|
|
Бүген кемнәр туган
|
|
Архив
|
11.02.2009 Мәдәният
“ЯҢА ТАТАР ПЬЕСАСЫ – 2008”. ИКЕНЧЕ ТУРГА КЕМНӘР УЗГАН?
Менә инде 2003 елдан бирле Татарстан Республикасы мәдәният министрлыгы, Г.Камал исемендәге Татар дәүләт Академия театры, «Яңа гасыр» телерадиокомпаниясе, «Казан утлары» журналы һәм «Татарстан яшьләре» газетасы милли драматургияне һәм театр сәнгатен үстерү максатында ел саен «Яңа татар пьесасы» конкурсы игълан итеп киләләр.
Әлеге конкурсларның нәтиҗәсе буларак, лауреат исеменә лаек булган һәм төрле номинацияләрдә җиңү яулаган 18 әсәр инде татар театрлары сәхнәләрендә дөнья күрде. 2006 елда лауреат булган Туфан Миңнуллинның “Дивана” әсәре Г.Камал театры сәхнәсендә, ә “Мулла” пьесасы М.Гафури исемендәге Башкорт Академия театрында, 2007 елда җиңү яулаган Зөлфәт Хәкимнең “Мылтык”, Илгиз Зәйниевнең “Люстра” әсәрләре Г.Камал театрында зур уңыш белән бара.
Тагын шуны әйтеп китәргә кирәк, узган конкурслар нәтиҗәләре буенча җиңеп чыккан һәм махсус бүләкләргә лаек дип табылган пьесалардан торган 6 томлык альманах басылды, 7 һәм 8 томнар, гадәттәгечә, бу елның март аенда укучылар хөкеменә тәкъдим ителәчәк.
Быел исә конкурсның алтынчысына йомгак ясарга җыенабыз. Конкурска барлыгы 55 әсәр кабул ителде. 6 февральдә “Яңа татар пьесасы-2008” конкурсының жюри утырышы булып узды. Жюри әгъзалары пьесаларның һәрберсе турында фикер алышып 2 турга 30 пьеса уздырылды.
1. Мин “Могҗизалы Яңа ел” 2. Мулла малае “Кайту” 3. Бәхетле “Яшәсен Күгәрчен!” 4. Лашманчы “Фәрештәләр бизмән аса” 5. Бүре “Читлек” 6. Салаватов “Фәрештәләр киткәндә...” 7. Мәчебашлы ябалак “Ишәк чумары” 8. Дәрвиш “Диверсант” 9. Шакир “Могҗиза” 10. Автор “Риваять” 11. Айбарс Каратун “Кайда син, Аттила?” 12. Таңсуы “Җил малае исемен эзли” 13. Газиз “Аэропорт”, “Кораб” 14. Тылмач “Татарча өйләнү” 15. Мизгел “Сукбай” 16. Керпеләр “Гармун” 17. Әнсәр әзи күршесе “Туганнар-тумачалар” 18. Хәләмгөл “Джим” 19. Әхмәтгали “ Сәйдәш вальсы” 20. Әл Сәер “Кайтаваз” 21. Төклетура “Оҗмах бакчасы” 22. Зимагур “Иман” 23. Йорт хуҗасы “Ишегалды” 24. Марка “Җир уллары фаҗигасе” 25. Д Рама “Иртәгә дә таң атыр” 26. Шәкерт “Ай без идек, без идек...” 27. Әптери “Күршеләр” 28. Керкә “Уен” 29. Алтынай “Авылым учагы” 30. Яшел алма “Без үскәндә биш кыз идек...”
--- |
Иң күп укылган
|