ҖИҺАНШИНА РӘШИДӘ ГАБДУЛЛАҖАН КЫЗЫ

(1917–2003)

Казан шәһәрендә туа.

1936 елда Татар сәнгать техникумын тәмамлый һәм шул елдан бөтен гомерен Татар академия театры белән бәйли. 1964–1975 елларда — театрның директоры, 1975 елда тагын актерлык эшенә күчә. 1991 елның январеннан — театр каршындагы «Инсаният» труппасында. «Күңелем түреннән» дигән китап бастырып чыгара. Соңгы елларда пьесалар яза. Танылган, киң диапазонлы артистка, төрле буын, төрле характердагы лирик, комик рольләр иҗат иткән оста.

Аның рольләре: Нәфисә — «Дәүләт Бәдриев» (Г.Иделле), Коринкина — «Гаепсездән гаеплеләр», Смельская — «Талантлар һәм аңа баш иючеләр» (А.Островский), Надя, Клеопатра — «Дошманнар», Надежда — «Варварлар» (М.Горький), Беатриче — «Ике хуҗаның хезмәтчесе» (К.Гольдони), Фаншетта — «Фигароның өйләнүе» (П.Бомарше), Бәрбәрия — «Чын мәхәббәт», Гөлчирә — «Ташкыннар» (Т.Гыйззәт), Зөһрә — «Эңгер-меңгер» (А.Гыйләҗев), Екатерина II — «Канкай углы Бәхтияр», Хәмдебану –«Әлдермештән Әлмәндәр», Ана — «Моңлы бер җыр» (Т.Миңнуллин), Зәйнәп — «Синең урыныңа кайттым» (Р.Хәмид), Фатыйма — «Әбиләргә ни җитми?» (Ф.Бүләков), Диана Владимировна — «Сагыш» (А.Галин) һ.б.

РСФСРның хал. арт. —1981 ел.