|
|
Бүген кемнәр туган
|
|
Архив
|
12.05.2014 Җәмгыять
Язучы Гөлчәчәк Галиева вафат2014 елның 11 май көнне 86 яшендә язучы-прозаик, әдәби тәнкыйть мәкаләләре һәм публицистик язмалар авторы Гөлчәчәк Кәрим кызы Галиева вафат булды, дип хәбәр итә Татарстан Республикасы Язучылар берлеге. Гөлчәчәк Галиева 1928 елның 5 февралендә Татарстанның Арча районы Сеҗе авылында укытучы гаиләсендә туа. Үз авылларында җидееллык һәм Арча педагогия училищесында урта педагогик белем ала. Читтән торып укып, 1954 елда Казан дәүләт педагогия институтының тарих факультетын тәмамлый. 1946-1952 елларда туган авылы мәктәбенең башлангыч сыйныфларында укыта. Шул елларда авыл Советы депутаты, җәмәгать тәртибендә үзешчән сәнгать түгәрәге җитәкчесе һәм авыл яшьләренең комсомол оешмасы секретаре вазифаларын да башкара. 1952 елдан Г.Галиева Казанда төпләнеп яши. Әүвәл шәһәрнең 26 нчы һәм 89 нчы мәктәпләрендә пионер вожатые, 22 нче эшче яшьләр урта мәктәбендә тарих укытучысы булып эшли, 1963 елдан Идел буе районының 18 нче эшче яшьләр урта мәктәбендә унбиш ел директор хезмәтендә була. Арабыздан тынгысыз җанлы, гадел, тыйнак, зыялы каләмдәшебез китте. Ул күңелебездә дә шундый булып калыр. P.S. "Матбугат.ру" сайтында Гөлчәчәк Галиеваның "Газзәбану" романын 4 меңгә якын кеше укыган иде.
--- |
Иң күп укылган
|