ИСӘНГУЛОВА (ЯРЕМЧУК) ГӨЛСЕМ САБИР КЫЗЫ

1938 елның 10 июнендә Башкортстанның Мәләүз районы Карагай авылында туа.

1961 елда Мәскәүдә Щепкин исемендәге Югары театр училищесын тәмамлый һәм Татар академия театрында эшли башлый. Лирик пландагы һәм төрле үзенчәлектәге төп образлар иҗат итүче танылган артистка.

Аның рольләре: Корри — «Фаҗигале юлда» (А.Муис), Шәфәкъ — «Ай тотылган төндә» (М.Кәрим), Айсылу — «Миркәй белән Айсылу» (Н.Исәнбәт), Назлыгөл — «Хуш, Назлыгөл!» (М.Байҗиев), Роза — «Эңгер-меңгер» (А.Гыйләҗев), Щеголева — «Чит кеше» (И.Дворецкий), Липочка — «Агай-эне ак мыек» (А.Островский), Энҗе — «Кол Гали» (Н.Фәттах), Марта — «Канлы күләгәләр» (Г.Боровик), Миңзифа — «Кичер мине, әнкәй!» (Р.Батулла), Мәхбүбә — «Зөләйха», Хәдичә — «Алдым-бирдем» (Г.Исхакый), Сабира — «Татар хатыны ниләр күрми» (Г.Ибраһимов), Гөлҗиһан — «Банкрот» (Г.Камал), Гөлсем — «Мирас» (Г.Каюм), Вәлия — «Асылъяр» (М.Фәйзи), Саҗидә — «Дуслар җыелган җирдә», Саҗидә — «Хушыгыз!», Мөнирә — «Үзебез сайлаган язмыш» (Т.Миңнуллин), Сәлимә — «Әбиләргә ни җитми?», Роза — «Ташлама мине!» (Ф.Бүләков), Зөһрә — «Һиҗрәт», Әйшә — «Зифа» (Н.Исәнбәт), Җәмилә — «Кыз урлау» (М.Кәрим), Лариса Даниловна — «Бер төн» (Б.Горбатов) һ.б.

2000 нче елларның башыннан «Инсаният» труппасының житәкчесе.

ТАССРның хал. арт. — 1987 ел.
Башкортстанның хал. арт. — 1996 ел.