ИНТЕРНЕТТА - МАТБУГАТ "КАЙМАГЫ"

Интернетта өр-яңа татар сайты барлыкка килде. www.matbugat.ru сайты бөтен татар матбугатын берләштерүче бер “оя” булырга охшап тора.

Сайтны оештыручы әлеге дә баягы үз кешебез – даими авторыбыз Данил Сәфәров. Шәһәрдә туып-үскән, заман белән “син” дип сөйләшүче (бергә атлаучы) Данил татар матбугатын бөтен дөньяга таныту эшен шуннан башлап җибәрде. Cайтта республиканың иң эре татар газеталарыннан иң кызыклы язмалар урнаштырылып бара. Шуның өстенә башка авторларның моңарчы беркайда да күренмәгән эксклюзив материаллары, ил-көн тормышыннан соңгы хәбәрләр урын ала. Шунда ук “Форум” бүлегендә төрле темаларга фикер алышырга да мөмкин. Кыскасы, бу – татар матбугатының “каймагы” сөзелеп алынган урын. Әлеге “каймак”тан авыз итәргә теләсәгез, алда әйтелгәнчә, www.matbugat.ru битенә рәхим итегез.