АЛМА БӘЛЕШЕ

Тулыр-тулмас 2 стакан он, 3 аш кашыгы шикәр комы, 100 г май, уртача зурлыктагы 5 алма, 2 йомырка сарысы;

крем өчен: 1 аш кашыгы шикәр комы, 1 аш кашыгы бәрәңге крахмалы, 2 йомырка агы

Тирән эчле савытка он салабыз, 3 кашык шикәр комы, 2 йомырка сарысы, йомшартылган май өстибез һәм камыр басабыз. Камырны 1 сәгатькә салкын урынга куеп торабыз. Он сибелгән кунада сантиметр ярым калынлыгындагы җәймә җәябез. Кырыйлардан 2 см салындырып калдырып, җәймәне уклау белән майланган табага күчерәбез.

Кремны болай ясыйбыз: йомырка агын куе итеп күбеклән-дерәбез, әкренләп шикәр комы белән крахмал өстибез. Чистартып юылган, кабыгы әрчелгән, вак шакмаклап туралган алмаларны күбекләндерелгән йомырка агына кушабыз, болгатабыз һәм тигезләп камыр җәймә өстенә салабыз. Җәймәнең салынып торган кырыйларын эчкә бөклибез. Газ мичен яндырып, бәлешне куябыз. Уртача температурада якынча 40 минут пешерәбез. Мичне сүндереп кайнар табаны сак кына алабыз. 30 минут бәлешне суытабыз һәм тәлинкәгә күчерәбез. Табынга бәлешне өлешләргә бүлеп куябыз.