Котлы булсын юбилеең!

5 январь көнне Түбән Новгород өлкәсе татарларының “Туган як” газетасының баш редакторы Олег Хөсәин улы Әндәрҗанов үзенең юбилеен билгеләп үтте.

Олег Хөсәен улы зур хәрефтән журналист, "Туган як"ның ул чишмә башында торып, беренче саныннан башлап хезмәт итә башлаган. Редакциядән китеп, бүтән газеталарда эшләгән чорда да ул "Туган як"ка тугры булып кала бирде, ә инде бер ел элек баласыдай яраткан газетабызның баш редакторы итеп билгеләнгәч, яңадан җиң сызганып эшкә кереште. Тәҗрибәле җитәкче, үткен каләмле журналист, зирәк акыллы кеше буларак редакция коллективында, газета укучылар, төрле дәрәҗәдәге җитәкчеләр арасында абруе зур, сүзе үтемле. Без җитәкчебезне чын күңелдән юбилейлы туган көне белән котлыйбыз, саулык, тыныч тормыш, гаилә бәхете телибез. Һәрвакыт шулай халкыбызның яраткан газетасы өчен бергәләшеп эшләргә язсын иде.

Эшләрең һәрчак уң булсын,
Кыенлыклар бер дә килмәсен.
Ә йөзеңдә һәрчак шатлык нуры
Балкып торсын, мәңге сүнмәсен.

Редакция коллективы.