл кайный башлауга аны уттан алабыз. Кабыгыннан чистартылган алмаларны угыч аша уабыз һәм кәст-рүлгә салабыз, ванильле шикәр комы өстибез, яхшылап болгатабыз һәм стаканнарга салып табынга куябыз.

МҮК ҖИЛӘГЕННӘН КЕСӘЛ

30—40 г мүк җиләге, 40 г шикәр комы, 10 г крахмал

Җиләкнең яхшыларын сайлап юабыз, өстенә кайнар су бөркеп, сөзгеч аша уып чыгарабыз. Изелгән җиләкнең согын сыгып алабыз. Җиләк куесына су салып, кайнатып чыгарабыз һәм сөзәбез. Кайнатманың бер өлешен суытабыз. Суынган кайнатмада бәрәңге крахмалын эретәбез. Кайнатманың калган өлешенә шикәр комы кушып, кайнатып алабыз. Барлыкка килгән сиропка алдан әзерләнгән бәрәңге крахмалын кушып болгатабыз һәм тагын кайнатып чыгарабыз, ләкин кайнатмыйбыз. Бу катнашмага алдан сыгылган сокны өстәп, яхшылап болгатабыз. Әзер кесәлне стаканнарга бүлеп салабыз, өстенә шикәр комы сибеп, табынга куябыз.