29.06.2014 Юмор

"Дембельләр"

Күзәткәнегез бар микән, татар җырчысы эреләнгән саен аның үз-үзен тотышы, йөреше, рус әйтмешли, походкасы үзгәрә. Сәхнә артында гына түгел, сәхнәдә дә. Аяк-куллар, күкрәк-иңнәр шулхәтле горур хәрәкәтләнә башлый ки, шаккатасың. Ә борын! Аның сәхнә идәне яссылыгына карата булган градусын үлчәр өчен линейка да, уровень да кирәкми. “На глаз” бер күз ташлау да җитә - йолдыз!

Гадәттә, бу хатын-кыз җырчыларга кагылмый. Алар сәхнәдә матур һәм тыйнак. Йолдызлы походка күбрәк ир-ат җырчыларга хас. Менә йолдыз як-якка чайкалып сәхнә кырыена килә. Әйтерсең, авыл клубына армиядән кайткан дембель чыгып бара. Җырчының походкасын башта алдан күзәтәсең, кем әйтмешли, анфас. Аннары кәттә генә янга борыла ул – профиль. Һәм арт шәрифләрен күрсәтеп баянчысы янына китеп бара. “Дембель йөреше” бөтен җыр дәвамында саклана.

Татарда берәүләр исәпләвенчә 400дән артык, икенчеләр санавы буенча 700дән артык җырчы бар. Әмма походканың йолдызлылык коэффициенты бу рейтингка бәйле түгел. Кайберәүләр зур эстрадага беренче адымнарын диск чыгарып яки сольник белән башлый. Ә кайберәүләр дембель походкасы белән. 90нчы елларны пейджер алып җибәргән көнне татарча видеоклиплар ясаучы Илдар Муллин “синең, хәтта, походкаң үзгәрде” дип көлгән иде миннән. Сәхнәдәге күп кенә татар җырчылары бүген 90нчы елларда пейджер алган яшүсмер малайны хәтерләтә.

Хәер, сәхнә - тормышыбызның көзгесе. “Дембель синдромы” эстрадада гына түгел, көндәлек тормышта да күзәтелә. Бигрәк тә район җирендә. Теге яки бу егетнең үз-үзен тотышы, походкасы аның кайда кем булып эшләвен максималь дәрәҗәдә аңлатып бирергә мөмкин. Фәлән разрядтан төгән разрядка күчкән көнне үк аяк-кул йөрешләрендә фәлән миллиметрга үзгәрешләр сизелергә мөмкин. Ә инде 1-2 кеше өстенә җитәкче итеп тә куйсалар, миллиметрларның сантиметрга әйләнүен көт тә тор. Жестикуляция, кул бутау, ымнар ниндидер мәгълүматка ишарә ясаса, “походка” бу мәгълүматны бөтен нечкәлекләре белән ачып сала. Менә шулай. Тук башак аска иелә, буш башак өскә үрелә, ди халык.

Яздым да куркып куйдым. Бәлки, минем походканы да берәрсе читтән күзәтеп торадыр?

Данил СӘФӘРОВ
Ирек мәйданы
№ --- | 26.06.2014

Фикерләр

Эйе шул

№16 (879511) / 30.06.2014 19:02:10

Сәхнәдәге күп кенә татар җырчылары бүген 90нчы елларда пейджер алган яшүсмер малайны хәтерләтә.
Данилнын уз башыннан узган хэл бугай!

ыхы

№15 (879492) / 30.06.2014 15:27:25

Нэлянын "затлы-зыялы" коренная горожанка булуы куренеп тора.Исеме дэ Нэля бит!

Кызны колхоздан чыгарганнар,э кыздан колхозны чыгару момкин тугел!

Габделнур

№14 (879490) / 30.06.2014 15:18:30

Мин узем шэхэр ире булсам да,авыл кызларын яратам,алар бер кайчан да отказывать итмилэр,чиста хавада ускэнгэдер телэклэре гел бар.

Нэля

№13 (879489) / 30.06.2014 15:16:42

Авыл кешесе эйбэт ул в целом,чиста кунелле.Но кубесенчэ надан,кайберсе зэгыйф дэ була,но кайбер очракта якшы экземплярлар да очраштыра,но в сирэк.

карандаш

№12 (879485) / 30.06.2014 14:44:53

Авыл кешесе булу берэр кимчелекмени сон ул, эй? тапканнар тикшерер нэрсэ, бэрэнгесе авызыннан чыга дип, узегез нэрсэ ашап яшисез?

Нэля

№11 (879469) / 30.06.2014 11:03:03

Мин бик авыр аерам авыл кызларын шэхэр кызларыннан,видимо кызлар нык тырышалар шэхэр кешесенэ окшарга,э авыл малайлары узлэренен кыяфэтлэренэ игтибар итмэгэч аерып була.Кызлар сойлэшэ башласа тоже аерып була авыылныкы икэнен.

Мунир

№10 (879468) / 30.06.2014 10:58:38

Мине тоже приблатненный колхозниклар раздражать итэ,кыяфэт чыгарган булалар,сойлэшэ башласан бэрэнгесе чыга авызыннан.

Лэйлэ

№9 (879467) / 30.06.2014 10:57:10

Уверенно йорергэ кирэк,башны окэ кутэреп,кызларнын ушын алырлык.Мескен сарык сыман башынны иеп тегел.Без кызлар шундый егетлэрне яратабыз.

кем бу

№8 (879465) / 30.06.2014 10:30:31

Кешенең үз- үзен тотышы ( бу очыракта , әйтеп узылган"дембель синдромы") кешенең генә түгел, туган- тумачаларның,кайда, кем булып эшләвен күрсәтеп тора.. Машиналарына "текә" номер тагып, газонга бастырган өчен ясаган кисәтүгә үзләренең "крутой связлары " белән мактанып, кирәксә - кирәкмәсә стрелка забивать" маташкан булалар

ФИКЕР

№7 (879454) / 30.06.2014 00:30:52

Минемчә, хәзерге заман җырчылары сәхнәгә чыкканда күбрәк күлҗмәк-ыштан күрсәтергә чыгалар. Җырлауларына күбрәк нәтҗә ясасыннар иде. Акча түләп "ШАРМАНКАЛАРНЫ" крап утрасы килми бит.

Мин

№6 (879448) / 29.06.2014 20:22:53

Нигэ исемнэрен язмадын кызык тугел

НОКТА

№5 (879440) / 29.06.2014 20:01:41

Шундый булдыра торган походкалы ир-ат ,ир-ат инде ул.Ир-егет шундый булырга тиеш тэ инде.

кылчык

№4 (879437) / 29.06.2014 19:57:28

Син йолдыз чтоли?

***

№3 (879412) / 29.06.2014 17:52:04

Маладис Данил))Бик кызык итеп тэмамлап та куйгансын.