|
|
Бүген кемнәр туган
|
|
Архив
|
25.02.2009 Шоу-бизнес
«ТАТАРЛАР» ДИСКОТЕКАСЫНДА — ЯМЬЛЕ ЯЗ!Ямьле язга аяк басканда, Казанның «Пирамида» төнге клубында янә «Татарлар» дискотекасы узачак. Мәгълүм булганча, дискотеканың һәр кичәсе билгеле бер темага багышлана. Узган юлы ул Гашыйклар көне уңаеннан үткәрелгән булса, монысында күңелләрне иң җылы һәм назлы хисләр белән яктыртучы яз темасы тәкъдим ителәчәк. Шуңа да 4 мартта үтәчәк чираттагы «Татарлар» дискотекасы «Күңелдә — наз, йөрәктә — яз» дип атала. Дискотека яшьләрне татар көйләренә якынайту максатыннан үткәрелә. Күңел ачу кичәсендә татар халык биюләре, кызыклы уеннар, яшь җырчылардан музыкаль күчтәнәчләр һәм бик күп бүләкләр көтелә. Бу кичтә Эпсилон, Лилия Һава, Сәйяр һәм Инсаф дуэты чыгыш ясаячак. Язның әлеге гаҗәеп матур төнендә яшьләрне ди-джей Lilu һәм Off биетәчәк. Дискотеканы татар яшьләре арасында танылып өлгергән Фәнил Вакказов алып барачак.
Чараны оештыруда «Intertat.ru» һәм «Безнең гәҗит» газеталары, «Везет» такси паркы, «Чай и Ко» чәй йорты, «SUN PLAZA» кызыну студиясе һәм шәһәрнең наркотикларга каршы тәрбия төркеме ярдәм күрсәтә. Бәйгеләрдә катнашучыларга бушка солярийга керү, чәй йортына барып, тәмләп чәй эчү мөмкинлеге биреләчәк. Шулай ук «Intertat.ru» газетасынннан да истәлекле бүләк тапшырылыр. «Татарлар» дискотекасы рәхәтләнеп ял итү һәм татарча аралашу мәйданы булачак.
«Татарлар» дискотекасының тагын бер үзенчәлеге бар: дискотекага килүчеләрнең барысына да «Везет» такси паркының 10 процентлы ташламага хокук бирүче дисконт карталары таратылачак, ә уеннарда җиңүчеләрне такси өйгә бөтенләй бушлай алып кайта. Дискотека «Пирамида» клубында кичке сәгать 9дан иртәнге 4кә кадәр дәвам итәчәк. Керү бәясе алдан алган билет белән - 200 сум, дискотека көнендә — 250 сум.
Эльвира ШАКИРОВА |
Иң күп укылган
|