• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

29.10.2013 Җәмгыять

Әни кирәк миңа да!

Беркөнне Гөлфия исемле танышым өебезгә килеп керде дә тыела алмыйча елап җибәрде. Нәни бала сыман үксергә үк тотынды.

“Ни булды, ник елыйсың?” – дим. Ул һаман туктый алмый. Соңыннан, азрак тынычлана төшкәч кенә сөйләп бирде: “Әнинең бүген юбилее, 50 яшен тутырды. Мин аны котлап, радиодан җыр тапшыруларын сорадым. Котлавымны шундый матур итеп җиткер­деләр. Әнидән шалтыратып, тыңладыңмы, дип сорадым. Ә ул, битараф кына: “Бездә радио тотмый”, – диде. Югыйсә кичә шалтыратып, алдан ук кисәтеп куйган идем. Ә ул радионың тотмаганлыгын әйт­­мәде, ярар, диде дә трубканы куйды...”

Ул көнне Гөлфия озак сөйләде. Аңа тыңлаучы, юатучы кирәк иде.

– Ирем гел әйтә килде: “Араңны өз инде, кирәкмисең син аңа. Ул сеңлең Люция өчен генә борчыла, аны гына күрә, аны гына кайгырта”, – диде. Әмма күңел ышанмады. Мин дә аның күкрәк астында 9 ай йөртеп тапкан баласы бит! Инде утызымны тутырсам да, әни кирәк миңа да! – ди Гөлфия.
Мин аның саен аптырашта. Гадәттә, ана күңеле – балада, баланыкы – далада, диләр. Монда киресе килеп чыга. Гөлфия, минем ышанырга-ышанмаска белмичә карап торуымны күргәч, янә дәвам итте:

– Булачак ирем Азат гап-гади эшчеләр гаиләсеннән. Әни белән таныштырырга дип алып кайткач, бай булмаганын белде дә, киткәнче ачык чырай күрсәтмәде. Ул вакытта мин университетның соңгы курсында укыйм. Сең­лем Люция, укырга керә алмагач, кибеткә эшкә кергән иде, озак эшли алмады, өстенә бурыч җыелды да кудылар. Әни кредит алып, шул бурычны каплады. Шуннан сеңлемә тагын эш эзли башладылар. Урнашып, аз гына эшли дә, “чп” булып, тагын китәргә туры килә. Әни гаепне гел сыра эчеп, эшкә соңга калып, егет­ләр белән йөргән Люциядән түгел, ә ул әйткәнчә, кешелексез хуҗа­лардан күрә. Мин дөреслеккә күзен ачмакчы булам, тыңлар­га да теләми. Соңыннан ярты көн сөйләш­мичә йөри. Азат белән таныштыргач та, мунча почмагына кысып: “Юньлерәк кеше тап­мадыңмыни? Бу бит ни миңа, ни сеңлеңә ярдәм итә торган кеше түгел, хәерче бете”, – диде.

Күңелем төшсә дә, Азатка күрсәтмәскә тырыштым. Чыннан да, ярлырак гаиләдән инде ул. Әмма аның ни гаебе бар? Әти-әнисе туйны уздырырга бурычка акча җыйган­нар. Балдакларга гына җит­мәде. Шуннан мин әнидән бурычка акча сорап тордым. Эшкә урнашуга кайтарып би­рәм, дидем. Күңелдә исә, әни кеше бит, кире сорамас әле, дигән өмет бар иде.

Тормышыбыз бик авырдан башланды. Яңа гына укуны тәмамлаган белгечләрне беркайда да кочак җәеп каршы алучы юк. Азат каравылга керде, мин балалар бакчасына урнаштым. Тиздән балага уздым. Бик авыр күтәрергә тур­ы килде. Гел косам да косам, баш әйләнә. Шундый авыр көн­нәрнең берсендә әни шалтыратты. Үзе үкереп-үкереп елый. “Люция кеше өчен кредит алган булган. Ә теге кеше түләмәгән. Менә хәзер өебезгә көн саен прис­тавлар килә. Җыйган акчам бар иде, чыгарып түләдем инде”, – ди. “И, әни, – дим, – Люция өчен һа­ман акча түгәсең, барыбер кадереңне белми”, –дим. Кызгандым әнине. Бу сөйләшүдән соң ике көн дә үтмәде, әни тагын шалтыратты. “Без Люция белән хәзер Казанга килеп җитәбез. Сеңлеңнең өстенә курткасы юк, базарга барырга кирәк”, – ди. Мин инде алып барырга кирәктер боларны, юлны белмиләрдер дип уйладым. Әмма эш башкада булып чыкты: “Кызым, хәтерлисеңме, балдакларга дип акча биреп торган идем. Син аны миңа кайтармадың бит әле. Шуны бирә алмассыңмы икән?” – диде әни. Аның бу сүзлә­реннән тораташ катып калдым. Беренчедән, кулымда андый акча юк иде. Икен­чедән, Люциягә курткага дип миңа – үзенең газиз кызына биреп торган акчасын кире сораганга әрнедем. “Ярар”, – дидем дә күрше хатынына йөгердем. Ул биреп торды.

Менә шулай, әни мине яратмый. Люция кияүгә чыкты. Үзе шикелле сыра эчеп, азып-тузып йөри торган ке­ше­гә. Кызлары туды. Әни көне-төне шул баланы карый. Тегеләре бер эштән икенче эшкә йөриләр. Әни акчасына яшиләр дисәң дә, ялгыш тү­гел. Әмма шул киявеннән дә яхшы кеше юк әни өчен. Те­гендә кадак каккан, монда бер көрәк салам салган, янәсе. Ә минем Азатым кайткан саен сумка-сумка продукт ташый, хастаханәгә килсәләр, әнине кемнәргә генә йөртми дә кем­нәргә генә күрсәтми. Соңын­нан илтеп тә куя. Аллага шө­кер, хәзер бөтәйдек. Ипоте­кага фатир алдык, машина­быз да бар. Әмма әнинең безнең өчен беркайчан да сөенгәне юк. Килгән саен гаеп таба, килгән саен Азаттан кер эзли. Ул бухгалтер булып эшли, кулына шактый акча ала. Әмма балаларыма – үзенең ике оныгына йөз тәңкәлек тә уенчык тотып килгәне юк. Җәй­ләрен балаларны авылга бик тә кайтарасым килә. Дәү әни дия-дия авыл һавасын суларлар иде, дим. Әмма бер тапкыр бу хакта сүз чыккач: “Кеше балалары белән утырырга вакытым юк минем, сабырлыгым да җитми”, – диде. Кеше дигәне – мин, кызы лабаса!..

Карап торышка Гөлфия башкалардан берни белән дә аерылмый: чибәрлеге дә, үт­кенлеге дә бар. Ул бик яр­дәмчел. Хәл итеп булмастай тоелган әллә никадәр авыр хәлдән чыгарга булышканы бар үземә дә. Әмма беркем­нең дә итәге буш түгел, диләр. Күңел ярасы, әнисенә булган үпкәсе зур аның. Бүген шалтыратып, ярдәм итче, кызым, дисә, ул бүген үк әнисенә булган үпкәсен онытачак инде анысы... 


Сәйдә ГОМӘРОВА
Ватаным Татарстан
№ 177 | 29.10.2013
Ватаным Татарстан печать

Фикерләр

Исем:
E-mail:
Текст:
 
№44 (858517) / 05.11.2013 22:20:31

бөрчә, мин узем шундый эни дэн туган ,минем прототип дип уйлар идем мин эйтеп яздырмадым //отеренэ ноктасына кадэр пичэт суга алам

№43 (858497) / 05.11.2013 21:28:24

жимеш)), "Ай- һай, Шәйхи, бүре микән,"- дигән безнең якта берәү дустына, бик каты шикләнгәч...

№42 (858491) / 05.11.2013 21:19:53

бөрчә, бу жыелма образ тугел .дорес хэл

№41 (858166) / 02.11.2013 19:59:06

МИн нәк №36 язганчы эшлим,аның үз нигезе, минем үз нигезем.ЯНЫНЫА БАРГАНЫМ ЮК,кирәк икән кызы барсын,ул минем өчен на растояний.

№40 (858164) / 02.11.2013 19:35:12

Иииии, Аллаһ мескеннәре, Сәйдә ГОМӘРОВАның бу язмасындагы ана җыелма образ икәнен исегездән чыгарып бетермәгез! Бар ул андый аналар... Берсе бер, икенчесе- икенче вакытта ниндидер хилафлык эшләгән булган, бу хикәядә барысын бергә җыеп, җавыз ана обазы укмаштырылган...

№39 (858156) / 02.11.2013 18:31:02

Минем әни андый түгел!

№38 (858150) / 02.11.2013 17:29:40

Мондый әниләр бар. Иремнең (ул беренче бала) әнисе нәкъ шундый. 40ка җиткән кечесен карый: өй, мунча, гараж салды, ике машина алып бирде.Эчеп, икесен дә бәрде. Ә безгә, миңа кирәк түгел, иремә берни юк.Эшкә - без, ашка - тегесе.

№37 (857897) / 30.10.2013 19:49:17

Энине игноривать итеп буламы?

№36 (857828) / 30.10.2013 06:40:50

32 еееееееееееееееее, каян син яшь буласың ди, чәчең агарып беткән бит инде. Ир кеше картаеп комы коела башлагач та үзен яшь дип уйлый, хатын-кыз гына беркайчан да картаймый.
Әгәр дә хатыныңның әнисе шундый явыз кортка икән, нигә аның янына барасың, игнорировать ит.

№35 (857826) / 30.10.2013 00:16:11

№26 менә шул - бик дөрес язгансыз

№34 (857825) / 30.10.2013 00:09:29

1. Вәсшәбри бабагыз № 28 белән килешәм.
2.ышанмыйм № 24 белән килешмим. Ул әле Дөньяны күреп таный башламаган
3. /Араңны өз инде, кирәкмисең син аңа. Ул сеңлең Люцияне өчен генә борчыла, аны гына күрә, аны гына кайгырта/.
Мондый сүзләр акыллы ир авызыннан чыкмас.

БЕР ТАРИХ

Әбием, бабам (Сөеклемнең ата-анасы) 60-61 яшьләрен тутыргач та, бакыйлыкка күчтеләр, алты бала тәрбияләп китеп.

Икенче балалары - Сөеклем белән үз тормышыбыз. Беренче уллары шулай ук үз тормышын көйләп җибәргән. Өлкән балдыз уңган баҗай белән үз тормышларын көйләп яталар. Аннан соңгы балдыз офицер баҗай белән уңышлы гына тормыш кичерәләр. Төпчек балдыз - тормыш корып, иң яшь (төпчек) баҗай белән, төп йортта яшәп яталар.
Төпчек балдыздан өлкәнрәк кайнеш, тормыш корып, аерылып , ике баласының берсен үзе белән алып, Тольяттида югары уку йортында укып ята.
Олы кияү (минем) сүзе: "Бу йортны таркатмаска, бүлешмәскә. Кем монда яшәп кала - барысы да аңа калсын". Шулай диярлек булды.
Тольяттида укыган кайнешем вафат. Төпчек балдыз йорт тота. Тагын ике балдызым, Сөеклем, абыйлары белән, без - икенче яктан килеп кушылганнар белән бергәләп - иң якын дуслар, туганар булып яши бирәбез, шөкер!

№33 (857795) / 29.10.2013 20:17:34

Кара әле-син,наданырак икәнсең бит шуны да аңламагач,яки үзең шундый карчык. Аның эчен ачасы юк,действисеннән күренә. МИн үзем андый түгел,яшләрне таламыйм.

№32 (857793) / 29.10.2013 19:56:31

Туймас җан, син бик загадочно язасың әле. Син каян беләсең карчыкларның үзләрен генә яратканын, бәлки алар башка кешеләрне дә ярата торганнардыр? Эчләрен ачып карый алмыйсың бит. Карчыкларга подход таба белсәң, бер дә болай зарланып утырмас идең.

№31 (857789) / 29.10.2013 19:07:47

Хәзерге карчыклар эгоистка әйләнделәр.ҮЗЛӘРЕН ГЕНӘ ЯРАТАЛАР.бармы синеәң хәлең,юкмы анда аларның эшләре юк,толко давай и всю. Тамаклары туйса да күзләре туймый.БУ нинда заман ?

№30 (857786) / 29.10.2013 18:57:59

Менә шул, ярый, мин әни кешенәң булдыксызрак, көчсезрәк баласына ярдәм итүе белән килешәм, бәлки шулай кирәктер дә. Ә нигә ул башка баласын рәнҗетә, бер дә юкка каргый? Шул вакытта иң авыр, иң пычрак эшләрне аннан эшләтә? Көн саен диярлек бу баланы тугач ук үтермәгәнлегенә, һаман да баланың исән булуына кайгыра, аңа бәхетсезлек тели? Ә бит бу "начар" бала ничек тә ана алдында яхшы булырга, бөтен көче белән аңа ярарга тырыша! Икенче яклап уйлаганда, Аллаһ "бәндәләремне төрлечә сынармын" дигән бит. Шундый сынау булырга да мөмкин.

№29 (857779) / 29.10.2013 18:27:51

авыл апае,уз ник астында гына яз,бик матур язасын.

№28 (857777) / 29.10.2013 18:22:37

чын татар,

№27 (857774) / 29.10.2013 18:17:05

Малаҗис,авыл апае!))))

№26 (857770) / 29.10.2013 18:07:28

Туган көнгә радиодан җыр тапшырырга нигә кызыгасыздыр, шуны аңламыйм. 50дәге әнигә бик кирәк инде ул. Беренчедән аны кулга тотып карап булмый, күреп булмый, бер ишетәсең дә бетте китте. Шуннан нинди ләззәт алып була, аңламыйм шул. Бер мизгеллек рәхәтлекләр болай да тулып ята тормышта. Икенчедән никадәр акча бушка оча, бер кирәкмәгәнгә чыгымнар тотыла. Аның урынына файдалырак әйбер сатып алсаң, озак вакыт файдасын, рәхәтен күрер идең. Истәлек булып күзләрне иркәләр иде. Яши белмисез, минутлык хискә бирелер өчен дөнья кадәр акча түгүне эшкә санамыйм.
Инде хәзер ана белән бала арасындагы аңлашылмаучылык турында. Була мондый хәлләр тормышта. Әни кеше күбрәк чирләшкә, көчсезрәк, булдыксызрак, ярдәмгә мохтаҗрак баласына игътибарны күбрәк бирә. Бу бик табигый күренеш . Моның өчен әниеңә үпкәләп сеңлеңнән көнләшү файдасыз эш. Ярамаган эш. Әниеңә ярдәм итәсе, сеңлеңә үгет-нәсихәт биреп моралҗно поддержка ясыйсы урынга, күршеңә кереп акырып елап, якыннарыңа үпкәләп зарланып утыр инде ә. Акылсызлык бит бу. Үсмәгән кызлар гына шулай итә ала. Ну и что Люция акча туздырган, сыра эчкән, кредит алган, шуннан ни? Синең кара сакалың инде бу, балам. Моннан качып китә алмыйсың. Әниеңнең бердәнбер ярдәмчесе син икән, син аңа ярдәм итәргә бурычлы. Притом авырсынмыйча, бәла-казаларны да бергә күтәрергә бурычлы. Люцияне дә җитәкләп туры юлга чыгарышырга бурычлы.
Әни миңа ярдәм итми дисең. Син бит аңа мохтаҗ түгел, киресенчә әниең сиңа мохтаҗ. Әниең шуны белә торып синнән ярдәм көтә. Зарланма, ярдәм ит, ихлас теләп башкар. Менә шул чакта авырлыкларны бергәләп җиңәрсез, туганлык җепләре бәйләнер, бәхет килер.

№25 (857756) / 29.10.2013 17:11:48

Ышанмыйм,нигэ булмасын?
Тулып ята мисаллар.Тик кайбер гаилэлэрдэ ой эченнэн чыкмый.

№24 (857755) / 29.10.2013 17:08:53

Вәсшәбри бабагыз, бармактан суырып алынган язма.Булыр булмас журналистлар ,торле уйдырмалар уйлап чыгырып язып ята.Тормышта мондый хэллэр ботенлэй юк.

№23 (857754) / 29.10.2013 17:07:16

Дэваланып ни?
Психолог эниеннен холкын узгэртеп бирми ул,синен ана карашынны гына узгэртэ. Кешене ничек бар,шулай кабул итэргэ кирэк,-диячэк.
Яшь чагында шул хэтле авыр иде билгеле,шокер олыгаю безгэ зирэклек бирэ!

№22 (857751) / 29.10.2013 17:01:43

Шэпшя, Былбыл, бик акыллы киңәшләрен биргәннәр. Ата-ана нинди булуына карамастан, балаларга әни кешегә алай үпкәләү килешми.

Тормыш башлаганда бар кешегә дә авыр. Тормышны юклыктан башлауның үзенең бер уңай ягы бар. Ул да булса,ир белән хатынның тырышлыга арта,икесе дә, булсын дип, бергә җигеләләр тормыш арбасына. Тапкан малның,даҗе тиеннең дә,кадере була.

Үпкәләүләрне калдырып торып,әниегезгә җылы сүз әйтсәгез,әйе шул әни дип 100сум булса да акча тоттырсагыз,аның да күңле йомшар...

Ни беләндер бу кыз әнкәсен үпкәләткән булгандыр...
Гөлфиядә саранлык җәелеп ята. Тормыш хәлләре яхшырса да саранлыгы калган. Хәерче-авыл синдромы дияр идем.

Аннан килеп,гаилә корган балаларына,ата-ана нигә ярдәм итәргә тиеш? Аңламыйм. Укыткан. Тормыш юлына бастырган. Тагын ни кирәк?
Ишегез ишкәкгезне.

№21 (857748) / 29.10.2013 16:58:00

Флёра, ышандык.Булдыргансын.Ботегез мисалны яхшы китерэ,юл гына бирегез.

№20 (857744) / 29.10.2013 16:51:50

Я,Аллам!
Э мин Иркэ белэн килешэм. Чынлап та, дэваланырга кирэк. Килешэм-бала чакта башланган авыру. Гаеп- эти-энидэ. Нидер , кайчандыр, ни сэбэпледер вакытында куреп олгерелмэгэн.
Мин топчек бала. Мин инде 50гэ якынлашып килэм. шулай да уземнен топчеклегемне тоеп килэм. Мин ялкау да, эчкече хатын да тугел. Эле син унган, тырыш дип мактыйлар да. )) Э барыбер мантып булмый. ни хэл итэсен. мал артыннан кумадым, уз тырышлыгым белэн яшэдем. Эни, абыйлардан да ярдэм иттертэ: кайсы итен. кайсы продукталата, кайсы акчалата ярдэм итэ. Берсе дэ Эх тэ дими.Эни хэленнэн килгэнчэ материаль ярдэм итэ, э мин физик яктан ярдэм итэм. Анлыйм, мин ана узем ярдэм итэргэ тиеш. Торырга кил димен, чакырам- уз нигезен ташламый. Аллахынын рэхмэте яусын, эниемэ дэ, абыйларга да, котмэгэн жирдэн аларга муллык, бэрэкэтлек бирсен.
Э хэзер уз балаларымны мисалга китерэм: берсе ойлэнгэн, янда, ашларын пешерэм, керлэрен автомат юа, эштэн кайткач сабый баланы карыйм, коммуналканы тулэтмим. Э икенчесе студент кына эле. булганын ана жибэрэм, ялга кайткан саен тояп жибэрэм. И нэрсэ булды дисез? Олысы "син аны гына карыйсын, аны гына жэллисен,гел мин виноват" ди.Э теге бала укый, буш вакытында эшлэп ала. Миннэн акча сорарга ояла. Менэ мона ни эйтергэ сон? !

№19 (857743) / 29.10.2013 16:51:38

Энилэргэ упкэлэп яшэмэгез,гаеп узегездэ.

№18 (857742) / 29.10.2013 16:50:52

Кем ата-анага узен жэллэтэ,аны хэрвакыт кызганалар.Бигрэк тэ ана йорэге слаб,андый нэрсэгэ.
Бездэ дэ булмады тугел,булды.Апаннын тормышы авыр,синеке рэхэт(ничек барганын узем генэ белэм,тик тел авыз эчендэ!)
Аннан хаталарына тортеп курсэткэч,энигэ анализ ясап биргэч,чагыштырмый башлады.
Тик апа,уз балаларына да йомшак булу сэбэпле инде алар проблемасын да уз жилкэсенэ кучерде.
Тик мин дэшмим дэ,акыл да ойрэтмим. Ярдэмем кирэк булуын тойганда гына ярдэм итэм. Ул узе характер белэн сыеграк безнен.

№17 (857740) / 29.10.2013 16:38:07

11,12,тагын артистлана башладын бит.
Тагын борчак сибэсен.
Сина,эз генэ мисал китер,шундук уз тормышыннан мисалларны китерэ башлыйсын!
Ойрэндек инде,бу юлы кызык тугел.

№16 (857739) / 29.10.2013 16:37:06

Ничек кенә әйтсәгез дә, бер баланы кагып, икенчесен ярату дөрес эш түгел. Беренчедән "яраткан" балалары бозыла, үзаллы тормыш көтәргә өйрәнә алмый, әти-әни җилкәсендә яши, икенчедән "яратмаган" балаларын гомер буе рәнҗетәләр. Бер яманның яхшы ягы бар дигәндәй, кагылган бала яштән үк чыныгып, үз көнен үзе күрергә өйрәнеп үсә, авырлыклар алдында куркып калмый, чөнки аның яклаучы кешесе юк, үзенә генә ышанырга кала. Әти-әтисенең таянычы да ул була, чөнки "иркә баланың" гадәттә кулыннан бер эш тә килми. Бу доньяның серләренә төшенеп бетеп булмый, сәбәбен бары тик Аллаһ кына белә.

№15 (857737) / 29.10.2013 16:25:33

Сез нинди әти-әнидән акча алу турында сөйлисез ул? Минем мәсәлән бер тиен алганым юк 20 яшьтән узу белән. Кияүгә чыкканда да берни эләкмәде, тулай торакка ни җибәрәсең инде? Аллага шөкер, алардан сорау түгел, үзебез ярдәм итәр хәлдә без хәзер, капчык бәрәңге дә алып киткән юк. Гәрчә монда язылганнар минем баштан да кичмәде түгел, барсы да таныш хәлләр. Подробностьларын язасы да килми, бер психолог дустым киңәш итте шуны, син үзеңне күбрәк уйла, әниләр картайган саен игътибар сорый, нервыларыңны сакла, булыша алганча булыш ди. Югыйсә, минем туган көнне дә оныткан әнигә, аңа онык алып кайтып та шалтыратып котламаган, хәл белмәгән, бар уйлаганы төпчек баласы икәнен йөз кат дәлилләгәч тә үпкәләп бетергә булыр иде дә бит. Шөкер, иремнең ата-анасына да, минекеләргә дә ярдәм итәрлек хәлебез бар. Хет күгәрчен сөтен таптырсыннар, табабыз...

№14 (857731) / 29.10.2013 16:04:41

Белмим инде... Без дурт кыз идек. Эни без - дурт сенел арасын рэтлэу белэн мэшгуль иде.Берсе бик истэ калган.Ике апа фатирда торалар, бер булмэдэ. Берсе узе генэ кайткан чак, мин авылда эле, мэктэптэ укыган чор. Олы ападан зарлана:"Кузен солгегэ сортэ,"- ди, элек кузне миндаль кебек сызу модалы иде бит, ул вакытта мамык дисбелэр, таяклар юк)))) Эни китте инде юмалап:"Ярар инде, я мамык алырга вакыты булмагандыр, куп эшли бит,я эптик бикле булгандыр..." Хэзер миндаль кузле апа кайтты, эни аны юмалый:"Ник солгегэ куз сортэсен инде, юарга читен бит ул, мамыкны куп итеп алып куй," - ди.

Болай акчаларны дуртебезгэ тигез итеп салган иде сберкассага, янып беттелэр инде алар....Янмады инде, яна урыслар, татарлар узлэштерде...

№13 (857726) / 29.10.2013 15:53:51

"Бөек" Иркәгә укырдай эйберлэр языгыз әле пжалыста, укырга эйберсе бетеп киткэн.

Иркэ, бар андый гаилэлэр нишлэп булмасын.Эни мине яратмый сенел анын очен кадерле.Гомер буе шулай булды,хэм булачакта.Эни улгэчтен кадерлэп кумуче дэ мин булам эле.Аллах битемэ токерсен,нэгь шулай булачак.Сенелгэ эни бар эллэ юк.Эни сукыр,курми.Мангай кузлэреннэн ни файда сон,кулен кузе хич тэ курмэсэ.Минем энигэ багышланып язылган жырдыр бу.

Голфия,уз кадерен узе белми.Миндэ элек нэгь Голфия хэлендэ идем,кияудэге сенелем очен,буген 50 мен акча эзлэп табып кулына тоттыра ,биллэхи.Хэзер миндэ акыллыландым,яхшы акчалы эштэ эшлим,ай саен кредит 12500 тулим,эни мина 10 тиен акча да биргэне юк,эле берконне шалтыратып,кызым ике мен тэнкэ акча кирэк иде,сенелен янына Казанга барам,кучтэнэчсез барып булмый диде.Ярар эни мин эйтэм,ике мен бирермен дим,тик шулай да кунеледэ эрну,сыкрану бар иде.Ике дэ уйлап тормыйча энемэ энемэ шалтыраттым,энигэ срочно акча кирэк,биреп тора алмыйсынмы,пенсия алгач кайтара ул сина дип кырт кистем,энекэш бирде.Энекэшкэ ике кон узгач акча узем бирдем.Тел.сойлэшкэн саен,эни энекэшкэ акча кайчан бирэсен дим,нинди акча ди.Бэтэч мин бит сина теге вакытта акча бирмэдем,акчам юк иде,энекэш бирде дим.Тел.сойлэшкэндэ кэефе кырылды.Мин монда гомер буе сезне туендыра алмам,кошелок тутырып акча аласын,бер буклы тишеккэ генэ акчан китеп бетэ,безгэ бер тиендэ биргэнен юк бит дип эрлэшеп алдык.Хэзер гомердэ кимэгэн киемнэремне киям,ашамаган ризыкларымны ашыйм,ну энигэ бирергэ 10 тиен акча жэллим.Ул мина ничек,миндэ ана шулай.Хэзер авылларда каз,мал суялар,ник бер кисэк ит биреп жибэрсен кайткан саен.Сенелем кайтса бэлешен дэ сала,казында каклый,пилмэнен ,мантыен,фаршында ясап биреп жибэрэ,алар кайткан жиргэ остэл тэмле ризыклар белэн сыгылып тора.Э мин кайткан саен чэйне дэ куеп эчэм узем.Кадеремне белэ башлады,энинен исенэ тошэр эле бер.Минем кунелем эни дэ,энинеке дала да.

№10 (857719) / 29.10.2013 15:22:38

Чынбарлык булса, дэваланырга кирээээк....

Ничек шулай гомер буе ин якыннарын белэн дошманлашып яшэргэ кирэк???Аек акылы булган кеше шулай яшиме? Яшэми. Димэк психотерапевтка барырга кирэк.Психологик тоерлэр бала чакта чорнала, шуларны сутэргэ кирэк.

№9 (857716) / 29.10.2013 15:07:18

Укырлык тугел,лэкин чынбарлык.

№8 (857715) / 29.10.2013 15:01:34

Мондый фонда чэчрэргэ Аллахы язмасын!!!
Мондый чернуханы уйлап чыгарырга момкин дип кенэ уйлыйм.

Чын булса, дэваланрырга кирэк барсына...

Укырга эйбер юк бит. Э укыйсы килэ!!!!!
Укырлык нэрсэ булса язмас идем....

№7 (857714) / 29.10.2013 14:58:55

Эле дин эхеллэре молчат.

№6 (857713) / 29.10.2013 14:57:36

Укыма,син бу фонда чэчри алмыйсын ахрысы.Туйдырдын тэмам барысын да.Зараза сузлэрен кулланмасан да була.

№5 (857711) / 29.10.2013 14:46:25

Ну, давааайте, Пангодыларча)))) Сериалны башлагыз))))

Кем ничек кайсы якка бора?)))

Укырлык эйбер юк, зараза))) Билайн ике кон инде тотмый, сойлэшеп булмый...

№4 (857710) / 29.10.2013 14:43:36

Бер баласын чит күреп, гомер буе рәнҗетеп, икенче баласына җанын бирердәй аналар бар ул. Гадәттә аларның "яраткан" балалары эшлексез була , гел күңел ачу ягын гына карап йөри, әмма күңеле сукыр ана моны күрми. Шул ук вакытта бу ана үлсә, аны шул читләткән бала җиренә җиткереп күмә. кырыгын, елын үткәрә. Тик балачактан ук ватылган күңелнең ярасы төзәлсен өчен бик күп еллар кирәк шул.

№3 (857709) / 29.10.2013 14:39:15

Гэлфия балам, эниеня рянжемя, Аллахы тягаля кайберяулярне сукыр итеп ярата, ни хял итмяк киряк. Эниеня яхшы бул, эни бит ул, сине тапкан, устергян. Шатлан элеге бяхетеня, уз балаларына яхшы эни бул. Эниеннен кадерен бел, Азатка да ряхмятенне укып тор.

№2 (857702) / 29.10.2013 14:07:36

Эни куз яше,имеш....э рэнжетелгэн баланын куз яше кайда,кемгэ тошэргэ тиеш? Эллэ Голфия бу анадан тумаганмы? Алай дисэн,чит анадан туган булса да , баланын ни гаебе бар?

№1 (857698) / 29.10.2013 13:55:04

Мин бик тэ анлыйм Голфияне. Мондый хэллэр гадэттэ татар яки моселман гаилэлэрендэ еш була.Аннары тотыналар инде тукылдарга эни куз яше,имеш...

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar