|
|
Бүген кемнәр туган
|
|
Архив
|
20.12.2013 Җәмгыять
![]() Сафлык күпме тора?Җайлы хәзер яшьләрнең, интернет аша танышалар, аралашалар, очрашалар, кавышалар. Танышым да егетләр белән күбрәк социаль челтәрдә таныша. Шулай бер егет белән шактый гына аралашканнан соң очрашырга булды болар. Тик интернетта аралашканда акыллы, җитди тоелган егет дустымның өметләрен акламады. Очрашкан, кафеда утырган алар. Егет үзенең мәхәббәт тарихын сөйләгән. Биш-алты еллап бер кыз белән «гражданский брак»та яшәгән булганнар, сөйгән кызы берничә атна элек үлгән, хәзер егет алмаш эзли. Бу сүзләргә ышануы авыррак булса да (чынлап яраткан кеше хатынының кырыгын да уздырмыйча, икенчесен эзли башлар идеме икән?), танышым егетне кызганган, хәленә кергән. Шуннан кыюланып киткән егет, танышыма бергә яшәргә тәкъдим иткән. Имеш, чын ярату ул, җан белән генә түгел, тән белән дә булырга тиеш. Танышым, беренче күрешүдән үк бу турыда сөйләшү урынлы түгел, дип әйтеп караса да, егетнең үз туксаны туксан. Янәсе, риза булмагач, ник соң алайса очрашуга килдең? Ә танышымның саф икәнен дә белгәч, егет бөтенләй мыскылларга тотынган. Имеш, 23 яшьтә кыз булып йөрү ул юләрлек, башка сыймаслык хәл, егетләргә бу кирәк тә түгел хәзер… Танышым, үземне бердәнберем өчен саклаячакмын, моны бәяләүче табылыр әле, дип, кафедан горур гына чыгып киткән. Менә сиңа мә! Мөселманнарда сафлык, инсафлык кияүгә чыкмаган кызларның иң зур байлыгы булып санала килде, ә бүгенге заман егетләре өчен бу мөһим түгелме икәнни?! Әлеге дә баягы шул социаль челтәрләрнең берсендә сораштыру уздырганнар, хәзерге көндә кызларның сафлыгын бәялиләрме, дигән сорауга 500дән артык кешенең бары 176сы гына «әйе» дип җавап биргән.
Эльвира МОЗАФФАР |
Иң күп укылган
|