15.04.2014 Мәдәният

“Музыкаль дистә” 1 яшьлеген бәйрәм итә

Әле кичә генә “Пирамида” күңел ачу комплексында “Болгар радиосы” милли музыка премиясен тапшыру тантанасы гөрләп узды кебек, ә йолдызлар инде янә яңа көрәшкә басты. Атнаның һәр шимбәсендә көй-моң аренасында җырчылар көч сынаша. Яраткан җырчыгызның җиңүгә атлавын Сез онлайн режимда www.TNV.ru сайтында күзәтә аласыз. Ә атна нәтиҗәләрен ТНВ каналы һәр шимбә, иртәнге 10:00 күрсәтә.

Хит-парадта катнашучыларның язмышын Сез дә билгели аласыз! Моның өчен 5066 номерына ошаган җырның кодын язып SMS юлларга кирәк! Әлеге тавышлар нәтиҗәсендә һәр шимбә “Музыкаль дистә” тапшыруында турыдан-туры эфирда җиңүчеләр билгеләнә. Ахыргы урынны алган җыр хит-парадтан төшеп кала һәм яңа җырга чират җитә. Җиңүчеләр арасында урыннар билгеләнә.

Яраткан җырчыларыгызны тыңлап кына түгел, ә күреп тә каласыгыз килсә, димәк сезгә "Пирамида"га. Сәхнәдә "Музыкаль дистә" хит-парады концерты. Катнашучылар "Музыкаль дистә" бөтенхалык хит-парадының җиңүчеләре: Фердинанд Сәләхов, Алсу Әбелханова, Зөфәр Билалов, Чулпан Йосыпова, Азат Фазлыев, Вадим Захаров, Азат Тимершәех, Ирина Сәйфуллина, Ринат Гыйльфанов һәм башкалар. “Болгар радиосы” һәм “Татарстан - Яңа Гасыр” каналы киңәш итә, 27 апрель, Пирамида! “Музыкаль дистә”гә 1 ел! Башлана кичке 5 тә! Килми калмагыз!

---
Болгар радиосы
№ --- | 15.04.2014