ФӘТХУЛЛИН ГАБДУЛЛА НИГЪМӘТҖАН УЛЫ

Г. Камал театры артистлары

Г. Камал театры артистлары: Библиографик белешмәлек. Ильтани Илалова - Казан: Татарстан китап нәшрияты, 2005.

Китапта соңгы 100 елда Г.Камал исемендәге Татар дәүләт академия театрында эшләгән һәм эшли торган артистлар белән артист-режиссерлар тормышы, иҗатына кагылышлы кыскача белешмәләр бирелә.

(1915–1996)

Казан шәһәрендә туа.

1939 елда Татар театр техникумын тәмамлагач, Татар академия театрында эшли башлый. 1941 елны Ватан сугышына китә. 1949–1951 елларда Фәтхуллин — Республика күчмә театрында режиссер. 1951 елдан Татар академия театрына артист булып кайта. Ул төрле үзенчәлектәге кечкенә рольләрне истә калырлык, тормышчан итеп башкару остасы буларак аерылып тора.

Аның рольләре: Шәйхулла — «Миңлекамал» (М.Әмир), Редозубов — «Варварлар» (М.Горький), Бики — «Хуҗа Насретдин» (Н.Исәнбәт), Суфый — «Шәмсекамәр» (М.Әблиев), Клобуков — «Диңгездәгеләр өчен» (Б.Лавренев), Комиссар — «Көннәр һәм төннәр» (К.Симонов), Антонио — «Фигароның өйләнүе» (П.Бомарше), Шаһвәли — «Татар хатыны ниләр күрми» (Г.Ибраһимов), Салай Салтанович — «Соңгы корбан» (А.Островский), Вәгыйз — «Назлы кияү» (К.Тинчурин), Исидор — «Борчылма, әнием» (Н.Думбадзе), Бом — «Канлы күләгәләр» (Г.Боровик), Ризван — «Кыю кызлар», Әхтәри — «Ташкыннар» (Т.Гыйззәт), Ишморза би — «Нәркәс» (И.Йомагулов), Аблай — «Качаклар» («Һиҗрәт») (Н.Исәнбәт), Аждар — «Шәһәрдә җәй көннәре» (Анар) һ.б.

ТАССРның хал. арт. — 1976 ел.