ГЫЙЗЗӘТУЛЛИН ТАҖИ КӘЛИМУЛЛА УЛЫ (ТАҖИ ГЫЙЗЗӘТ)

(1895–1955)

Әгерҗе районы Барҗы-Омга авылында туа.

1920 елда Самара татар студиясен тәмамлый һәм Оренбургта К.Тинчурин җитәкчелек иткән Г.Кариев исемендәге труппада эшли. 1921–1929 елларда Сембер, Алабуга, Мәскәү татар театрларында хезмәт итә.

1929–1950 елларда Татар академия театрында — артист һәм даими рәвештә художество советы әгъзасы. Актер буларак ул дистәләрчә зур булмаган рольләр иҗат итә. Ләкин Таҗи Гыйззәт иң беренче чиратта татар театр сәнгатендә драматург буларак данлыклы.

Аның пьесалары: «Наемщик», «Чаткылар», «Ил үскәндә», «Мактаулы заман», «Акбаш вакыйгасы», «Кыю кызлар», «Ташкыннар» трилогиясе («Шомлы көннәр», «Даулы көннәр», «Данлы көннәр»), «Таймасовлар», «Изге әманәт», «Чын мәхәббәт», «Бердәнбер бала» һ.б.

РСФСРның атказ. сәнг. эшл. — 1940 ел.