БОЛГАРСКИЙ (ФӘЙЗУЛЛИН) ГАБДЕЛБАРЫЙ ФӘТХУЛЛА УЛЫ

(1884–1927)

Татар театрына нигез салучыларның берсе. 1908 елдан «Сәйяр» труппасында эшли. Революциядән соң Буа театрында, 1923–1924 елгы сезонда Татар академия театрында, аннары янә Буада эшли. Беренче елларда ул хатын-кыз рольләрен уйный, соңыннан ир-егет образларын иҗат итә.

Аның рольләре: Мәгъри, Биби — «Бәхетсез егет» (Г.Камал), Мәрьям — «Яшьләр» (Ф.Әмирхан), Шәрифә — «Яшь хатын» (Д.Таҗдаров), Газби — «Ямьсез тормыш» (Ф.Сәйфи-Казанлы), Шантарайский — «Артист» (Г.Кариев), Добчинский — «Ревизор» (Н.Гоголь), Җаффар — «Надир шаһ» (Н.Нариманов) һ.б.

Хезмәт батыры — 1926 ел.