“Татар-дозор-2014” ФОТОлары

21 апрель көнне “Мин татарча сөйләшәм” чарасы кысаларында Бөтендөнья татар яшьләре форумы “Татар-дозор-2014” дип аталган квест-уен уздырды.

Квестның төп максаты – республиканың икетеллелек канунын куллануны контрольдә тоту. Шулай ук яшь буында ана телен саклау һәм үстерүгә җаваплылык тәрбияләү дә төп бурыч булып тора.

Уенга татар теленең абруен арттыруга бәйле бик күп иҗади биремнәр кертелгән иде. Аерым алганда, кыска видеороликлар төшерү, Казанда татар символлары, милли орнаментлар белән бизәлгән урыннарны табу, татар хәрефләре кулланылышын карау истә тотылды. Квест барышында интернет технологияләр киң кулланылды. Мисал өчен анда катнашучылар онлайн режимда теләсә кайсы жанрда 15 секундлык фильнар төшереп аны инстаграммга эләчәк. Аны tatardozor2014 хештегыннан карап булачак.

Маҗаралы уен быел бишенче тапкыр үткәрелде. Квест катнашучылары билгеләнгән маршрут буенча үтеп, төрле-төрле биремнәрне үтәделәр.

Квестта мәктәп укучылары катнашты. Ләкин уенда катнашу өчен алар берничә шартны үтәргә тиеш иде:

1. Командада 7 кеше булу зарур.
2. Урамдагы хаталы элмә такталарының фотоларын салып җибәрергә кирәк иде. Аларның саны кимендә 5 данә булырга тиеш иде.
3. 3-4 минутлык видеоролик төшерергә кирәк иде. Моның өчен берничә тема тәкъдим ителде: Татар хипстерлары, Татар супергерое, каһарmenы (комикс), Татарча флешмоб, Татарча вирусный ролик, Татарлар турында сүсез (немое) кино.
4. “Мин татарча сөйләшәм” эмблемасы белән бәйле булган кул эшләнмәләре (hand made) яки ашсу (маффин, чизкейк бәлеш....)

Нәтиҗәдә, уенның финал өлешенә 10 команда арасыннан 6 сы сайлап алынды. Финалга чыккан катнашучылар ААҖ “Вымпелком” ширкәте тәкъдим иткән бүләкләр өчен көрәште.

Җиңүчеләр 26 март көнне “Мин татарча сөйләшәм” гала-концерты кысаларында смартфон, бушлай хезмәт күрсәтүче модемнар белән бүләкләнәчәк.

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34