• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

09.11.2013 Җәмгыять

Казан тагын нәрсәгә сәләтле? (Cораштыру)

Казан дөньяның халыкара спорт чаралары үткәрү өчен иң уңайлы калаларның берсе дип табылды. Ике көн элек Лондонда республика башкаласына спорт чараларын уздыруда уңышка ирешкән өчен бирелүче халыкара премия тапшырылды. Шундый ук бүләк Лондон, Дубай һәм Окленд шәһәрләренә дә бирелгән.

Моннан тыш, “Иң инновацион вакыйга” һәм “Чараның образы” номинацияләрендә дә Казанда июль аенда узган Бөтендөнья Җәйге Универсиада җиңүче дип табылды. Әлеге премия үз өлкәсендә иң абруйлы халыкара бүләк булып санала. Димәк, спорт өлкәсендә Казанның абруе хәзер тагын да ныгыды. Ничек уйлыйсыз, Татарстан башкаласы тагын кайсы өлкәдә шундый ук уңышларга ирешә алыр иде?

Римзил ВӘЛИЕВ, журналист, җәмәгать эшлеклесе:


– Универсиаданың болай бәяләнүе шатлыклы хәл, Казан моңа лаеклы. Дө­ресен генә әйткәндә, 20-30 ел элек Казанның абруе бөтенләй башка иде. Ул мон­дый атаклы, гүзәл, ку­әт­ле башкала дип түгел, башка шәһәрләр фонында пычраграк, искерәк дип санала иде. Универсиада үткәрү ул – имтихан тоту. Соңгы елларда Татарстанга, Казанга тотылган акча һәм Казан белән бәйле проектлар тиз арада нәти­җәле күренешкә әйләнә. Хәзер, базар икътисады заманында, акчаны керткәч, күзгә күренерлек нәтиҗәсе булырга тиеш. Татарстан моны раслады. Респуб­лика­ның потенциалы күп. Юнәлешләрнең берсе – тарихи, милли йөзне камил­ләштерү. Туристлар безгә йөзе белән борылды, лә­кин бу әле танышу гына. Иртән машина, автобус, теп­лоход белән килеп, 6 сәгатьтән китеп барган туристлар мактанырлык әй­бер түгел. Алар биредә оза­гракка калырга, без җитештергән товарларны алып, хезмәт күрсәтүдән файдаланып, акча калдырып китәргә тиеш. Тагын бер юнәлеш – җиңел сәнә­гатьне үстерү, үзебезнең товарлар, киемнәр, ризык­ларны таныту. Чыгыгыз ки­беткә, күчтәнәчкә алып китәргә Казан товарын, Татарстан товарын табыгыз. Яхшы сыйфатлы кәнфит, Казанда гына кия торган кием юк бит. Элегрәк Казан бүреге, туны, пыяла чәй­нек, “Тукай”, “Шаляпин” ди­гән кәнфитләр бар иде. Әлегә кием-салым һәм ризыкның күбесе чит ил­дән килә.

Рабит БАТУЛЛА, язучы:

– Татарстанда нефть тә бар, кадрлар да бар. Хәзер спорт өлкәсендә алга киттек. Әдәбият, сәнгать, рухи өлкә һаман икенче планда кала килә. Бу һәрвакыт шулай булды. Казанның спорт өлкәсендә бөтен дөньяга танылу алуы татарның сән­гатен, әдәбиятын танытуга да җирлек булып хезмәт итсен иде.

Илдус ЯНЫШЕВ, Казан шәһәр Думасы депутаты, Татарстанның урта һәм кече эшмәкәрлек ассоциациясе советы әгъзасы:


– Универсиада аркасында Казан абруй яулады. Башкала моңа 1000 еллыкны бәйрәм иткәннән башлап дистә ел буе әзер­лән­де. Киләсе проект Җәйге Олимпия уеннары булырга тиеш дип саныйм. Бездә моның өчен күп нәрсә әзер. Ә тагын бер юнәлеш – IT индустрия. IT өлкәсе спорт кебек үк яшьләргә юнәлгән. Спорт өлкәсендә ирешкән уңышлар, яуланган имидж IT үсеше өчен якорь булып хезмәт итә алыр иде. “Иннополис”, “Смарт Сити” проектлары чынга ашса, без спортчылар өчен генә түгел, “акыллы башлар” өчен дә тарту ноктасына әйләнә алырбыз дип уйлыйм.

Айсылу ШӘРИФУЛЛИНА, туристик агентлык җитәкчесе:


– Казанның халыкара аренада таныла баруына сөенәм генә. Бу һәр өлкәдә үсешкә сәбәп булыр дип юрыйм. Спорт кебек үк уңышларга IT өлкәсендә ирешербез дип саныйм. Чөнки бүген республикада бу өлкәгә зур игътибар би­релә. Әмма минем тагын шундый теләгем бар – Казан мәгариф өлкәсендә, бе­лем бирү өлкәсендә танылу алсын иде. Элек Татарстан бу яктан бик аб­руйлы булган, мәдрә­сә­ләргә чит ил­ләрдән килеп укучылар булган дип белә­без. Хәзер дә Казанда уку абруйга әйләнсен, без­дә, чыннан да, сыйфатлы белем бирелсен иде. Бу шулай ук безне халыкара дәрәҗәдә таныта һәм безгә уңай мөнәсәбәт формалаштыра ала. Биредә укыганнар безнең мәдә­ният, тарих белән таныша алачак, күп еллардан соң да искә алып, сагынып килә­чәк бит. Бу юнәлешне үс­­терү өчен бездә бөтен шартлар да бар. 



Ватаным Татарстан
№ 182 | 08.11.2013
Ватаным Татарстан печать

Фикерләр

Исем:
E-mail:
Текст:
 
№8 (859116) / 11.11.2013 20:09:58

/*, Тәбигый байлыкның күплеге бер вакытта да байлыкка китерми. Хуҗалыкны яхшы алып бара белү генә байлыкка китерә. Японнарда бер тнинди дә табигый байлык юк, Сингапурны әйтеп тә тормыйм.
"Акыллы күрше"ләр, ул байлыкны, халкын дин белән агулап, бик тиз үзләренеке итә алалар.

№7 (859115) / 11.11.2013 20:01:37

россия могжизалар иле,табигый байлыкларына караганда хэерчелэр булмаска тиеш,

№6 (859114) / 11.11.2013 19:52:59

нимес жулэр тугел икэн шул!

№4 (859106) / 11.11.2013 19:19:28

Гади халык, бигрәк тә авыл халкы юлсызлыктан, җитештергән итен сөтен икмәген тиенгә сатып көчкә тормыш алып барганда, универсиада ясап, кечкенә генә авылга 3000000 га полиция участогы төзеп халыкны нәфрәтләндереп яталар. Безнең авылга шул бәягә гравий ташысалар халык рәхмәт укыр иде түрәләребезгә.

№3 (858966) / 10.11.2013 12:30:13

Казан берни җитештерми, хәрам ашап ятудан, кешеләрне маймылга әйләндерүче спорт дигән бер карачкы белән шөгылләнеп ятудан башка бернигә дә ярамый.

№2 (858963) / 10.11.2013 12:18:39

Соенегез без эле 2019 елда булачак кышкы универсиаданы да оттык!

Красноярск шэхэрендэ узачак диделэр!

№1 (858959) / 10.11.2013 11:57:54

Универсиадага киткән акчаларны безгә әле озак еллар түләсе, нәрсәсенә шатланасыздыр. Спорт республикабызга бернәрсә дә бирми, киресенчә гади халык җәфалана ярышларга әзерлек вакытында. Спорт ярышлары үткәрәсе акчага берәр кечкенә генә булса да предприятие төзесәләр, яисә авылларда сыер фермалары, сарык асрау тораклары төзеп куйсалар яхшырак булмас идеме.

▲ Өскә
 
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar