поиск новостей
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
  • 13.04 Яратам! Бетте-китте! Тинчурин театры, 17:00
  • 14.04 Полиционер. Тинчурин театры, 17:00
Бүген кемнәр туган
  • 29 Март
  • Шәкүр - җырчы
  • Рөстәм Абязов - дирижер
  • Илфат Фәйзрахманов - журналист
  • Мөхәммәт Сабиров (1932-2015) - дәүләт эшлеклесе
  • Айгөл Хәйри - җырчы
  • Ринат Хәйретдинов - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
18.03.2009 Авто

"ТЕХНИКА ТУРЫНДА ИШЕТСӘ, ЙОКЛЫЙ АЛМЫЙ"

Авылыбыз зур булганлыктан, “Чынлы” кү­мәк хуҗалыгы якынча 200-250 ләп йортны үз эченә алган өч бригадага бүленгән. Һәркайсының үз җире, техникасы, бригадиры дигәндәй... Әле соңгы елларда гына дүр­тенче бри­гада да барлыкка килде дияр идем. Монысы ин­де колхозныкы түгел.

Гагарин урамында гомер итүче Гөлсинә апа һәм Әгъ­зам абый Ибраһимовлар гаи­ләсендә техника элек тә күп иде. Ә соңгы елларда алардагы транспорт саны тагын да үсте. Моның белән бергә Әгъзам абыйның кешеләргә хезмәт күрсәтүе дә артты. Авыл халкының бә­рәңгесен утырта, бакчасын сукалый, печәнен чаптыра, буразна сы­за... Инде он тарт­тыру җайланмасын – тегермәнне дә кечкенә тракторына көйләп җибәргән. Ташландык хәлдә яткан иске-москыны җыеп, хезмәт күр­сә­тер­дәй техника барлыкка китергән.

 

– Техниканы кечкенәдән яратам. Шулар янында казыну, ватыкны төзәтү, юк әйбердән бар ясау күңелемә якын. Аннары аларның гаражда тик ятмавы икеләтә яхшы. Халык гел мөрәҗәгать итә, заказларны бик еш кабул итәм, – ди Әгъзам абый.

 

Әгъзам абый хезмәт юлын 8 нче сыйныфны тә­мам­лагач, 16 яшендә туган авылы Кече Чынлыда тракторчы ярдәмчесе булудан башлый. Шуннан инде кулыннан руль, тимер-томыр төшми. Армиядә хезмәт итеп кайтканнан соң, колхозга сөт ташучы булып урнаша. Бу урында 17 ел эшли. Аннан колхозчыларны эшкә йөртә башлый, соңрак янгын сүндерү машинасына күче­рә­ләр. Һәм Әгъзам абый лаеклы ялга чыкканчы шушы урында хезмәт итә.

 

Ә трактор җыю, техника коллекциясе булдыру белән ул чын-чынлап пенсиягә чыккач мавыга. 2005 елда өенә эшкә яраксыз, ташландык хәлдә булган тракторлар алып кайта. “Бизнесы” шуннан башлана.

 

Бүген аның әллә ике, әллә өч гаражында, бакчасында, капка алдында, кыскасы, кая карасаң, шунда техника тора. “Т-25” (монысы икәү) һәм “МТЗ-80” трак­торлары, “Волга” машинасы, “УАЗ”... Болары – мин күр­гәннәре. Һәр техниканың үз вазыйфасы. Мәсәлән, “Т-25”кә бәрәңге утырту, алу, буразна сызу-өю, сабагын чаптыру, тегермән – он тарткыч җайланмалары көйләнгән булса, “МТЗ-80” тракторы белән шулай ук бәрәңге утырта һәм ала, сабагын чаба, җиргә культивация ясый, печән чаба.

 

– “Т-25” тракторының бер­се бик иске иде. Запчасть сатып алып, сү­­­­теп яңадан җыйдым. Бәрәңге утыр­ту өчен генә саклап тотам. Тракторымның монысын бик мактыйлар. Кечкенә бит, җирне әллә ни каты таптамый. Заказлар гел була. Кышын тегермән тарттырырга чакыралар, җәен исә кайтып та кермим. Печән, бәрәңге...

 

Тегермән булдыруым ае­ру­ча олы яшьтәгеләр өчен отышлы. Бер капчыгын 15 сумга тарттырам. Тегер­мән­гә үзләре алып чыкса, мә­шәкате күп бит: техника табасы, бензин саласы,  капчыкны күтәрәсе-төшерәсе, чират көтәсе, шулай ук акча түлисе... Ә мин өйләренә киләм. Кем акча бирә, кайсылары иген... Ничек мөм­кин­лекләре бар, шулай түлиләр. Үзебездә генә тү­гел, Чүпрә­ленең Хорновар-Шигали, Уби, Шәйморза һ.б. авылларыннан да шалтыраталар, кайберәүләр хәтта өйгә ки­лә. Әле алай гына да түгел, Буа районының төрле авылларыннан да хезмәт күрсә­тергә чакыручылар бар. Бик теләп барам. Акчасы да бу­ла, үзем җыйган тех­никаның файдасын да кү­рәм. Димәк, хезмәтем әрәм китми, – ди Әгъзам абый.

 

Бүген Әгъзам абый лаеклы ялда. Аңа 62 яшь. Тик ятуны яратмый ул. Машинаның, техниканың һәр нечкәлеген белә.

 

– Машиналарын төзәтү­не сорап та өйгә килүчеләр күп. Гаебен тиз табам. Үземнең юлда, әйтмәгәнем булсын, шул гомер бер тапкыр да сүнеп, туктап калганым юк. Һәркайсын гел карап, тәртиптә тотам. Хәтта кайберәүләрнең машина моторларын да ясап җибәрәм. Төрле детальләр табып, “вездеход” та җыйдым. Анысын Чувашстаннан ук килеп, агач тарттырырга бик яхшы булыр дип, сатып алып киттеләр.

 

Бөтен инструмент­лар өйдә бар. Күп очракта олы улым Альберт булыша. Техниканы бик әйбәт белә. Тимерне кыра, эретеп ябыштыра. Аның да үз тракторы – “МТЗ­-80” бар. Шулай ук бәрәңге утыртып халыкка түләүле хезмәт күрсәтә. Үзе алдынгы комбайнчы, – ди Әгъзам абый.

Альберт абый гына түгел, Әгъзам абыйның кече улы Марат, кияве Фәнис Вәлиев, оныгы Ленар да техника өчен туган кешеләр диярсең. Барысы бер тирәгә тупланган. Бер-берсеннән ерак та яшәмиләр. Фәнис абыйның озак еллар алдынгы ком­байнчылар исемлеген­нән төшкәне юк, гел призлы урынга лаек була. Ә улы Ленар (10 нчы сыйныф укучысы) 9 яшьтән инде әтисенең ярдәмчесе булып йөри. Әле оста ди-джей да.

 

– Гомер буе эш яратып яшәдек. Иренмәдек, – дип сүзгә кушылды Гөлсинә апа. – Каенанам Мәмүрә (88 яшь) балаларны карады, аш пешереп, өйне җылытып, һәркөнне якты йөз белән каршы алды. Йортта гел кеше булганга, шулай чабып эшләнелгәндер инде. Әгъ­зам белән фермадан кайтып кермәдек. Декрет ялына бер тапкыр да туктаганым булмады. Балаларыбызга белем бирик дип тырыштык. Хәзер барысы да тормышта, үзебездән ерак түгел, күршедә генә диярлек торалар. Киленнәрдән (Гөлнара белән Рәсимә) уңдык, дус яшибез.

 

Эш бүлешкән юк. Бервакыт киленнәр дә, улларыбыз да эштә чак. Әгъзам белән кайтышларына бә­рәң­ге­лә­рен утыртып куйган идек. Эшсез тормыйбыз. Сабан туеннан соң икәүләшеп болынлыктан печән чаба башлыйбыз. Эш­ләп кеше үлми. Малны да мулдан асрыйбыз. Авыл җирендә акчасы ярап тора. Хәзер тормышлар тыныч, Аллага шө­кер, байлык бар. Әгъзам абыеңны чакырып кына торалар. Акчаны яхшы эшли.

 

Элек кыенрак иде. Менә бу таш өебезне 1972 елда Әгъ­зам абыең белән икәү өеп бетердек. Түзем булынган инде. Эштән аңардан бераз гына иртәрәк кайтып, измә ясап куям. Караңгыга кадәр икәү эшләп, иртәнге сәгать 4 тә торып, тагын колхозга чаба идек. Кул көче белән бергә­ләп җыйган кадерле була, – ди Гөлсинә апа.

 

– Әти техника турында ишетсә, йоклый алмый, тизрәк күрәсе, карыйсы, тикшерәсе килә башлый. Бервакыт газетадан белдерү укыган. Иске “Т-16” саталар икән. Яшенле көн. Яңгыр чиләкләп коя. Тормыш ип­тәшем Фәнискә килгән, сиңа алыйк, җыешам, ди. Ул алмагач, шул яңгырда барып, әле бит үзебезнең авылда да түгел, 8 мең сумга Альбертка кайтарып бирде. Скелет иде ул “Т-16” дигәннәре. Бернәрсәсе юк. Кабинасы гына дисәң дә була. Шуны икәүләшеп әтиле-уллы җыйдылар, йөрерлек хәлгә керттеләр. Инде сатарга да була, – ди Альбина апа, көлеп.

 

“Т-16” дигәннәре азык ташу өчен бер дигән икән.

 

Әгъзам абый белән бү­ленә-бүленә генә сөйләш­тем. Өйләрендә минут саен телефон шалтырый. Тегер­мән тарттырырга чакыралар үзен. Берсенә дә юк дими. “Сиңа Вазыйхлардан соң сәгать 4 тә, сиңа 5 тула 15 минутта килеп җитәм”, – дип, графикны булдырып кына тора. Эһе, мәйтәм, өч йортка заказ бар, 10 ар капчыктан булса да, 1-2 сәгать эчендә Әгъзам абый 500 сум эшләп ала икән, дим. Эшләсен! Хәләл көче белән җыйган техникасының игелеген, файдасын, рәхәтен күрсен. Халыкка да җайлы бит. Чакырттың, менеп җит­те. Кемгәдер ялынасы, капчык кү­тәрәсе, җир казыйсы һәм баш­ка мәшәкатьләр дә юк.

 


Лилия ЙОСЫПОВА Чүпрәле районы
Ирек мәйданы
№ 10 | 13.03.2009
Ирек мәйданы печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»