БАЛЫК ТЕФТЕЛЕ

800 г балык ите, 100 г ак ипи, 1 баш суган, 3 йомырка, ярты лимон, 4 аш кашыгы каймак, 2 аш кашыгы он, ярты стакан су, чирек стакан сөт, 3 аш кашыгы үсемлек мае, яшел үләннәр, тоз

Ак ипине суда җебетәбез. Балык итен, суганны һәм ипине иттарткычтан чыгарабыз. Фаршка тоз, төелгән лимон кабыгы, йомырка кушып яхшылап болгатабыз. Барлыкка килгән бериш массадан түгәрәк яки озынча итеп тефтелилар ясыйбыз. Тирән эчле табада майга он кушып кыздырабыз, су өстибез, каймак, ике йомырка сарысы, лимон согы, ваклап туралган яшел үләннәр кушабыз һәм яхшылап болгатабыз. Барлыкка килгән соуска тефтелиларны салабыз һәм 20—30 минут томалап пешерәбез.