• 17.04 Премьера! "Ак чәчәкләр кебек..." (12+), Кариев театры , 18:00
  • 24.04 Ришат Төхвәтуллин. Уникс. 17:00
  • 25.04-27.04 Алтын Казан. ТАГТОиБ им. М.Джалиля. 18:00
  • 26.04 "Печән базары" (12+), Кариев театры, 18:30
  • 27.04 "Зәйтүнәкәй" (12+), Кариев театры, 18:30
  • 06.05 "Кайнар" концерт (6+), Болгар радиосы, 18.30 сәг.
  • 15.05 Бертуган Сафроновларның фантастик тамашасы. Татнефть Арена. 14:00
Бүген кемнәр туган
  • 17 Апрель
  • Бату Мөлеков (1928-1999) - композитор
  • Продаю комнату в коммунальной квартире, которая расположена по адресу: Казань, пр-т Ибрагимова, 37. Общ. площадью 13 кв.м.На 2/5эт. Входная дверь в комнату металлическая, пластиковые окна, на полу ламинат.Кухня, туалет, душ в коридоре с отдельным входом. В квартире сделан косметический ремонт.Доброжелательные соседи. Месторасположение комнаты очень удобная , развитая инфраструктура, всё в шаговой доступности(магазины,школы,аптеки). Во дворе детские сады, детская площадка, парковка своя. Отличная транспортная развязка, откуда можно добраться до любой точки Казани. Метро "Яшьлек" в 5 минутах пешим ходом. Автобусная остановка рядом. Парк Победы рядом. ТЦ Парк Хаус, Тандем, ДК Химиков, московский рынок всё в шаговой доступности.Тел.89274000105
  • Зеленодольский районы Большие кургузи 20 сутый жир арендага бирэм.шулай УК ялгыз яки Бер кызы булган моселман хатын кызы кирэк .ойдэ торырга 89600696970
  • Сниму гостинку или 1 комнатную квартиру в советском или приволжском районе,до 15т всё включено.89274234089
  • Требуются стропальщик и разнорабочий. Актаныш. Тел. 89376209888
  • Братьев Касимовых 22/7 (рынок мавлютова) адресы буенча урнашкан булмэгэ, иптэшкэ бер ир-егет кертэм. 89274433797.
  • Исэнмесез! Май башы май азакларын да 2 бэлмэле фатир снимать итер идем центр да Актаныш, семья балалар белэн. Желательно стиральная машина. Чистоту и своевременную оплату обещаем!!! 89509461699
  • Актаныш районында агач йорт сатыла. Торырлык, яхшы хәлдә. Арзан бәядән. 89372979649
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 7 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • романовский сарыклар сатыла .срочно тел 89050220598
  • Зур телевизор сатыла.Күрсәтүе яхшы.3000 сум.тел.89172337131

 
 

 
Архив
 

               

13.04.2014 Дин

Имам ул ферма мөдире кебек

Пычрак савытта тәмле аш пешми. ТР Диния нәзарәте баш казые Җәлил хәзрәт Фазлыев, менә шундый әйтемнәр китереп, образлы сөйләргә маһир. Китергән мисаллары да һәрвакыт диярлек үз яшәе­шебездән, көн күрмешебез­дән алына аның.

Узган җомга санында бер укучыбызның хатына хәзрәтебез бик төпле итеп җавап биргән иде (“Имам надан булса”). Җавап кыс­карак булды, ахры. Әлеге язма, сорау-җавап уңаеннан бик күп шалтыратулар булды. Бөтен нәр­сәне әдәпкә кайтарып калдырып булмый бит инде, ди­ләр шалты­ратучыларның күбесе. Баш казый аларга болайрак җа­вап бирде.

– Мин бу дөньяга гүзәл әхлак урнаштырырга килдем, – дигән Пәйгамбәребез. Бөтен ислам дине, исламның бөтен гыйлеме адәм баласында әдәп-әхлак тәр­бияләүгә кайтып кала. “Әдәбе булмаган кешенең сөннәте кабул булмас, сөннәте кабул булмаган кешенең бер гамәле дә кабул булмас”, – дигән ул. Укыган бөтен намазларыбыз, тоткан уразаларыбыз, алган гыйлемнәребез ха­кыйкатьтә үзебездә әдәп-әхлак тәрбияләү өчен. Гомумән, әдәпне гыйлемнән аерып куеп булмый. Иң әүвәл кеше ышана, аннары гамәл кыла. Шушы гамәле аны әдәпкә алып барырга тиеш. Әл­бәттә, укырга, гыйлем алырга ки­рәк. Кылган гамәлеңнең дөрес­леген белү өчен гыйлем кирәк. “Аллаһы Тәгаләнең рәхмәте килер. Моны шуннан белерсең: алган гыйлемең нәтиҗәсендә үзең­дә булган кимчелекләрне күрә башларсың”, – дигән Пәйгамбә­ре­без. Дөрес, бүген авылда Коръән­не карап укый алмаган хәзрәтләр дә бар. Моңа бит алар гаепле түгел. Яшьләрнең бер­сенең дә авылга имам булып кайтасы килми. Бүген менә Казанда данлыклы хәзрәт булып йөриләр. Авылга кайтып карадылар бит алар. Бер­сенең дә анда каласы килмәде. Әгәр авылда әзерлекле хәзрәт юк икән, моңа авыл халкы гаепле. Бер кешене укытып, имам итеп тоту – авыл халкының бурычы. Инде кемдер бу вазыйфаны алып бара икән, канына тоз салып, аны аптыратмаска кирәк. Кайт та эш­лә, мәчете булган, шул ук вакытта имамсыз авыллар дөнья бит.

Әнә Иблис күпме укыган, фәрештәләрне укыткан иде. Күп­ме гамәл-гыйбадәт кылган иде. Әмма Әдәм галәйәссәламгә сәҗ­дә кылмады. Мин нинди зур галим, шул буш әйбергә ничек гыйбадәт кылыйм, диде. Безгә Аллаһы Тәгаләнең дәресе бу. Бер мәчеткә кереп сәҗдә кыласың икән, син бит каршыңдагы ул имамга түгел, Аллаһы Тәгаләгә сәҗдә кыласың. Укытып, әзерләп, имам итеп кайтаралар икән, анда башка мәсьәлә. Яхшы итеп Коръ­ән укый, әдәп-әхлагы да әйбәт икән, аңа ниндидер бер олы кеше юл куймыйча йөрсә, бу инде дөрес түгел. Бу очракта авыл халкы гөнаһлы була. Чөнки гыйле­менә, әхлагына карап имамны куярга тиеш. Билгеле, ул әдәпсез, тәртипсез икән, ашыкмаска ки­рәк. Гыйлем әле ул, беренче чиратта, мәгълүматы күп дигән сүз. Ул укыган, яттан фәлән хәтле хәдис, аять белә, ди. Тик бит әле аны тормышта, урында куллана белү дигән нәрсә бар. Менә Со­гудиядә укып кайткан яшьлә­ре­без дә шактый күп хәзер. Әти-әни хакы турында алардан да күбрәк хәдис белүче юк. Әмма авылда эшләргә мөмкинлек юк дигән булып, картайган әти-әниләрен калдырып киттеләр дә бардылар. Югыйсә кайберләре­нең хәйран мөмкинлеге дә бар иде. Шулай булгач, әти-әнине хөрмәт­ләү кирәклеге турында вәгазь сөйләргә аның ни хакы бар?!

Гомумән, әдәпле имаммы, гыйлемле имаммы дип мәсьәлә­не кую дөрес түгел. Әгәр әдәпсез икән, ул мәгълүматка гына ия. Әгәр үз-үзен тота, нәфесен йө­гәнли алмый, телен тыялмый, туганнары белән начар мөгамәлә­дә, әти-әнисен карамый икән, аның яттан ничә аять, ничә хәдис белүендә нинди файда бар?! Миңа бер кеше килде. Үзе дә, әнисе дә, хатыны да мәдрәсә бетергән. Тагын кайсы мәдрәсәгә кереп укыйм микән, дип сорый бу. Гыйлемең җитмимени, тагын нәрсәгә, дип сорыйм; белгәнең белән гамәл кыл, дип киңәш бирәм моңа. Сөйләшә торгач, шундый мәсьәлә килеп чыкты.

Моның анасы мәдрәсәдә укыганда, әти-әниеңә уф дип тә әйтмә, дигән бер аять өйрәнгән. Хәзер еш кына улына, килененә, сез миңа уф дип тә әйтергә тиеш түгел, дип аятьне искә төшерә икән. Килен үз чиратында, син мине аерым бүлмә белән тәэмин итәргә тиеш, анда синең ту­ганнарың шакымыйча, минем рөхсәттән башка керергә тиеш түгел, дип дәгъва белдерә ди. Ике бүлмәле фатирда мондый таләпне ничек үтисең?! Син гыйлемле икәнсең, менә шушы аять белән хәдисне килештер. Әгәр шуны килештерә алмыйсың икән, тагын бер мәдрәсәгә кереп укуың нәрсәгә кирәк?! Галим имам әдәпле дигән сүз инде ул. Әдәбе юк икән, ул инде галим түгел. Халык бит аның нинди машинага утырып йөргәнен, нинди акчага яшәгәнен, үзен ничегрәк тотканын да белә. Кешеләр белән килешә алмаса, һаман тавыш-гауга чыгарып йөрсә, бу гыйлемлелек булмый бит инде. Менә райондагы хакимият башлыгы югары белемле, ди. Шул ук вакытта районда фән кандидатлары, докторлары булсын. Әмма беркем дә, нигә докторны башлык итеп куймыйсыз, дип тавыш чыгармый.

Тагын бер мисал. Авылда фер­­­ма, аның мөдире бар. Аны зоо­техниклар, ветврачлар өй­рәтеп тора. Бу белгечләрне Казанда доцентлар, профессорлар укыта. Аларны үз чиратында академик­лар өйрәтә. Әмма бер генә профессор, академик та авылга кайтып ферма мөдире булып эшли алмый. Менә имам да, шул ферма мөдире шикелле, кара эштә, гади халык арасында. Согудиядә рә­хәт ул. Азан әйтүгә, мәчет тула. Шунда чыгып намаз укытасы, вә­газь сөйлисе генә. Бездә исә мә­четне дә карарга, иртәнге өченче яртыда мәчетне ачып керергә, төнге унбердә ябарга кирәк. Без­нең, беркайда укымаса да, бик яхшы эшли торган бик күп егетебез бар. Минем белемем бар, дип масаеп йөр­гәнче, эшләп күрсә­тергә ки­рәк. Югыйсә аена унар-ун­бишәр мең сум акча бирәбез, дип торучы авыллар бар. Кил­сеннәр дә эш­ләсен­нәр. Килгән халык янында, мин укыган, шу­ларны-шу­лар­ны бе­ләм, дип дәгъ­валап йөрү һич тә галимлек­кә керми. Шуны белсен­нәр иде: урын кешене бозмый, урынга кую кешегә бозыклыгын күрсә­тергә мөм­кин­лек бирә, – дип сөй­ләде ул безгә.  


Рәшит МИНҺАҖ
Ватаным Татарстан
№ 52 | 11.04.2014
Ватаным Татарстан печать

Фикерләр

Исем:
E-mail:
Текст:
 
№38 (875287) / 19.04.2014 07:02:09

Үсемлекләрнең үсеше, күзәнәкләрнең бүленү юлы белән үрчеше һ.б. шундый могъҗизалар безнең акылыбыздан тормый бит. Хатын кебек катлаулы затка кагылышлы мөшкилиятне үз акылыңа таянып хәл итмәкче буласыңмы?

Аллаһ кушканча эшлә, ялгышмассың! Ибн Сәбил.

№37 (874911) / 16.04.2014 11:19:51

Ә талактан соң ир белән хатын булмыйлар, бер берсенә чит кешеләр булалар. ))))
Сон чит кеше булгач,нигэ аны тагын да читлэтер очен башкага биреп торырга? Янадан,алырга ярый торгандыр бит?
Төньяк халыклары ни өчен андый юлга басуын анлыйсыңдыр бит? Бүгенге көндә,югала баралар алар! Ә нәсел яхшырсын өчен, кан яңарып торырга тиеш! Элек ханнар, туганннан туганнары белэн дэ никахлашканнар, шул сэбэпле каты авырулар килеп чыкккан.
Эле дэ Кавказда андый гадэтлэр яши. Акча гаиләдән китмәсен өчен, туганнарына ярәшәләр.
никах вакытында кыз мәһәргә нәрсә сораган булса шул бирелергә тиеш. )))))
Тиештер дә, хәзерге ирләр тоттыралар аерылганда. Стервозный хатыннар гына ала ,эт авызыннан сөякне!


Бүгенге көндә күп очракта хир белән хатын кычкырышалар да, хатын төянеп кайтып китә. Бераз көннәр узгач яңадан кайтып тора башлыйлар.)))))))

Талактан сон, янадан бергэ тора башлаудан ни белән аерыла соң бу?

№36 (874834) / 15.04.2014 18:47:32

Тәңередән качмаган,монда бит ТАЛАК кылынган хатын икенче иргә барырга тиеш, чукчалар кебек ҮЗ хатынын килгән бер кешегә тәкдим итергә түгел. Ә талактан соң ир белән хатын булмыйлар, бер берсенә чит кешеләр булалар. Аерылганда хатынына сөйләшенгән мәһәрне бирергә тиеш. Йорт-фатирмы ул, кыйммәтле машинамы, никах вакытында кыз мәһәргә нәрсә сораган булса шул бирелергә тиеш. Аерылганнан соң хатын-кыз теләмәсә ул иргә берәүдә мәҗбүр итә алмый. Исламга кадәр мөшрикләрдә хатын-кыз мирас малы кебек саналган.

Бүгенге көндә күп очракта хир белән хатын кычкырышалар да, хатын төянеп кайтып китә. Бераз көннәр узгач яңадан кайтып тора башлыйлар. Бу каяндыр укыган гына әйбер түгел, көндәлек тормышта очрап тора.

____________________________________________
Тәңередән качмаган№21 (874732) / 14.04.2014 19:41:56
RIM, акылы, башы булган кеше, яхшы белән яманны үзе дә аера ала, роботтан аермасы булмаганнар белән генә төрле жуликлар монупулировать итә.
Тәбигать продукты булган кешегә тәбигать белән гармониядә булу өчен, күрсәтмә тәлап ителми. Татарга тылмач кирәкмәгән кебек.)

__________________________________________


Акылы башы булганнар яхшыны яманнан аергач, арадашчы кам акылы булмаганнар өченме соң?



№35 (874786) / 15.04.2014 11:44:38

Хэерче халыктан сыгып жыелган акча фэкать арадашчылар кесэсенэ керэ дип. №34 язган - шунын мисалы. Бирэннэре дэ булмый!

№34 (874782) / 15.04.2014 10:10:23

Бу Җәлил хәзрәт үзе бернинди дини уку йорты бетермәгәч,гыйлем главный түгел, әдәп главныйрак дип күзгә төтен җибәрә. Миңа калса, үзендә аның гыйлем дә, әдәп тә юк. Хәдисләрне дә бозып, бутап, чыганагын күрсәтмичә китерә. Мәсәлән, хәдисләрне мәкальләр, борынгылар сүзләре белән бутап бетерә. Шулай ук абыстайлар белән катышып буталанып йөрү, 50 мең тирәсе зарплата алу әдәплелек була микән?

№33 (874760) / 14.04.2014 22:24:08

Эле шундый эшэкелек,азгынлык та бармы?

№32 (874754) / 14.04.2014 21:44:01

Чит кешегә хатын биреп тору белән тәһлил (талак кылгач, кабат никах кылу өчен, хатыныңны ким дигәндә өч кичкә икенче ир кочагына салу) уздыруның аермасы зур әллә?)))))

№31 (874753) / 14.04.2014 21:43:34

Сорап алалар бит.Радиодан,телев-дэн таксасын эйтеп. Нинди оятсызлык!

№30 (874752) / 14.04.2014 21:41:18

Ялгыз карчыклар да акча сорый хэзер.

№29 (874751) / 14.04.2014 21:39:48

№20гэ жавапны яхшы чэпегэнсез.Бик дорес жавап.

№28 (874749) / 14.04.2014 21:23:38

RIM, Ауропадагыгылар Тәңерне таный мени? Алар, шул ябрәй язган диннәрнең бер тармагын тота дип уйлый идем. Чит кешегә хатын биреп тору белән тәһлил (талак кылгач, кабат никах кылу өчен, хатыныңны ким дигәндә өч кичкә икенче ир кочагына салу) уздыруның аермасы зур әллә?

№27 (874748) / 14.04.2014 20:27:53

Тәңередән качмаган, чукчалардагы чит кешегә хатын биреп тору, Ауропадагы ир белән ирнең, хатын-кыз белән хатын-кызның "гаилә" корулары сезнеңчә яхшымы? Әллә аларның башы юкмы?

№26 (874747) / 14.04.2014 20:13:18

Тәңередән качмаган ГА,син Иркэне татарга чутлама инде, улгына башта урысчага авыштыра, аннары урысча уйларын татарчага эйлэндереп "техник хаталар" белэн яза.

№25 (874741) / 14.04.2014 19:57:42

Татарга тылмач кирәкмәгән кебек.(((

кирәк шул. Татар татар сүзен аңлар өчен башта урысчага тылмач кола. Аннан суң гына татарча аңлый.
Хәзер татарга толмачсыз ни как.

№24 (874740) / 14.04.2014 19:56:08

Ярар, ураза алдыннан кило ярым перэннек алып килермен,эби.

№23 (874739) / 14.04.2014 19:54:24

Син биргән чәй капларын куяр урын юк инде,акчалата бирсәң хәерлерәк булыр,коры чәй авызны ерта.

№22 (874737) / 14.04.2014 19:47:42

синең үз гөмереңдә бер генә тапкыр, 1сум сәдәкә биргәнең бармы муллага?))))))
Э нэрсэ, мулла минем ерак туганым что-ли?

Заманында бирэ идем, тик сэдэка акчасына ел саен Хажга экскурсиягэ баручы, иномаркада йоруче, ел саен хатын алыштыручы муллаларны белэ башлагач, бирми башладым.
Сэдэкане, аеруча мохтажларга, авыруларга гына бирэм. Я ялгыз карчыкка 1 кап чэй.

№21 (874732) / 14.04.2014 19:41:56

RIM, акылы, башы булган кеше, яхшы белән яманны үзе дә аера ала, роботтан аермасы булмаганнар белән генә төрле жуликлар монупулировать итә.
Тәбигать продукты булган кешегә тәбигать белән гармониядә булу өчен, күрсәтмә тәлап ителми. Татарга тылмач кирәкмәгән кебек.)

№20 (874729) / 14.04.2014 19:38:40

№15кэ,
синең үз гөмереңдә бер генә тапкыр, 1сум сәдәкә биргәнең бармы муллага?
биргән булсаң, синнән сорап алдымы?
биргәнең булмаса,юкны сүләп утырма.

№19 (874723) / 14.04.2014 19:13:46

алар сезнең гөнахларыгызны бетерә алмый,бары гөнах эшләмәскә генә өндиләр.)))))))
Башта узлэре эшлэмэсеннэр, аннан без дэ уйлап карар идек.

№18 (874718) / 14.04.2014 18:51:11

Биләр, соотвествие турында шул ук сылтама белән кер. Дөресен генә әйткәндә аны күрмәгән идем. Татарча куерга кирәк сорауларыгызны. Төрле секта сайтларыннан копир ясап түгел. Тагын төрле ник астында түгел бер ник астында гына языгыз. бер үк кул икәне сизелә бит, тәле Татар, Биләр, атеист, тзңрече, абыстай, һб. Ялгансыз гына булмыймы?

Бу сорауга җавап алмадык.

Ә кам ның сүзе һәм гамәлен нәрсә белән чагыштыра алабыз?

№17 (874716) / 14.04.2014 18:46:23

Биләр,анда мондыйларыда бар иде, админ бетергэн: "17:16. А когда Мы, согласно Нашему предопределению, записанному в Хранимой Скрижали (аль-Лаух аль- Махфуз), желали погубить жителей селения по справедливости и согласно Нашей воле, Мы давали повеление одарённым благами в нём, и они творили нечестие и сбивались с прямого пути, а за ними бездумно шли другие, заблуждаясь. Таким образом, они все заслужили наказание, и Мы уничтожили это селение полностью." Шушы сузлэрдэн куренгэнчэ алланын башына шалт итеп фикер килэ - бу авылны бетерергэ кирэк ( сизэсезме америка белэн параллелне?)Башта лидерларны (одарённым благами) юлдан яздыра, аннары шуларга башкалар иярэ. Шуннан узе юлдан тайдырган кешелэрне авылы белэн юкка чыгара (Мы уничтожили это селение полностью.) Гел американнар шикелле...

№16 (874713) / 14.04.2014 18:17:29

Арадашчы булмаса - сэдака жыеп ятучы. Примерлар китерергэме?

№15 (874673) / 14.04.2014 14:42:28

Имамнар арадашчылар шул!//// - түгел шул!!!
поплар гына арадашчы. алар отпускают грехи. это им дано.


муллалар өндәүчеләр генә. алар сезнең гөнахларыгызны бетерә алмый,бары гөнах эшләмәскә генә өндиләр.

ущучил разницу *?

№14 (874668) / 14.04.2014 13:42:16

RIM, Коръән хәм хәдисләрнең дөреслеген кем әйтә ала? Кара әле, өстән-өстән караганда гына да күпме несоответствие санап кителгән:
http://matbugat.ru/news/?id=9413

Берсенә дә җавап бирә алмагансыз.

№13 (874667) / 14.04.2014 13:39:24

Имамнар арадашчылар шул!

№12 (874666) / 14.04.2014 13:27:26

Акыл, ярый без имамнарның сүзләре һәм гамәлләре Коръән хәм хәдисләргә туры киләме юкмы икәнен белә алабыз. Ә кам ның сүзе һәм гамәлен нәрсә белән чагыштыра алабыз? Ул "Тәңре миңа шулай диде" ди дә аның сүзе хаклы була. Имамнар арадыашчылар түгел кам-арашчы санала.

Аннан ырымга (русчасы дурные приметы) ышану акыллылык берничектә була алмый.

№11 (874639) / 13.04.2014 23:38:21

Мәҗүсилек безнең каныбызда, аны мең ел буе ислам да чыгарып бетерә алмаган. Карга боткасы, яңгыр теләүләрне искә алыгыз.Ә йолалар, ырымнар, имләүләр, күрәзә кылулар тагын.Соңгы вакытта көчәя дә баралар бугай әле.

№10 (874638) / 13.04.2014 23:33:54

мин көткән җавап булмады әле бу... Берәр динлерәк кеше җавап бирсә иде. Сез дә бу кадәр үк каты сөйләшмәгез әле, мөселманның гайбәтен сату була бит бу, теге дөньяда ни җавап тотарбыз Аллаһ каршында?

№9 (874635) / 13.04.2014 23:15:53

Шулай дисенме? Бэхэслэшмим, момкин эш.

№8 (874633) / 13.04.2014 23:13:55

Погран Мохтэр, Фәезгә Путин ордены бирделәр, Рәмильгә, пограничниклар көнендә, вечный огонь янында, ФСБ ордены бирделәр. Фотосына ссылка шушы сайтта да бар, иренмәсәң юллап кара. Коймада иде бугай.

№7 (874631) / 13.04.2014 23:01:35

Орден Фэезгэ булды бит!
Рэмил хэзрэт,дипломнар гына жыя тугелме?

№6 (874629) / 13.04.2014 22:52:11

Фән, Кая булсын, төп службасындадыр. Узган ел, ФСБ юкка гына орден белән бүләкләмәгәндер инде. Орден такканда Зиннур да артында басып тора иде, аңа да бар микән?

№5 (874627) / 13.04.2014 22:37:19

Кол Шәриф мәчетенең элекке имамы Рамил Юнысов кайда икән ул? Беләсебез килә, аның вәгазьләрен бик яратып тыңлый идек.

№4 (874626) / 13.04.2014 21:42:23

Ботен халык арадашчы - дин эхеллэреннэн колэ...

№3 (874620) / 13.04.2014 20:40:09

Прибыльный эш.Ник маташмасыннар.

№2 (874619) / 13.04.2014 20:25:22

. Менә имам да, шул ферма мөдире шикелле, кара эштә, гади халык арасында. Согудиядә рәхәт ул. Азан әйтүгә, мәчет тула. Шунда чыгып намаз укытасы, вәгазь сөйлисе генә. Бездә исә мәчетне дә карарга, иртәнге өченче яртыда мәчетне ачып керергә, төнге унбердә ябарга кирәк. ))))))))
Ай-хай авыр хезмэт!
Алай авыр булгач фермада ветврач я зоотехник кына булып торырга кирэктер?
Юк бит, хаман мэчет тирэсендэ кайнашалар.

№1 (874616) / 13.04.2014 20:16:00

Тапкансыз чагыштырыр нэрсэ.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar