• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

08.11.2013 Җәмгыять

Аһ сине, теш фәрештәсе...

Безнең бит теш төште! Безнең, дип, алтынчы яшенә таба атлаган кызымныкы инде. Аның төшәсен бер еллап көттек үзе – Аделинаныкы төшкән, Әминә дә бер тешсез калган, ә безнеке төшми генә бит. Дәү әни, дәү әтиләрдән диссертация язарлык материал да тупланып куелган иде – сезнеке кайчан төшкән иде, ә сезгә теш фәрештәсе (фея, диләр инде аны. – Г.Җ.) килдеме, мендәр астында нәрсә калдырып китте?

Каян килгән ди инде безнең балачакта теш фәрештәсе? Юк иде андый мода! Ә хәзер балалар белән ата-аналар «хыяллана» – баланы татлы хыяллардан аермас өчен әллә ниләр уйлап табарга риза. Мин дә Мәрьямгә, миңа теш фәрештәсе мендәр астына кәнфит калдырып киткән иде, дидем.

Алдагы теш селкенә башлагач ук, кызым шул кәнфитне исенә төшерде: «Ул фәрештәләр хәзер кәнфит күтәреп йөрмидер инде, хәзер сезгә бүләк калдырган фәрештәләр картайгандыр инде...» Әтисе белән теш табибына барган җиреннән беренче сөт тешен учлап кайткач исә кызым, тешсез ерык авызын җыя алмый, күзләрен очкынландырып тезеп тә китте: «Ура, миңа бүген теш фәрештәсе килә, мин зур үстем!»

Шулай сөйләштек-көлештек тә, өй җыештырып, ашарга пешереп, теге фәрештә онытылган бит, әй! Кичке унынчы яртыда, табак-савыт юган җиремнән артымнан тагын килеп сарылды иркә песием: «Әнием, миңа бит бүген теш фәрештәсе килә!..» Без әтисе белән бер-беребезгә караштык та, упкынга тәгәрәдек- мени – чукынган икән, бүләк онытылган бит! Кибетләр ябылырга ярты сәгать вакыт калган!.. Каударлана-каударлана киенә башлагач кына башка барып җитте, беребез генә чабарга тиеш, баланы ияртеп чыгып булмый бит.

Өй янындагы кибет ябылырга биш минут кала, Винкс төшкән пазл (балалар модасы), эчендә ике кәнфите булган Мокси акча капчыгын (кызлары булганнар мине аңлар) куртка эченә яшереп кереп тә җиттем. Мәрьямне тизрәк юындырып йокларга яткырулар уңышсыз булды – салфеткага беренче тешен юып төреп, мендәр астына тыккан тәмле йомгагымның ник ике күзенең берсендә йокы әсәре булсын! Әтисе укыган әкият тә ике колакның берсенә дә кермәде, «Тыңламыйсың бугай, кызым», – диюемә: «Бүген аның көне шундый», – дип кенә җаваплады эшлекле туташ.

Хуш, унбер тулды, унике, сәгать бер, икенче ярты – без әтисе белән, йоклап китмәсәк ярар иде, дип тырышабыз. Ә теге кыбырсык һаман такылдавын дәвам итә: «Әтием, тәрәзәдә ут күренде, фея түгелме икән?», «Әнием, ул минем бу тешемне алып китәчәкме?», «Нигә озак килми бу фея?», «Бәлки, фея минем теш төшкәнне белми калгандыр?», «Сез ничек йоклый аласыз – менә-менә фея килергә тиеш!» Без инде әтисе белән теге феяны күралмас дәрәҗәгә җиттек – каһәр суккан икән, иртәгә бит эшкә дә торасы бар! Сәгать иртәнге өч тулганда кызым торып ук утырды: «Мендәр астында юк – фея минем тешне алып киткән, ә бүләге кая?!» Салфеткасы-ние белән идәнгә төшкән тешне алып куеп, тагын йоклатмакчы булып азапланам: «Озак йокламый ятсаң әле, бөтенләй килмәс тә!..»

Дүрт туларга унбиш минут кала куелган будильникка бездән алда Мәрьям чәчрәп торып утырмасынмы: «Һаман килмәгән!» Без ни көләргә, ни еларга белми, кабат черем итәргә тырышабыз – хет урталай ярыл, болай булса, бүген безгә ул фея дигәннәре бөтенләй килә алмаячак, ахры...

Биш тулганда, әллә алҗуы җитте, әллә фея дигәннәре безне жәлләде – тәки йоклап китте теге бер тешсез кеше. Алтынчы яртыда мендәрен күтәреп, бүләген кыстыргач, мин исә ятып та тормадым. Йокы барыбер туймаган, күз төпләре карарлык түгел... Иртәнге җиденче яртыда төне буе җәйрәп йоклаган, йокысы туйган кыяфәтендә торган кызым өстәге каттагылар өчен үзе бер будильник булды кебек: «Килгән, әнием, фея килгән! Тор, әтием, тор, фея миңа бүләк калдырган!» Йокы күрмәгән әтисенең генә җавабы катгыйрак ишетелде: «Кызым, фея беренче теш төшкәндә генә килә!..»

Мин исә, шатлыгын кая куярга белмәгән кызыма карап, сөенечемнән елмаям: йа, Хода, шушы бәхетле елмаю өчен генә дә әллә ниләр эшләрсең дә, әллә нинди әкиятләргә ышанырсың шул... 


Гөлнара ҖӘЛИЛОВА
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№25 (858951) / 10.11.2013 00:34:59

Сон эйтеп торам бит кыйбласы узгэрде татарнын!
Эмирикэ бэйрэмнэре,алар указлары белэн яшибез бит!
Гомер иткэннэр эбилэр теш фэрештэсен дэ уйлап таба белмичэ!!!

№24 (858948) / 10.11.2013 00:02:17

"Кыз балалар оелеп сугышулар"(№ 9) теге вакытта чыннан да юк иде. Хәзер бит алар бик "пазитифф" мультфильмнар карап үсәләр. Ә анда сугыш та суеш. Дҗерри Томны тәпәләндерә, Заяс Волыкны, ә бет кебек Маша үзенең Аю тәрбиячесен, йортны верхдном әйләндереп, акылга утырта. Я әйтегез нормальный мулҗтфилҗмнар бармы, юкмы? Менә шуларны карап үскән буын үсеп килә, көзгегә үпкәләмәгез.

№23 (858937) / 09.11.2013 20:51:54

бу нисбэттэн менэ бу сылтама белэн китсэгез,кызыклы язма укырсыз.

http://www.madanizhomga.ru/tt/hbrl/item/1052-gomәr-dautov-bez-kim-tүgel-җirdә-berkemnәn-dә.html

№22 (858932) / 09.11.2013 19:39:11

22 23 25 лэр аркасында Ф.САФИУЛЛИН барыбызга да этрэк-элэм дигэн келэймэ ябыштыра.


Хэзер сэбэбен анладым. Чуплек ярата икэн бит ул!
Ядерный отхут белэн этрэк-элэмне кумеп калдырмакчы!

№21 (858929) / 09.11.2013 19:25:54

Менэ зур бэхэслэр куптарырлык язма булды бу! Нинди генэ акыллы фикерлэргэ этэрми берэулэрне!

№20 (858919) / 09.11.2013 17:00:38

Ай улымның:
-Әтием! Әтием, кара, төшкән тешне мендәр астына салып яткаыем, биш сум акчага әйләнгән!- дип коштай очынып йөрүләре... Алай теш фәрештшседә, чуртта димәде:
-Абыем салып яткан булган, минеке белән нәмә булыр микән?- диеп кенә сорады.

№19 (858918) / 09.11.2013 16:51:31

Бу тавык кебек кире тырнап торучылар мәгәен климакслы ханымнардыр, бар нәрсәдән дә гаеп табып утыралар. Хәрбер семьяның үз методы инде тәрбия бирүдә.Позитиф хикәя, афәрин!!!!!!

№18 (858917) / 09.11.2013 16:31:39

Чупкэ баттын Шэхри.
Теш тошми тормаган, ботен заманда да тошкэн.
Анын очен поликлиникага да барып тормый идек. Астан янасы тортугэ учка килеп тэ тошэ иде.
Чит халык тормышы белэн яшэргэ оста безнен халык. узенекен белмэгэч нишлэсен инде.Журналист булса уз йолалары урнэгендэ курсэтер иде дэ,юк инде.

№17 (858916) / 09.11.2013 16:06:20

Бу Мэрьям Голнара узе ахры,бигрэк каты узен яклый

№16 (858911) / 09.11.2013 14:05:02

Иркә, абыем сөйли (ике баласы бар): "Балалар, фея килә дип, әзрәк селкенә башлаган тешләрен йолкыйлар да чыгаралар, бүләк алып өлгереп булмый" ди))) Минем кыз да аларның төшкән тешләренә кызыгып йөргән иде, берәр нәрсәгә алмаштырып алырга дип... Фәрештә әйбәт мотивация инде, сүз дә юк.

№15 (858910) / 09.11.2013 13:14:01

Кит инде, юк суз сойлэп утырмагыз! Хэзер кечкенэ балага булэк алу хакында да сездэн сорасыннар мыни? Милли тэрбия, теге, бу - бала-чагага уенчык алудан торамыни ул? Телэсэгез, узегезнекен кукуруз башы белэн уйнатып устерегез, элек шулай булган, дип. Надоел инду шул искелек сойлэу! 5-6 яшьлек баланы дисбе тоттыртып утыртасыгыз килэмени? Винксларында да бер гаеп тэ курмим - бала-чага узе сорый бит ул, аларнын узлэренен модасы да бар, узлэренэ курэ, кызыксынган эйберлэре дэ. Сездэн акча жыеп алмый бит энисе!
Бик матур, кунелле хикэя - гел проблема, "кара" яки "сары" темалар дан гарык инде.

№14 (858895) / 09.11.2013 10:17:15

ни эшләсәләр дә эшләсеннәр,кәләпүш бирәләрме,ниме - барыбер,бала гына еламасын!!!

№13 (858874) / 09.11.2013 06:37:09

Ой, кара эле бу теш фэрештэсен вакытында белмэгэнмен икэн))))Улымнын тешлэре черемичэ генэ коелып беткэн иде, тик берсе тошмичэ эленеп йорде, узем дэ тартып алыр идем, курка авыртыр дип.Ни эшлэргэ, ничек аппарырга инде Мэулетов урамындагы теш поликлиникасына.Безгэ ят гипермаркетнын яна ачылган вакыты.Рамстор нэкъ шул поликлиника янында иде.Кибеттэ зур балыклар йозеп йоруен куру бик кунелле инде бала-чагага, Рамсторга барабыз жип чыгып киттек. Кибетне урадык, нэрсэлэдеро алдык.Поликлиника урам аша, мибел кибете белэн янэшэ. Эйдэ дим мибел дэ карап чыгыйк инде, дим. Кердек, карап йордек. Пышын гына поликлиника ишеге тобенэ килеп життек. Кереп ук китэ алмадык, абайлап алды бит кайда килеп житкэнне)))) Ике кулы белэн ишекнен ике ягына терэлеп басты, ни алга, ни артка бармый))))) Чакка кочкэ жаен табып кутэреп алып кереп киттем.))))Юмалап, юмалап, юмалап тешне калдырып чыктык.Бер дэ онытылмый ул визит. Фэрештэ берэр булэк сала дисэн, алып керу жинелрэк булган булыр иде могаен))))

№12 (858872) / 09.11.2013 01:26:34

Соң бүләккә гел түбәтәй белән чиккән калфак алып торсыннармы инде хәзер миллилек булсын дип?
Аннары уйлап уйлап утырдым да балаларның күңелләрен күрерлек милли йолалар исемә төшмәде нишләптер...

№11 (858865) / 09.11.2013 00:33:33

Мэрьям. Баланы яратуда чик юк! Хэзерге ата -ана 18гэ хэтле карый баласын. Эле аннан сон да, пенсиясен авыззыннан озэ.
Мин балага бэйрэмнэр булмасын димим! Тик безнен узебезнен йолалар да бар бит!
Уйлап кара инде, исемен мэрьям кушканнар,алган булэклэре китайский Винкс Мукси,пазлолар алалар.
Мэрьямлек,доресен генэ модага ияру,татарлык,узебезлек-миллилек жанда юк.

№10 (858863) / 09.11.2013 00:10:58

Монда эш бүләк бирүдә түгел, ә игътибар күрсәтүдә, әкиятне булдыра алган кадәр чынбарлыкка әйләндерүдә. Ышаныгыз, балалар өчен бик мөһим бу.
Сугышучы балаларга килгәндә дә, шул нәүмиз, игътибар җитмәгән балалар үзләрен шулай күрсәтәләр инде. Бар яктан да канәгать булып, дөрес тәрбия алган балалар сугышып йөрми.
Ә сез әйткән "теге вакытта", әби бабайлар әкият сөйләп үстергән балаларны. Хәзер әкият сөйләп утырмыйлар әбиләр, үз балаларын үстергәннәр дә үзләре өчен яшәп калырга маташалар.

№9 (858860) / 08.11.2013 23:58:39

Теш чыккан саен булэк алмасан да,шокер маньяк та булмадык,алкашка да чыкмадык.
Э Фея килгэн хэр гаилэ баласы тэртипле булачак инде,эйе куреп торабыз энэ мэктэплэрдэ.Кыз балалар оелеп сугышулар ,теге вакытта юк иде.

№8 (858854) / 08.11.2013 23:01:12


Мәкәләне укыгач балаларымның кечкенә чаклары искә төште. Шулай яңа ел алдындагы төнне, кыш бабайны көтеп ,төне буе йөреп, елка астын карап үткәрә иделәр. Әтисе белән мин ,алар арып йоклап киткәнне көтеп төн уздыра идек. Хәзер балаларым зурлар инде, әмма шул вакытларны сагынып искә алабыз.Мәрьям тулысы белән килешәм синең белән, гәрчә алай әйбәт итеп аңлата алмасам да. Аллага шөкер балаларыбыз безгә карата бик игътибарлы әлегә, алдагысын алла белә.

№7 (858849) / 08.11.2013 21:20:12

Гөлҗамау, әгәр баланы ярату-балага әйбер алу итеп кенә уйланылса, аңа просто әйбер алып кулына тоттырырлар иде, әкият ясыйм дип интегеп ятмаслар иде.
Бик әйбәт нәрсә язган Гөлнара, как раз, баланы яратуны - аңа әйбер алуга гына кайтарып калдырмаска өйрәткән...
Тоталар да элеккеге СССР заманын искә төшерә башлыйлар, имеш безнең заманда андый нәрсә булмаган... Эш белән тәрбияләгәннәр имеш, на своем примере. Көне төне эшләгәннәр, ә балалары үз җаена үскән... Әнә хәзер үсеп җитте балалар "үз җайларына"...
Әти-әниләреннән бер җылы сүз ишетми үскән балалар готовый маньяк хәзер, розысктагылар исемлеге су буе.
Нормаль гаиләдә,игътибарлы, мәхәббәтле мөнәсәбәттә үскән бала маньяк булмый, нәкъ менә бала вакытында психологик травмалар алган бала маньякка әйләнә.

№6 (858845) / 08.11.2013 20:35:56

Балалар булды,бар шокер, булачак.
Тик теш тешкэннэн эллэ нинди яналык ясап утыру артык дип анлыйм. Баланы ярату, ана эйбер алу дип кенэ уйланыла хэзер. Э балалар елдан-ел куп сорый. Порибтельлэр заманы,башта зубная фея,аннан Шевроле алып килуче Шурэле, дальше нэрсэ?

Ярыйсы гына яза башлаган иде Голнара,инде тагын киткэн уз сазлыгына! Кемгэ кызык? Энэ гаилэ хэм мэктэпкэ язсын теш сызлаткыч вакыйгасын.

№5 (858844) / 08.11.2013 20:23:43

Тотынырлар инде...
Монда комментарий язучыларның берсенең дә балалары булмаган ахыры...
Баланы сөендерүдә нинди гаеп күрәсез инде шул кадәр? Булсын! Фея да килсен, хеллоуин-хеллоуин да уйнасыннар! Кемгә зыян моннан? Или сез аларны, үзегез яшь вакыттагы кебек, пич арасында бишташ уйнап утырырлар дип уйлыйсызмы?

№4 (858832) / 08.11.2013 18:29:13

Менэ сина татар шагыйрэсенен баласына биргэн милли тэрбиясе!!!Дини ягы тем более инде...

№3 (858826) / 08.11.2013 18:14:39

Эт чаба дип бет чаба.

Безнен халыкта да,сабыйнын тешлэре алышканда булэк биру гадэте булган билгеле,тик аны арттыруларсыз эшлэгэннэр.

№2 (858792) / 08.11.2013 12:46:50

Бик матур мэкалэ, кунелне кутэрэ)) Бала-чага хакында укуы кызыклы бит ул))

№1 (858787) / 08.11.2013 11:38:09

шул америкосларның бөтен килде-китте йолаларын үзебезгә алып, бик ерак китәрбез инде

бигрәк бәхетсез булган ссср халкы, теш фәрештәсе дә юк иде, ул хэллуйн турында әйтеп тә тормыйм, ул стриптизерлар белән малчишниклар, девичниклар

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar