• 07.04-02.05 "Мәхәббәт FM". Камал театры. 19:00
  • 13.04-14.04 "Шах...Мат!" моноспектакле. Премьера! Тинчурин театры. 18:30
  • 17.04 Премьера! "Ак чәчәкләр кебек..." (12+), Кариев театры , 18:00
  • 24.04 Ришат Төхвәтуллин. Уникс. 17:00
  • 25.04-27.04 Алтын Казан. ТАГТОиБ им. М.Джалиля. 18:00
  • 26.04 "Печән базары" (12+), Кариев театры, 18:30
  • 15.05 Бертуган Сафроновларның фантастик тамашасы. Татнефть Арена. 14:00
Бүген кемнәр туган
  • 13 Апрель
  • Рамил Шарапов - шоумен
  • Абруй Сәйфи (1889-1960) - язучы
  • Айдар Әгъләмов - җырчы
  • Алмаз Гафиятов - журналист
  • Нәзифә Кадыйрова - җырчы
  • Альфред Вәлиев - сәясәтче
  • Илһам Кашапов - дәүләт эшлеклесе
  • Исэнмесез! Май башы май азакларын да 2 бэлмэле фатир снимать итер идем центр да Актаныш, семья балалар белэн. Желательно стиральная машина. Чистоту и своевременную оплату обещаем!!! 89509461699
  • Актаныш районында агач йорт сатыла. Торырлык, яхшы хәлдә. Арзан бәядән. 89372979649
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 7 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • романовский сарыклар сатыла .срочно тел 89050220598
  • Зур телевизор сатыла.Күрсәтүе яхшы.3000 сум.тел.89172337131
  • Продается земельный дачный участок, 7 соток, СНТ-11 (Авиастроительный район). Вода, электричество есть, газ планируется завести. Плoдoносящие деревья и кустарники. Прекрасное место для активного и семейного отдыха. Есть возможность сделать пруд. До сада хорошая асфальтированная дорога. Подьездные пути удобные, может заехать даже грузовик! Снт стремительно развивается благодаря председателю, что важно для дачников! Рядом автобусная остановка. Цена 500 т. Тел: 89274031387
  • Кер юу машинасы ,холодильник морозильник сатам тел.89520460614 вапсат или позванит.
  • Үзебезнең умарталыктан сыйфатлы чәчәк балы сатыла. Казан буенча китереп бирү мөмкинлеге дә бар. Рәхим итеп шалтыратыгыз: 89625497103
  • Мастер на час хезмэте курсэтэбез!!! Плотник,электрик,сантехник,сварчик,бакча да утын кису,бакча тирэсе тотабыз, казу эшлэрен башкарабыз 89274544590
  • Ботлата ит сатабыз,арткы боты 330,алгы 320 сум.Хэлэл.тел.89372834097 Узебез Апастан. Казанга алып килеп бирэбез
 
 

 
Архив
 

               

10.03.2014 Дин

Дөньялыкта яшик, әйдә, тыйнак кына, Без бит монда барыбыз да кунак кына...

Бер йөкле хатынның карынында ике бала ята. Берсе – туганнан соңгы тормышка ышанган сабый, икенчесе – ышанмаучы. Икенчесе беренчесеннән: «Син туганнан соңгы тормышка ышанасыңмы?» – дип сорый. Иманлы бала: «Әлбәттә, туганнан соң без әле дөньяда озак яшәячәкбез. Ә аңа кадәр без монда үсәбез, ныгыйбыз», – дип җавап бирә. «Син дөрес сөйләмисең. Туганнан соң яшәү юк. Син күз алдыңа гына китерәсеңме, безне анда нинди тормыш көтә. Белмисең, чөнки аннан әле беркемнең дә кайтканы юк...» – ди беренчесе.

Бу кечкенә генә хикәяттәге соңгы фразаны бик күп кешеләрдән ишеткәнем бар. Ахирәт дөньясы, үлгәннән соң да тормыш дәвам итәчәге турында сөйләгәндә, моңа ышанмаучылар, гадәттә, саллы гына бер дәлилләрен китерә: аннан әле беркемнең дә кире кайтканы юк. Дөрес, аннан кайткан кешеләр юк анысы, әмма бу, кайтучысы булмагач, теге дөньяда чыннан да тормыш юк дигән сүз түгел бит әле. Димәк, безгә, ахирәткә баргач үкенечле булмасын өчен, хәзердән үк анда ничек барасыбызны кайгырта башларга кирәк. Теге дөньяда безне ниләр көтә, мөселман булып китүчеләргә анда нинди өстенлекләр вәгъдә ителә – болар турында без Зөфәр хәзрәт Тәхавиевтән сораштык.

– Ахирәт дөньясы турында төрле кешедә төрле фикер: аңа ышанучылар, ышанмаучылар бар. Күпме кеше – шуның кадәр фикер, диләр. Дөрес бу, әмма синең фикерең дәлилле дә булырга тиеш бит әле. Атеизм белән тәрбияләнгән кешегә нинди генә дәлилләр китерсәң дә, ул аны барыбер кабул итми. Ислам галиме Габденнасыйр Курсави, ул кешегә Коръәннән йөз дәлил китер, ул барыбер ышанмый. Ә менә кеше сүзен китер, ул аны кабул итә, эт кебек кеше сүзенә иярә, ди.

Иманның җиде баскычы бар: Аллаһны тану, фәрештәләргә, пәйгамбәрләргә, китапларга, ахирәт дөньясына, тәкъдирнең яхшысы-яманына һәм үлеп кабердән терелмәккә ышану. Намаз укып та, ураза тотып та иманның җиде баганасының берсенә генә ышанмаса да, калган бөтен баскычлары юкка чыга. Үлгәннән соң кабат терелеп, Кыямәт көнендә Аллаһ хозурына басканнан соң, дөньядагы эшләре, бар кылган гамәлләре өчен җавап бирәсенә ышанмаса, аны инкарь кылса, аның намаз укуының бер генә савабы да юк. Адәм баласы үлгәннән соң ук җавап тота башлый. Ул кабергә иңдерелгәч тә, соңгы кеше аның кабере яныннан кырык адым атлап китүгә үк, билгеле риваять буенча, Нөнкир һәм Мөнкир дигән ике фәрештә килеп сорау алыр. «Раббың кем? Пәйгамбәрең кем? Динең нинди, китабың нинди, кыйблаң нәрсә, син намаз әһеленнәнме? Кайчаннан бирле мөэмин-мөселман?» – дип сорарлар.

– Зөфәр хәзрәт, Кыямәт көнендә бу дөньядан мөселман булып китүчеләр белән китмәүчеләр бер-берләреннән аерылып торачакмы?


– Риваятьләрдә, кешеләр каберләреннән купкач ук, мөэмин ирләр һәм хатыннарны шунда ук танырсыз, диелә. Алар алдан да, арттан да, ян-яктан да нурланып басып торыр. Намаз уку сәбәпле, кешенең йөзе нурлы булыр ди. Мөхәммәд (с.г.в.) нең хатыны Гайшә разыйаллаһу, Кыямәт көнне кабердән торгызылучылар күп булыр, аларны ничек танырсыз, дигәч, миңа аларны тануы авыр булмас, кяферләрнең йөзләре мичтәге күмер кебек кап-кара булыр, ә мөэмин-мөселманнарның битләре айның ундүртенче кичәсе кебек балкып торыр, ди. Күкнең иң югары ноктасы – җиденче кат күк өстендә гарше күләгәсе бар. Мөселманнар менә шушы күләгәгә ия булырлар, дип тә әйтелә. Эссе көннәрдә без күләгә эзлибез. Җәйнең кызу көннәрендә бу дөньядагы эсселеккә түзүе авыр. Ә ахирәттә булачак эссене аның белән чагыштырып та булмый. Ул мең мәртәбә эссерәк булачак. Кабердән кубарылган кешеләр ышыкланырга күләгәле урын эзләрләр, тик ул, әйткәнемчә, Аллаһ тыйганнардан тыелып, Ул кушканны үтәүчеләр өчен генә. Кемнәр рамазан аенда ураза тоткан, аларга Раян дигән җәннәт капк
аларын үтү насыйп булыр. Бу дәрәҗә ураза тотучыларга гына бирелә. Алар каберләреннән купкач күренер: ураза тоту сәбәпле, авызларыннан хуш исләр килеп торыр ди. Ураза тотканда, ашказанында ризык булмау сәбәпле, кешенең авызы исләнә. Фәрештәләр менә шушы исне яратыр, ул хуш исле мускусны хәтерләтер ди. Шунысы да бар: иманлы бәндә җәннәттә үзе генә түгел, гаиләсе белән булачак, билгеле, әгәр дә инде алар барысы да шуңа лаек булса. Коръәндә әйтелә: ий, мөэминнәр, үзегезне һәм өй әһелләрегезне ут газабыннан саклагыз. Гаилә башлыгы хатыны һәм балаларын да динле, иманлы итәргә тиеш.

Адәм баласы үлемнән курка. Юк, үлемнән куркырга кирәкми. Үлгәннән соң безне нәрсә көтә – менә шуны уйлап куркырга кирәк. Кыямәт көнендә бездән сорау алып ятмыйлар, менә китабың – укы, диячәкләр. Һәр адәм баласы үзенең тормыш китабы белән килә. Аның уң һәм сул ягында бөтен гамәлләрен язып баручы тәкъдир фәрештәләре булачак. Уң ягындагысы – изгелекләрен, сул ягындагысы начар гамәлләрен язар. Уң ягындагысы сул ягындагысына баш булыр. Кеше хата кылса, уң яктагысы, җиде сәгать көтеп тор, дияр. Бәлки тәүбәгә килер, ди ул. Изге һәм начар гамәлләрең үлчәүгә куелыр. Фани дөньяның гомере бик кыска, үтә дә китә. Кул учыбызга төшкән кар бөртекләре эреп юкка чыккан кебек, ике көнлек фани дөньябыз күз ачып йомганчы үтәчәк. Ә ахирәт дөньясы бакый һәм мәңгелек, ахирәт бар, җәһәннәм бар, хисап бар, сорау бар. Гомумән, дөньяда кылган гамәлләребез өчен җавап тотасыбыз бар. Аллаһы Тәгалә тәүфыйк-инсаф биреп, гыйлем аша, хикмәт белән, ислам динендә булганыбыз хәлендә Аның хозурына җәннәт әһелләре булып кайтуны һәммәбезгә дә насыйп кылса иде. 


Дилбәр ГАРИФ
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№46 (871802) / 18.03.2014 22:10:08

Ибн Сәбил -мин түгел.Врач-терапевт Галимә Харисованың "Тәкъдиргә ышану һәм сәләмәтлек" китабыннан бераз языйммы дигән идем. Кирәк кеше китап кибетләреннән алып укый ала.

Шул китапта басылган бер шигернең ахырын гына куям.

....Аллаһ кешене зурлаган
Ихтыяр көче биргән.
Ике юлның кайсы кирәк
Шунсыннан атла дигән.
Ни өчен бар иткән булса
Шул юлны җиңеләйтә.
Гамәлдә тырышыйк
Аллаһ колын салмас михнәткә.

№45 (871777) / 18.03.2014 19:38:12

Шунысы гына гаҗәп: индус- иң дөрес дин буддизм дип, католик- христиан дине дип, руслар- православие дип уйлый, еврейлар үлсә дә иудаизм дип үлә. Мөселман өчен- иң шәп дин- ислам, шул гына.

№44 (871774) / 18.03.2014 19:26:01

RIM тагын китаптан күчереп куя башлады су буе комментарийларын, Ибн Сәбил исемендә, укып бетерә торган түгел.

№43 (871639) / 16.03.2014 21:01:56

Исем ялгыш язылган, раскладканы алыштырырга онытылган))) Nfnfh - Татар дип укырга

№42 (871638) / 16.03.2014 21:00:24

P/S
Монсында тагыда ачыграк эйткэн "Разве Я вам не говорил, что знаю всё сокровенное на небесах и на земле и то, что вы обнаруживаете, и то, что скрываете в душах? 2-33" Шушы сузлэрне эйткэн затка тагы нинди ачыклау кирэк? Ачыклау кирэк икэн димэк аят ялган...

№41 (871636) / 16.03.2014 20:55:27

Ибн Сәбил, син динне бигрэк эйбэт белэсен икэн))))) "Сугышлар һәм кан кою аркылы Аллаһ Тәгалә кемнең кем икәнен ачыклап бетерә." дигэн сузлэрен "Аллах не находится в неведении о том, что вы совершаете. 2-85", или " Я знаю то, чего вы не знаете.2-30" дигэннэр белэн ничек туры килэ? Синеке дорес булса алла бернэрсэдэ белми, корэн дорес тугел; корэндэге дорес булса син надан...

№40 (871634) / 16.03.2014 20:34:57

монах түгел, Иркә. Ул, дөньядан аерыласы килеп, монастырьга китеп яшәми, кешеләр белән аралаша. Мәчетләргә дә йөри.

Үз гаиләсендә, тәкъдим иткәндә, мәчеттә дә имам булып намаз да укыта. Каршы килми. Һәм ул әхират турында күп уйлый һәм Аллаһка сыенырга тырыша.
Олигархлар әхират турында киресенчә, уйламыйлар. Уйласалар һәм ышансалар, алар матди байлык түгел, ә бәлки хәерлерәкне туплар иде.

Барыбызга да куркырга тиешле нәрсә - ул, Тукай әйткәнчә "мин беләмлек дәгъвәсе". Ул кешене сизмәстән тәкәбберлеккә китерә. Кешеләрдә тәккәбберлек булмаска тиеш. Калебендә тузан бөртеге кадәр тәкәбберлек булса, ул җәннәткә керә алмыйча торачак диелә. Аллаһта гына булырга тиешле "Мүтәккәббир" сыйфаты ул.

№38гә. Ибн Сәбил сектант та түгел, әл-ХәмдүлиЛләһи Рабби әл-Гааләмиин.

Мөселман дигән сүз - гомумиләштерүче исем, төшенчә булса, мөэмин булу, мөэминлек дәрәҗәсе, югарырак баскыч. Тарырак даирә өчен. Ягъни, мөселманнар күп 1,5 млрд. чамасы булыр. Тик бүлгәләнгән һәм су өстендәге күбек кебегрәк әле хәзергә.

Бүген мөселман җәмгыяте дә көчле сынау аша уздырыла. Сугышлар һәм кан кою аркылы Аллаһ Тәгалә кемнең кем икәнен ачыклап бетерә.

Тагын да югарырак баскыч - мүттәкыйннәр баскычы. Аллаһтан куркучылар. Мисал өчен Коръәнне аңлап кисәтүче аятьләрне укыганда, намазда яки аерым, кайчакта гына булса да(сирәк-мирәк) йөрәгегездә үзегез өчен курку хисе сизмисез икән, димәк, иман телегездә генә.

Мөхәммәд сала Аллаһу гәләйһи вәссәлләм билгеләгән ун һәм тагын берничә җәннәт белән сөендерелгән сәхәбәләрдән башкалар беребез дә җәннәткә керәм яки кертеләчәкмен дип әйтә алмый. Аллаһ Тәгалә, безнең өчен җәһәннәм һәм җәннәт юлларын бар иткән, билгеләгән, күрсәтә, кисәтә, әмма аерым беребезгә дә кулыбызга, җәннәт сиңа гарантияләнде дигән кәгазен тоттырмаган.

Кем, кайсы юлда, ничек тырышуыбызга карап.., бәлки, иншәАллаһ дип өметләнә генә алабыз. Мөселманның урыны курку белән өмет арасында иншә Аллаһ.

Шәйтан вәсвәсәсеннән Аллаһка сыенам:
"(44)Һеҙ китап уҡыйһығыҙ, кешелəрҙе изгелеккə өндəйһегеҙ, ə үҙегеҙ ҡылған (яманлыҡтар)ды онотаһығыҙ. Шулар тураһында аҡылығыҙ  менəн  уйлап  ҡарағанығыҙ  бармы?"("Сыер"). 

Ә Аллаһ һәм Аның Сүзе Коръән турында үз акылыңа таянып, үзең теләгәнчә генә фикер йөртүнең(вольная трактовка) азагы ут. Бу ышанмаучы, наданнар шөгыле. Сак булыгыз!

№39 (871601) / 16.03.2014 09:33:59

Коръэн,галэмнэр очен угет-насихэттер,Аллах Китабы машина времени тугел,бу шулай булса Аллах Тэгалэ узе эйтер иде бу турыда.йога чыннан да бу донья очен генэ,йога белэн шогыльлэнеп кенэ Раббыбызнын ризалыгын алып булмас,бу шулай булса анын белэн пигамбэрлэр шогыльлэнер иде,минем уйлавымча ул вакытны бушка уздыру,ул кешенен гомерен арттырмас та ниндидер баскычлар буйлап оскэ дэ кутэрмэс.

№38 (871600) / 16.03.2014 08:33:29

Күрнә ки, Ибн Сәбил ИСЛАМнан бик ерак торып, үзенең сектасын ИСЛАМ дип уйлый. Кызганычка каршы, андый адашучылар бик күп шул.

№37 (871599) / 16.03.2014 01:08:40

Сулыш гимнстикасы бик җиңел ул.3 минут суламый торасың да,шуның блеән хушлашасың-дониадан.

№36 (871597) / 15.03.2014 23:26:30

Ибн Сәбил, №35тән

сез миңа монах кебек тоеласыз. Тик исламда монахлык юк бит. Исламда яшәү мәгүнәсе Аллаһыга табынудан гына тормый.Сез яганнардан миңа ни аңлашылды: кеше Аллаһы өчен, аннан куркып яшәргә, ә мәгънәсе ахирәт көнендәге сынау һәм җәннәт- тәмуг мәсәләсе.Згзр дөньяны андый тар кысага саласы булса, миңа бик күңелсез юулыр иде һәм мин асылынып үләр идем лутчы. Һаман ахирәттән куркып, аны көтеп яшәгәнче.

Тормыш мәгънәсе яшәү. Аны безгә Аллаһы бүләк иткән.Шуннан ләззәт алып яшәргә кирәк. Әмма ләззәт белән яшәү кеше талау һәм үтерү, башкаларга золым хисабына яшәүне аңлатмый. Кояш астында Ходайдан ктлгән үзеңнең асылыңа н читләмәсәң юу дөньяда да ләззәт*оҗмах кичерергә була.

Ахирәт турында олигархлар уйласын)))) Алтыннарыбызны Ходай каршында кая яшеребез дип. Анда бит серде Швейцария банклары юк))))

№35 (871588) / 15.03.2014 22:05:55

Даа мы, дааа?! Никадәрле Коръәнсезлек һәм югалту. "Тихий уҗаас".

Йога белән шөгыльләнгәнемә 32 ел. Аллаһның рәхмәте белән элек барып караган һәм үтелгән юл. Алты ай чамасы эзлекле рәвештә. Беренче этапта очищающее дыхание, поза лотоса, шавасана һ.б.лар. Шик юк, көнчыгыш медицинасының үтемле чараларыннан берсе. Бәдән(җисем)гә һәм аңга да тәэсире бар. Начар түгел. Әмма инде бүген алар барыбер минем өчен җәһилияттә(надан чагымда)үтелгән этап(бу дөньяда яшәүче кешеләр өчен дә бары шулай гына булырга тиеш!).

Бу күнегүләр бары тик дөньялык өчен генә. Ни генә әйтсәгез дә, минем өчен алар "мин булдырам", яки бары тик "без булдырабыз" сериясеннән.

Алгарыш, алга омтылыш, хәтта мин әйтәм, киләчәккә сикереш ясау өчен бу әйберләр файдасыз. Фәлән мең еллардан калган, шайтаннар котыртуына бирелгән, адашкан кешеләрнең адаштырылу, адашу, адаштырулары һәм искелек. Башта, ул чор өчен, бәлки Аллаһтан булып, соңыннан кешеләр тарафыннан "яраклаштырып", үзгәртеп бетерелгәннәр. Яһүди һәм насара диннәре дә шулай ук.

Алар барысы да бүген кешене Аллаһтан аеру, өчен хезмәт итә. Аллаһ белән бәндә арасына арадашчы куела һәм бәндә адаштырыла. Чөнки кеше үзе, ә бәлки кармасы буенча, шуны тели. Кешене мин-минлеге, "мин үзем беләм"е тотып тора, алга җибәрми. Аллаһ турында аз уйлый, өйрәнми, таныйсы килми, танымый. Шуңа күрә Аллаһ аңа юлны да ачмый. Аллаһны таныйсы килмәгәнгә күрә Аллаһ аңа адашуны өсти, аны тагын да ныграк адашуга кертә.

Хәзер мин 22 ел намазда. Намаз да, башта аңлашылмый, сораулар күп була? Әмма Аллаһның Рәхмәте белән берсе артыннан икенчесе әкренләп чишелеп бара. Азакта уңышка ирешү мөмкинлеге барлыкка килә, иншә Аллаһ! Әмма анда да шәхсән Аллаһ бирсә генә! Һәм бу юл мөселманнарга гына!

Аның өчен башта мөселман(покорившийся - кто держит запреты и выполняет повеления) булу шарт. Покорный и соблюдающий. Бу этапта Аллаһның берлеген тану, Аны өйрәнү, Аңа буйсынырга тырышу, Аңардан гына ярдәм сорау, Аллаһтан гына курку, Аңа гына яклануга ирешү мөмкин.

Икенче этапта иман йөрәккә керә, кертелә. Шунда урнаша, урнаштырыла - уверовавший - мөэмин булу, мөэминлек дәрәҗәсенә ирешүгә юл ачылу. Иман дигәннән, иман җиде өлештән тора:
1) Аллаһка ышану;
2) Аның фәрештәләренә ышану;
3) Китапларына..; зәбур(псалтырь), тәүрат(библия), инҗил(еванглие) һәм Коръән!
4) Аллаһның пәйгамбәрләренә(Аллаһның илчесе; килгән\иңдерелгән\ Хәбәрләрен аңлатучысы - нәбиләргә) ышану;
5) Әхираткә, әхират Көненә(бүген ачыклап булмый торган, хәзергә бездән яшерен, әмма һәркемгә киләчәк алдагы хәлләр һәм шуңа) ышану;
6) Тәкъдирнең яхшысы да яманы да Аллаһтан икәнлеккә..;
7) Үлгәннән(үтерелгәннән) соң терелү(терелтелү)гә.. ышану.

Җиде шарт, һәрбере мөһим, берсенә генә ышанмасаң, яки шикләнсәң дә иманнан һәм исламнан түбәнгә тәгәрисең.

Өченче этап - инану - иманда нык тору - убежденность.

Өстә саналган этаплар якынча, алар берсе белән икенчеләре үрелеп, аралашып баралар.

Мөселманнарга гына хас, аларга гына бирелгән, мөмкин әйбер ул - әхираткә нык инану.

Мин эзләнүчеләрдән. Таалиб әл-Гыйлем. Тәрҗемәсе - требующий Знания. Коръәндә туры юл дигән төшенчә бар. Бу һәркем өчен максат булырга тиеш! Аллаһ кемне туры юлга китерсә, аны беркем адаштыра алмый. Аллаһ кемне адаштырса, аны беркем туры юлга китерә алмый.

Адептлар турында белемегез булса, уртаклашыгыз! Ялгышмасам, адепт(посвященный) дип, яшерен гыйлемнәр белән таныштырылганнарга әйтәләр.

Ышанмаучыларны иманга якынайту, ә иманлыларны ныгыту, ә уйланып фикер йөртүчеләр ныграк уйлансыннар өчен мисал:

Иң якын йолдыз да бездән бер яктылык елы ераклыгында. Димәк, кешегә анда булу һәм анда кем яки нәрсә барлыгын, аларның ни белән шөгыльләнгәннәрен белү, үз көченә таянып мөмкин түгел. Аның өчен нурга әверелсәң дә бер ел очарга кирәк.

Әмма Гәйсә гәләйһиссәлләм күккә ашырылды. Һәм ул исән. Әмма кайда?

Мөхәммәд сала Аллаһу гәләйһи вәссәлләм бер төндә Мәккәдән Иерусалимгә күчерелде, пәйгамбәрләр белән очраштырылды, аларга имам булып намаз укытты һәм шул ук төндә, җиденче каттан да югарырак, Аллаһ хозурына китерелде(күтәрелде) һәм шул вакыт эчендә алтынчы кат күктән Аллаһ Тәгалә янына биш тапкыр барып килде, шул вакыт эчендә аңа җиде кат күктәге хәлләр, җәһәннәм һәм җәннәт күрсәтелде. Тора торган җиренә кайтып кергәндә, ятагы суынмаган да иде.

Шәхсән минем өчен Коръәни Кәрим вакыт эчендә сәяхәт кылу мөмкинлеген ача торган Бердәнбер Китап! Фактическая "машина времени"!

№34 (871559) / 15.03.2014 07:18:34

Бөтен изге китаплар да Аллаһ тарафыннан җибәрелгән, тик патшалар, дәүләт башлыклары халык белән идарә итү җиңелрәк булсын өчен төрле диннәрне уйлап чыгарганнар. Шул ук вакытта чын дореслекне халыктан яшергэннэр. Корьәннең мәгънәсе бик тирән аның, аны аңлап бетәр өчен бер кеше гомере дә җитми.
Кеше үлсә дә, аның җаны үлми дип уйлыйм, андый мисалларны табигатьтә дә күрергә була, мәсәлән көз көне бөтен үләннәр дә саргаеп юкка чыгалар, ә яз көне барысы да терелә, кайсы тамырыннан, кайсы орлыктан үсеп чыга. Бу турыда Корьәндә дә язылган. Үсемлекләрнең дә, агачларның да үзенә күрә примитив җаны бар. Алар да туа, үсә, нәсел калдыра.

№33 (871555) / 14.03.2014 23:46:44

Ибн Сәбил)))

беләсезме ничегрәк)))

Свидетели Иеговалар бик актив эшлиләр бит әде. Брошюраларын татарча да басканнар, беркөнне шулай башта дару алдылар, аннан миңа шуны биреп яталар.Җәннәтләр, фәлән-фәсмәтән турында сөйли башладылар.Мин үзләрен агартырга ( просветлеть) итәргә тотындым.

Дөньядагы бөтен золым караңгылыктан килә.Аңның хисләр тарафыннан каплану караңгылыгы ул.Агару-яктыруга кеше төрлечә килергә мөмкин.Дин әйтергә кирәк гел агарту, яктырту юлында булмаган.Дин исеменнән күпме кан коелган.Агару-яктыру, әлбәттә, фән-техника револююциясе нәтиҗәсе (бигрәк тә яңа коммуникация чаралары барлыкка килү)буларак киң масштабта башланды. Иң беренче этапта нәкъ менә фән-техника кешене көчле һәм тиз итте.Энергия көч түгүгә сарыф ителмәгәнгә, аң яктыра башлады да. Яктырганнар арасында атеистлар да бик күп.Дингә килгәндә ул кемне яктырта, кемне томалый дигәндәй...Әмма бүгенге көндә ул яктырту, бары яктырту өстендә эшләргә тиеш.
Әмма бүгенге чапанлылар миңа шул зур ташлы 18 гасыр каберләреннән торып чыкканнардыр кебек.Уйларында шул һаман да караңгыдагыларны тагын да томалау.

Миңа килгәндә, минем аң томаланмаган.Аны миңа, әлбәттә, фән яктыртты. Мин берничек динне җәһәннәм, ахырзаман, үлгәннән соң тормыш белән бәйли алмыйм. Өйдә дә сөйләшәбез бу турыда. Мин җанны да аерым юл белән җыелган материя үзлеге дип кенә карыйм. Әйтик автомобиль. Сүтеп ташласаң металл өеме генә. Ә менә җыйсаң, бензин салсаң, ул хәрәкәт итә алучы үзлекле була. Җан да шулай, үлү белән юкка чыга минемчә.Монда Алла урыны бензин һәм бензин салучы була инде))))
Бәлки Алла тарафыннан күзәнәкләр кодировать ителгәндер... Бөтен нәрсә әйләнә, аларны кем бөтереп җибәргән????Алланы шул беренчел оештыручы буларак кына кабул итә алам. Әмма болар берсе дә исламга каршы килә торган әйберләр түгел. Коръән трактовкалары Соры әйтмешли чүл гарәпләре тарафыннан трактовкаанган 15 гасыр элек, бүген дә шул трактовка кала алмый....

Тәкъдиргә килгәндә, әйтик мин нихәтле теләсәм дә, балерина була алмам инде)))шул күләмдә генә кабө=ул итә алам.))))

Ә сәләмәтлек һәркемнең үз кулында, Алла салган код рамкасында.

Сулыш гимнатикасы катлаулы әйбер түгел ул.
Әмма бу турыдагы кулланмаларда фән аңлата алмаганга шарлатаннар читкә алып китә.

Медитация вакытында да бернинди галәмнәр белән бәйләнеш юк. Просто аңда килеш симпатик нерв системасын сүндереп кую гына. Бу хәләттә тоела торган кичерешләр гадәти булмаганга гына төрле-төрлле ахинеялар язалар.Ул хәләт шуның белән кызыклы да. Кеше аңында ( сознание не отключено), әмма тәне ( (симпатик система) йоклагандагы кебек языла һәм баш миенә кан күп килә башлый. Шул языла башлау тирәнлегән карап төрле кичерешләр кичерелә.


Сулыш гимнатикасы турында. Бу турыда мәгълүмәт интернетта тулып ята.Әмма аңлашылып җитмәгән әйберләр күп билгеле.Аларның һәрберсендә әйтеп бетерелмәгән төп нәрсәләр кала. Чөнки һәммәсе реклама иәгълүмәте генә. Һәркемнең акча эшлисе килә бит.

Кыска гына әйткәндә корсак, күкрәк сулышы, өске сулыш. Тулы сулыш белән суларга өйрәнсәң, һәм көнгә берничә тапкыр 5 минут шулай суласаң, психиканы тулаем нормага туры китереп була.

№32 (871552) / 14.03.2014 22:50:57

Ибн Сәбил, һәр кем өчен, картлык, аның өчен ахырзаман булса да, калганнарга кагылмый. Бу буыннан-буынга шулай килә.

№31 (871551) / 14.03.2014 22:43:10

Ни гаҗәб? Аллаһ Тәгаләне танып беләсе килү шулкадәр түбән ки, кайберәүләрнең мөселман татар гаиләсендә дөньяга китерелүенә дә шикләнебрәк карарга туры килә.

Иркә мруда абруйлы әңгәмәдәшче. Тукран - шулай ук. Әгәр дә сез укымышлылыгызны - дөньяви белемнәрегезне Коръәнгә бәйләп аңлата да алсагыз, беренче чиратта үзегезгә, һәм аннан соң башкалар өчен дә, нинди! һәм никадәр! хәерле гамәл булыр иде.

Язмыш сүзе татарча булса да, Коръәндә ул, тәкъдир төшенчәсе астында кулланыла. Аның тамырында ук көч-куәт(ягъни, Аллаһның кодрәте\кадәрә - тәкъдир\) күздә тотыла.

Без, мөселманнар өчен гади: тәкъдирнең яхшысы да яманы да Аллаһтан, дибез!

Пәйгамбәр сала Аллаһу гәләйһи вәссәлләмне исәпләмәгәндә исламда икенче ир - тугры хәлифә фарук(аера белүче!) Гомәр бин Хаттаб, Аллаһ аларның икесеннән дә риза булсын, Аллаһтан үзе өчен: "Әгәр мин бәхетсезләр исемлегендә булсам мине аннан сызып ташла һәм мине бәхетлеләр исемлегенә язып куй", - дип сорады. Менә безнең өчен формула һәм үрнәк!

Аллаһ Тәгалә кемне тели шуны сайлый, ничек тели шулай эшли. Бөтен, бөтеен нәрсә Аңардан! Көч, Кодрәт Иясе дә, тәкъдирнең Хуҗасы да Ул гына! Ул безне бу дөньяга китерде һәм Ул бу дөньядан ала.

Сулыш гимнастикасы һ.б. махсус шөгыльләр көчле ихтыярлы аерым кешеләр өчен. Аның кабул ителүе дә биик шикле? Как исключение, кайберәүләр өчен, Аллаһ үзенең установлениеләрен үзе бозганда гына??

Без инде Ахыр Заманда яшибез һәм бөтен гамәлләр дә сөннәт буенча гына(в установленном в шариате порядке!) кабул ителә! Бары тик!

Намазда Аллаһ каршына басып, буйсынган хәлебездә, онытылып, оеп, икенче төрле әйткәндә, медитациядә - нирванага ирешү, бөтеен кешеләр өчен дә мөмкин, универсаль, доступень һәм җиңел, иншә Аллаһ!

Һәм мөселманнар башкалардан Аллаһка турыдан туры мөрәҗәгать итә алулары белән аерылып торалар да. Аларның иң югары дәрәҗәдә көнгә биш тапкыр нирванада булу мөмкинлекләре бар!

№30 (871419) / 13.03.2014 20:25:10

сезнен белэн килешэм. Рэхмэт!

№29 (871412) / 13.03.2014 19:21:27

Иркэ, сулыш гимнастикасы ничек башкарыла?

№28 (871403) / 13.03.2014 18:12:01

Бик сирәк кеше генә үз өстендә эшләргә сәләтле.Көчсезләр үз өстендә эшли алмый, алар шуңа да көчсез. Психотерпевтлар бездә популяр түгел, чөнки көчсез кешеләрнең акчасы юк аларга түләргә. Психотерапевтларның бәясе югары, чөнки алар башка кеше негатив энергиясен сүндерүчеләр. Аннан да противный эш юк.

Болай бернинди карма, язмышка бирелмичә, сулыш гимнастикасы белән шөгыльләнсәң дә психика нормага килә.

№27 (871398) / 13.03.2014 16:45:56

+ =гэ., һәрбер чирнең үз сәбәбе була, баш миендә тискәре энергия булганга баш миенең тамыры кысыла, моңа нәселдән килгән гөнаһлар, үзеңнең гөнаһларың сәбәпче. Аллаһ каршында ата-бабаларыңның гөнаһларын кичерүен сора, үзеңнең гөнаһларыңа тәүбә ит, моның өчен бик күп вакыт, тырышлык кирәк, тик урыслар әйтмешли "это того стоит". Гөнаһларны җыю гына җиңел, алардан арыну бик авыр һәм озак. Инә кадауның энергия каналлары өчен файдасы бардыр, тик барыбер үз өстеңдә эшләү кирәк, югыйсә чир кире кайтачак.

№26 (871392) / 13.03.2014 14:46:30

№24, әгәр яхшырак инә кадаучы тапсаң, ничек әйтергә телисең, кармамы, язмышмы үзгәрер.

Гомумән, язмыш, карма дип сөйләшүләр көчсез характерлыларны тынычландыру өчен уйлап чыгарылган әйбер.Ул категория кешеләрдә интеллект ситуацияне объектив аңларлык дәрәҗәдә булмый.Тискәре эмоцияләрен кулга ала алмаган кешләрне язмыш, карма дип тынычландырырга туры килә. Шул гына))))

Болай кеше гомере ике өлештән тора. Геннар һәм ул геннарның ачылу шартлары.Интеллект геннары җиткән )))) кеше шуны аңлый һәм үз гомерен үзе төзи һәм төзегән тормышыннан канәгать.Бу урында, гомумән, канәгатьсезлек булмый дип аңларга кирәкми. Төзәтә, үзгәртеп була торганнары үзгәртелә. Үзгәртеп булмый торганнары булса,алда әйткән ике сәбәп буенча, кеше булган шартка җайлаша.

№25 (871391) / 13.03.2014 14:01:01

+ =гэ Энҗебикә булсам-булмасам ни, тузга язмаган сораулар бирмә. Язмыш үзгәртү, күрәм, синең кулыңнан килми. Күрәзәлек кылмый гына үзең белгәнчә яшә.

№24 (871388) / 13.03.2014 11:43:51

э мэскэугэ баргач мине нинди язмыш котэ- берэр принц очрыймы минем юлда, яхшы эш табаммы - болары да язып куелгандыр дип белэм. э менэ сугышта улгэн бабайлар, эфган сугышына кергэн яшьлэр ничек язмышларын узгэртеп улми калырга момкиннэр иде сон? менэ минем кызымда баш мие сосудлары кысылу аркасында эзрэк тотлыгу бар. ул анын язмышы тугелме? шулай булып тусын дип беркем дэ тырышып йормэгэн бит?

№23 (871361) / 12.03.2014 14:34:22

Энҗебикә булмасам да, аңлатып карыйм әле. Мәсәлән тәкдирдә сиңа бер бала үстерергә язган икән, син икенчене берничек тә таба алмыйсың, я выкидыш була, я үле туа, я ирең абортка җибәрә. Шуннан соң инде язмышыңа буйсынырга туры килә. З бала үстерергә язган икән, син аны табарга теләмәсәң дә табасың. Ә менә шул балаларны ничек тәрбияләү үзеңнән тора, язмыштан түгел.
Бездә "кешене ризык йөртә" диләр. Ризыгың Мәскәүдә булса, Мәскәүгә барасың, ә анда баргач, намуслы хезмәт белән яшисеңме яисә урлашып йөрисеңме, үзеңнән тора.

№22 (871353) / 12.03.2014 11:13:53

мэсьэлэн? берэр конкрет очрак турында эйтеп китегез эле. тэкъдир ни дэ, язмыш ни?

№21 (871352) / 12.03.2014 11:12:11

э сез белэсезме, сорау алу мэйданында ике буын жавап бирэчэк дигэнне? аталар хэм балалар. аталарга ник баланны ойрэтмэден дорес дингэ диеп, балаларга ник сез олкэн буыннан гыйбрэт алмадыгыз дип эйтелэчэк ди. так, шту эле сон тугел ислам дине кушканча яши башларга.

№20 (871342) / 11.03.2014 22:43:19

Кичке клубларга барганда трусиемне киемме икән.АНда трусклы кызлар белән егетләр биемиләр диләр. Нишлим икән ?

№19 (871337) / 11.03.2014 21:21:17

Алла сузе баш хэрефтэн языла!!!

№18 (871279) / 11.03.2014 08:33:35

Тукранга гузэлдэн, алдан төзелгән гамәл дәфтәре әле ул план гына. Ә план(карма) үзгәрергә дә мөмкин. Моны үз өстемдә сынаган кеше буларак әйтәм. Кеше, аңлы җан иясе буларак, яхшы эш-гамәлләр кылып, планны үзгәртергә, яхшыртырга, һәрдаим камилләштерергә бурычлы.

№17 (871275) / 11.03.2014 07:52:56

Безне моселман динендэ устермэделэр, мин узем 80 нче елгыкеше. Шулай булгач бу дин мина ят, гарэп теле дэ, намаз да мина ят нэрсэлэр, ни очен менэ хэзер мин шул дингэ килеп тормыш рэвешемне узгэртергэ, ят нэрсэлэрне кабул итэргэ тиеш эле. Мин югары коч барлыгына ышанам, аны аллах дип кабул итэм, уземчэ рэхмэтлэр укыйм, ялварам , сорыйм. Минем уз динем, лэкин ул дин моселманлыктан ерак, христиан да тугел, мина шулай ошый. Мин таныган аллах та мина хэрчак ярдэм итеп тора, димэк теге доньяда да ярдэменнэн ташламас эле, мин ана ышанам.

№16 (871264) / 10.03.2014 21:19:31

жирлэр яратылганчы барлык туасы жаннар билгелэнгэн, аларнын язмышлары язылып лэухел- мэуфезгэ кертелгэн дип белэм. димэк, мин эшлисе барлык изге хэм яман эшлэр язып куелган, язганнарнын карасы кипкэн кем эйтмешли. мин дэ ОЛЫ АБЗЫЙ кебек анлап бетерэ алмыйм, "Ни өчен әле ул үзенең гамәлләре өчен җавап бирергә тиеш, аңа шулай эшләргә язылган бит"?!... жавабыгызны хич кенэ дэ "отмозговать" итэ алмыйм.

№15 (871259) / 10.03.2014 20:44:51

Абага, кызлар түгел, шул кызларны үзенеке итә алмаган ирләр хур була.)))

№14 (871257) / 10.03.2014 17:27:27

кызларынын хурлары була икэн жэннэттэ
мондагылары "хур"була бу доньяда элбэттэ!

№13 (871256) / 10.03.2014 17:22:11

Яна туган, гонахсыз сабыйнын ни гаебе булган, тормэгэ утыртырлык?

Ана карынындагы яралгыга 121нче көнне генә җан кертелә. Теге ике фәрештә алып килгән җан. Һәм шуңынчы, ягъни 121 көн буе, хәтта аннан да алдарак, намазлар укый-укый, догалар белән Аллаһтан сорау мөмкинлегең бар - хәерле, бәхетле бала булсын иде дип. Аллаһ догаларны Кабул Итүче.

Әмма, гадәттә, аннан соңгы проблема барыбыз өчен дә авыр булып чыга. Бала тугач, балага табыну башлана. "Җитәр шундый заман, кол үзенең хуҗасын тудырыр", - дигән хәдис тә бар.

Ибн Сәбил.

№12 (871255) / 10.03.2014 17:13:47

Хур кызлары оҗмахта гына була, болары нурлы йөзле гади кызлар.

№11 (871252) / 10.03.2014 16:50:22

Бөрчә, икенче төрле әйткәндә, хур кызлары була инде, иеме.))))))))))))))))))))))))))))))

№10 (871248) / 10.03.2014 16:37:30

Куркак, өйдә куркып ятма, төнге клубларга бар, дискотекаларга йөре, менә анда нурлы йөзле кызлар тулып ята.

№9 (871246) / 10.03.2014 16:25:29

Нурлы йөзле кызларны күргәнем юк, яктырта торган бөҗәкләрне генә күргән бар. Аннан, кайсы бер балыклар яктырта, нур бөрки диләр. Аларын күреп түгел иштеп кенә беләм. Күчермә мәгънәдә аңлау кирәк икән, минем үземне фәрештә диләр.

№8 (871244) / 10.03.2014 16:22:16

Пророк, мир Ему, сказал: «Эта жизнь для верующего - тюрьма и трудности. Когда он расстается с этой жизнью, то расстается с тюрьмой и трудностями» (передал ибн Хиббан). Яна туган, гонахсыз сабыйнын ни гаебе булган, тормэгэ утыртырлык?

№7 (871241) / 10.03.2014 15:42:03

Олы абзый, кеше алдан язылган программа белән генә яшәсә хайваннардан, үсемлекләрдән берни белән дә аерылмас иде. Аллаһ кешегә яманны яхшыдан аеру иреге биргән. Тэкъдиргэ дэ торле юллар белэн ирешергэ була. Яман юлны сайласа, кеше түбәнгә тәгәри, моны бомҗлар, алкоголиклар мисалында күрергә була. Яхшы юлдан барыр өчен бик күп көч, тырышлык кирәк, таула үрмәләү дә кыен бит, ә тау башына менеп җиткәч сиңа бөтен донья ачыла.
Куркак, нурлану - син уйлаганча радиация түгел, Кешеләрнең йөзеннән нур бөркеп торыр дигән сүз. Нурлы йөзле кызларны күргәнең юкмыв әллә?

№6 (871238) / 10.03.2014 15:08:25

Бу дөньяны беркем дә аңлаталмый. Мулла абзыйлар да төрлесе төрлечә сөйли. Чөнки, чыннан да мәңгелек дөньядан әле беркемнең дә кайтып сөйләгәне юк. Бер мулланың әйтүенчә, кеше ана карынында ятканда ук анда бер фәрештә кереп, булачак язмышын язып китә, ягъни программалаштыра. Кеше тормышта яманлыклар кылса да, яхшылыклар кылса да, моны шул программа, ягъни язмыш тәкъдире нигезендә эшли. Ни өчен әле ул үзенең гамәлләре өчен җавап бирергә тиеш, аңа шулай эшләргә язылган бит. Димәк кыямәт көнендә кешеләрне тәмугка, җәннәткә аеру дөрес гамәл түгел. Нигә туачак барлык кешеләргә дә намаз укырга, ураза тотарга, дин кушканча гына яшәргә кушылган язмыш язылмый икән, күкләр өчен күпме мәшакать кимер иде. Сорау да алып торасы булмас, бөтенебез дә оҗмахта гына рәхәт чигәр идек.

№5 (871236) / 10.03.2014 14:24:04

Мәкәлә башындагы беренче абзац ук, бер нидән дә курыкмыйча, тормыш рәхәтен татып яшәргә кирәген аңлатып бирә. Йөкле хатынның карынындагы ике баланың берсе мин дип алсак, туганнан соңгы тормышка ышанганмы-ышанмаганмы икәнлекнең аермасы калмый. Туганчы булган, алай гына да түгел, тугач булган беренче адымнарымны белмим, хәтерләмим. Туганнан сонгы тормышымны яна баштан үзем көйлим. Шулай булгач, баре-бер хәтердән сызлып ыргытыласы өчен, ник алдан ук сызланырга?

№4 (871234) / 10.03.2014 13:26:45

Куркак,син инде узенчэ кешене колдермэкче булдын,но колке берни дэ курмим.Еларга момкин бу сузлэрдэн.Син болай сайрагач куркак дип куйма инде узенне,Аллахы Тэгалэдэн курыкмаган кешене мин ничек дип тэ эйталмыйм,кофер сузлэр сойлэуче дип куй .

№3 (871231) / 10.03.2014 12:23:13

Куркак,анда күмеләсе булгач ник куркасың? хатының да шулар өммәтеннән булса,как раз,шунда күмәрләр.

№2 (871230) / 10.03.2014 12:22:17

Куркак могаен дорес эшлэрсен, менэ бу сузлэр дорес булса моселман зыяратында урында булмас: "Пророк, мир Ему, сказал: «Когда похоронят мертвого человека, то подходят к нему два ангела черно-синего цвета. Одного зовут Мункар, а второго Накир. Если был верующий, то скажет: «Он – раб Аллаhа и Его Посланник. Я знаю, верю, и признаю, что нет Божества кроме Аллаhа и свидетельствую, что Мухаммад – Его раб и Посланник». И Ангелы скажут ему: «Мы знали, что ты так ответишь». Затем ЕГО МОГИЛА РАСШИРЯЕТСЯ НА СЕМЬДЕСЯТ ЛОКТЕЙ И ОСВЕЩАЕТСЯ. (передано от Абу-Хурейры)"

№1 (871226) / 10.03.2014 11:46:21

мөэмин ирләр һәм хатыннарны шунда ук танырсыз, диелә. Алар алдан да, арттан да, ян-яктан да нурланып басып торыр.

Ни, нурланыш алмас өчен алардан ерактарак булу кирәк була бит әле монда. Нурланыштан әллә нинди защитасы булган АЭСтан да курыккан халыкны гел хафага салдыгыз әле. Урыс зиаратына күмегез дип, вәсият әйтәсе булыр инде.

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar