БОРЩ

2 кызыл чөгендер, 2 баш суган, петрушка тамыры, 1 кишер, 3 бәрәңге, 1/3 баш кәбестә, 2 аш кашыгы томат пастасы яки 3 помидор, 2 кипкән гөмбә, яшел сельдерей, петрушка, укроп, 1 аш кашыгы тоз, ярты бал кашыгы шикәр комы, 1 аш кашыгы аш серкәсе, 2 аш кашыгы май

Барлык яшелчәләрне дә яхшылап юып чистартабыз. Суган белән петрушканы турап кәстрүлгә салабыз, кипкән гөмбәләрне кушабыз һәм 8 стакан су салабыз. Кәстрүлне көчле ут өстенә куябыз. Чөгендерне угыч аша уабыз. Табага май салып ут өстенә куябыз һәм шунда чөгендерне салабыз. Утны әкренәйтәбез. Чөгендерне кыздырмыйбыз, ә якынча 20 минут томалап пешерәбез. Табага ярты бал кашыгы тоз һәм бер бал кашыгы шикәр комы салабыз. Болгатып торабыз. Әгәр чөгендер сусыл булмаса, бераз шулпа кушабыз. Чөгендер төссезләнмәсен өчен, аңа 1 бал кашыгы аш серкәсе өстәргә кирәк. Кишерне угыч аша уып, табага өстибез. Бәрәңгене эре итеп турап, кәстрүлгә салабыз, пешә торсын. Шунда ук вак итеп туралган кәбестәне дә салабыз. Хәзер борщка кишер белән чөгендерне дә салырга була. Тозы җитәме икәнен карарга онытмаска кирәк. Борщның тәме ошап җитмәсә, аш серкәсе өстәргә дә була. Барысын бергә тагын 10 минут кайнатып алабыз. Газны сүндереп, туралган яшел үләннәр, дәфнә (лавр) яфрагы салабыз һәм, капкачын ябып, 5 минут тотабыз. Шуннан соң борщ әзер. Тәлинкәләргә салып, каймак өстәп, табынга бирәбез.