• 26.06-28.08 Театрализованное фольклорное Казан-шоу. Туган авыл.
  • 05.08-15.08 Кыргый планета. Казан циркы. 18:00
  • 06.08-15.08 Салават. 33 сезон. Камал театры
  • 16.09 Niletto. МВЦ «Казань Экспо», КЗ им. И.Шакирова. 19:00
  • 18.09 Хәмдүнә Тимергалиева истәлегенә. УНИКС. 17.00
  • 21.09 Дима Билан. Пирамида. 19:00
  • 16.10 20ел TATAR RADIOSI. Татнефть Арена. 18.00
  • 10.11 Валерий Меладзе. Татнефть Арена. 19:00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 05 Август
  • Мәдинә Маликова - язучы
  • Зөфәр Хәйретдинов - җырчы, композитор
  • Наилә Ибраһимова - актриса
  • Салих Баттал (1905-1995) - язучы
  • Фәрваз Миңнуллин (1934-1994) - язучы
  • Рәйхан Халитов - блогер
  • Эльмира Гыйльфанова - җырчы
  • Надир Әлмиев - рәссам
  • Илгизәр Миргалимов (1942-2019) - дирижер
  • Фәрит Шиһапов (1951-2020) - музыкант
  • Гвардейская урамында озак вакытка фатир арендага бирелэ (студент кызларга яисэ гаилэле кешегэ). Фатир беренче этажда урнашкан. Якында гына остановка hэм кибертлэр. 10000 + ком услуги. Телефон 89586247928 (17.00 сон шалтыратырга)
  • Приглашаем на работу водителя кран манипулятора Ниссан, Изуцу. Работа сменная в Альметьевске(оплата за проживание с нас). Зарплата 2300 минимум и +.. Тел.89376209888
  • Исэнмесез. Метро Аметьева, Горьки яки Карбышева, Даурский, Мавлютова урамнары тирэсеннэн 1 булмэле квартира яки бүлмә снимать итәргә эзлибез. Медколледж тирәсендә. Тел. 89600475151
  • Зернодробилка молотковая сатам. Складта бар. Заказга да эшлибез. Төрле иләкле ясап була. 200-700 кг/сэг производительность. Электродвигатель 2,2 кВт/3000 об. Бункеры 40 л. Башка бункер, опорный рама, пульт управления да куя алабыз. Төрле районнарга, төбәкләргә җибәрә алабыз. Яхшы сыйфатлы. Бар деталләрен үзебез ясыйбыз (двигателдан кала). Гарантиясы бар. Татарстан, Яр Чаллы 8 (917) 921 52 90
  • Казан, “Светлый” ЖК (Куюки) 1 бүлмәле фатир озак вакытка гаиләле кешеләргә тапшырыла. 3 этажлы өйдә 1 катында. 49 кв.м. кирәкле җиһазлар бар.Индивидуаль җылыту.Парковка өй янында. Шәһәр автобуслары йөри. 10000 сум+ ком.услуги. тел.89393932099
  • 1.6 яшьлек угез ите август башында суясы .Ботлап.Актаныш районы 89872229472
  • Казан шэхэрендэ субаренда очень 1 булмэле фатир снимать итэм, озак вакытка.тэртип,чисталык,уз вакытында тулэуне ышандырам. Тел. 89179060102. 89274868157
  • Казан, Вахитов районы, Хороводная, 50. 1комн. квартира, 2 лоджия, 51 м2.Риэлторсыз, озак вакытка. 89655886519 ваатсап.
  • Туй, туган көн, юбилей һәм башка уңайдан якын кешегез белән хәтирәләрне теләкләр аша үреп,оригиналь шигырьләр,проза,рәхмәт сүзләре,бәет,җыр текстлары иҗат итәм.Һәр кешегә индивидуаль караш.Кулай бәяләр.Заказлар алдан алына.89083405794 ватсап.
  • Сдаю 1 комнатную квартиру в Наб. Челнах в 62 ком-се молодой семейной паре или двум девушкам студенткам. 89093132683 вацап
 
 

 
Архив
 

               

18.10.2013 Җәмгыять

Хәер сорашып баеп буламы?

Казан урамнары соңгы елларда сукбай һәм хәер сорашучыларның ниндиен генә күрмәде, чат саен кул сузып тору күренешләре белән көрәшү проблемасы да күп тапкыр күтәрелде. Дөрес, Универсиада алдыннан, тылсымлы таяк селтәгәндәй, соранучылар берара юкка чыгып торды. Һәм менә янә башкалада профессиональ хәер сорашучылар төркеме эшчәнлек җәелдерүе турында сүзләр йөри башлады.

“Мин синнән күбрәк акча эшлим!”

Трамвайга кереп, халыктан хәер сорашкан урта яшьләрдәге мөлаем гына хатын-кыз карт кондукторның ризасызлык белдерүенә җавапка шулай дип кычкырды.

Кулына кәгазь кисәге тоткан сары чәчле бу хатынны Казанның җәмәгать транспортында еш очратырга мөмкин. Ул тукталышларда шыгрым тулы автобуска утыра да, авыру баласын дәвалау өчен кешеләрдән акча сорый. Кулындагы кәгазьгә бала фотосурәте ябыштырылган, баланың диагнозы турында озын текст язылган. Шушы кәгазьне күтәреп ул автобус салоны буенча үтә, кайбер кешеләр кесә төбендәге вак акчаларын аның учына сала. Икенче тукталышта төшеп кала...

Бу юлы ул трамвайга керде. Салонда халык бик аз булгангамы, билет сатучы кондуктор карашыннан качар урын юк иде. Ятланган сүзләрен кабатлагач, хатын, гадәттәгечә, кул сузып салонны йөреп чыкты. Әйләнә-тирәдәгеләр хәер бирергә ашыкмауларыннан уңайсызланыпмы, берничә кеше кесәләренә үрелде. Тик шул чак җитмешкә җитеп килгән кондуктор апа түзмәде: “Нәрсә кеше алдап йөрисең? Барысы да акчаны эшләп таба! Син дә эшлә!” - дигән кебегрәк сүзләр яңгырады. Сары чәчле ханым “телле” икән: “Нәрсә, әллә көнләшәсеңме, эшләп баеган хәерче тәре?!” - дип кычкырды ул. Пенсионер кондуктор бу сүзләргә нык гарьләнде: “Синең кебек кешедән сорап йөрмим! Үз көнемне үзем күрәм!..” - диде ул. “Мин синнән күбрәк эшлим!” - дип сукрана-сукрана сары чәчле хатын киләсе тукталышта ишекләр ачылуга урамга ашыкты...

Казан урамнарында хәер сорашучылар мәсьәләсен хәл итүгә Универсиада алдыннан зур игътибар бирелгән иде. Халыкара дәрәҗәдәге спорт ярышлары узган көннәрдә чыннан да җәмәгать урыннарында соранып йөрүчеләр, узып баручыларга һәрьяклап ябышучы чегән балалары югалып торды. Аларны кайда олактырганнардыр, Ходай үзе белә, әмма көз кергәч, шәһәрнең зур сәүдә үзәкләре, метро станцияләре янында, халык һәм машиналар күп йөри торган урам киселешләрендә яңгырдан соң гөмбәләр кебек янә хәер сорашучылар пәйда булды. Алай гына да түгел, аларның үз-үзләрен тотышы, киенү рәвеше, гәүдә аркылы кечкенә букча асуы - барысы Казанда оешкан рәвештә эшләүче профессиональ хәер сорашучылар төркеме барлыкка килгән булса кирәк дигән уйларга этәрә.

Россия Эчке эшләр министрлыгының Казан буенча идарәсе матбугат хезмәтендә әйтүләренчә, журналистлар аларга шундый сораулар белән мөрәҗәгать итә башлаган инде. Әмма хокук сакчыларында андый оешкан төркемнәр турында мәгълүмат юк. Гомумән, алар бу мәсьәләнең чишелен хокук саклаучылар яки ЮХИДИ хезмәткәрләре җаваплылыгына гына аударып калдырырга ярамый дигән фикердә, чөнки бит кешене урамда соранып йөрергә этәргән сәбәпләр төрле булырга мөмкин. Һәм, ачыкланганча, агымдагы елның 18 июнендә республика президенты имзалаган 47нче санлы закон белән Татарстанның Административ хокук бозулар кодексына кертелгән өстәмәләр турында да алар хәбәрдар түгел.

Штраф салдың ни, салмадың ни...


Җәмәгать урыннарында кул сузып утыручыларның күпчелеге хәер сорашуны кәсепкә әйләндергән дигән фикер 2012 елның октябрендә шәһәр Думасының XVII сессиясендә яңгыраган иде. Казанның ул вакыттагы прокуроры Илдус Нәфыйков Татарстанның Административ хокук бозулар кодексына үзгәрешләр кертергә, аерым алганда - хәер сорашучыларны 100-500 сум күләмендә штрафка тартырга яки 5 тәүлеккә кадәр кулга алырга тәкъдим итте.

Татарстан Дәүләт Советында быел март аенда узган чираттагы утырышта шул хактагы закон проекты беренче укылышны узды. Законлылык һәм хокук тәртибе комитеты рәисе урынбасары Рафил Ногманов үзенең чыгышында, без бу мәсьәләне хәл итүдә күптән артта калдык дип, Россия төбәкләрендә хәер сорашу күренешләре белән көрәшү тәҗрибәсе турында сөйләгән иде. Мәсәлән, Мәскәү шәһәрендә, Чуашстанда, Красноярск краенда административ җаваплылыкка тарту уңай нәтиҗәләр биргән. Ахыр чиктә, 2013 елның маенда депутатлар Татарстанның Административ хокук бозулар кодексына 3.15нче маддәне өстәде. Законлылык һәм хокук тәртибе комитетында аңлатуларынча, әлеге маддә буенча, хәер сорашу, күрәзәлек итү, сексуаль холыктагы хезмәтләр күрсәтү максатында җәмәгать урыннарында гражданнарга бәйләнеп, җәмәгать тәртибен бозган өчен кисәтү яки 100 сумнан 500 сумга кадәр штрафка тартылу яный, әгәр дә бу гамәлләр ел дәвамында тагын кабатланса, штраф күләме 3 меңнән 5 меңгә кадәр җитәчәк.

Кеше үтерүче буласым килми!


Соңгы вакытта көн саен шәһәрнең Восстание разъездында, шулай ук Ямашев проспекты һәм Адоратский, Мусин, Короленко урамнары киселешендә, Декабристлар белән Чистопольский урамнары чатында бала фотосурәте тотып баскан хатын-кызларның һәм аксак ир-атларның да штрафлар турында ишеткәне юк.

“Иртә белән болай да бөтенесе ашыга. Зур урамнар киселешендә бигрәк тә игътибарлы булырга кирәк. Хокук сакчылар, юл-патруль хезмәтләре кайда карый икән, машина юлында хәер сорашучылар хәрәкәткә комачаулый, минем кеше үтерүче буласым килми! - дип зарлана Ямашев проспектында яшәүче 20 елга якын машина йөртү стажы булган Азат Галиев. - Аңлашыла инде, кибет янында әбиләрдән хәер сорашканчы, алар машина хуҗалары янына килә, күбрәккә өмет итә, тик үз гомерләрен дә, безнекен дә куркыныч астына куялар...”

Чыннан да, “Савиново” сәүдә үзәге янындагы светофорда кызыл ут янган арада таякка таянган япь-яшь ир-ат аксый-аксый машиналар арасына кереп китә. Үзе кыйммәтрәк машиналарны күзли. Ара-тирә тәрәзәләр төшеп, машина эченнән аңа кәгазь акча сузалар. Светофорда яшел ут тиз кабына, машиналар кузгалып китә, ярый әле юл уртасында басып калган аксак ир өстенә сызгырып килгән машинаның хуҗасы соңгы мизгелдә тормозга басарга өлгерә...

Декабристлар белән Чистопольский һәм Ибраһимов урамнары чатында кулларына бала фотосурәте тоткан хатын-кызлар да урамнан үтеп баручы казанлыларның күзләренә карап: “Помогите, пожалуйста!” дип кабатлый. Фотосурәттә - гөнаһсыз сабый күзләре. Кәгазьгә баланың диагнозы турындагы язудан тыш, Россия гербы да төшерелгән.

Сер түгел, соңгы вакытта илебездәге хәйриячелек - бала йөзле, ата-аналар үтенече белән җәмәгатьчелек аларның нарасыйларын дәвалауга акча җыеп, ярдәм күрсәткән уңышлы очраклар турында беләбез. Бу соранучылар да шуңа исәп тотмыймы? Чөнки аларның берсенә сүз кушкач, кыенсынып кына җавап бирсә дә, соранучы хатын шактый шиккә батты. “Балагыз нәрсә белән авырый? Социаль хезмәтләргә мөрәҗәгать иткәнегез бармы? Әйдәгез, бала янына барабыз, без ярдәм күрсәтергә телибез”, - дигән сорауларны ишеткәч, бөтенләй куркуга калды. “Мин ирем белән сөйләшермен...” - дип тизрәк әңгәмәне төгәлләргә ашыкты. Ә икенчесе, гомумән, сөйләшергә теләмичә читкә тайпылды. 


Лилия ГАДЕЛШИНА
Интертат.ру
№ | 18.10.2013
Интертат.ру печать

Фикерләр

Исем:
E-mail:
Текст:
 
№35 (857293) / 25.10.2013 19:17:08

ХӘЗЕР БИТ яшерү дигән нәмәстә бетте,турыдан типтерәбез.САУТЧЫ БУЛГАЧ,алучысы да бар.

№34 (857290) / 25.10.2013 19:11:35

КАРТЛАЧ СТИЛЕН мин дә аера беләм. №34не КАртлач үзе язган. Аңарда укытучының исе дә юк. Диплом сатып алган кеше аны кычкырып әйтеп утырмый инде.

№33 (857289) / 25.10.2013 19:05:51

ИРКӘ БЕЛӘН КАРТЛАЧ СТИЛЕН ГЕНӘ АЕРА БЕЛӘМ ИНДЕ,дипломым сатып алынган булса да . ВӘТ !

№32 (857288) / 25.10.2013 18:57:23

иркә№31 - чын иркә түгел!!!

иркәнең вакыты да возмоҗносте дә юк язарга

№31 (857287) / 25.10.2013 18:53:36

Вот , Әй знатоклар.) Әле үзләрен бөеккә санап утыручылар. Соң Иркә язган белән Бөрчә язган аермасын күрмәскә? Бөрчәнең острословиесенә иң бөегегезнеке дә җитә алмый, Иркәдә гел юк.

№30 (857284) / 25.10.2013 18:43:37

Хэер сорашып баеп булмасада, депутат булсан баерга була. Тагы зарплаталарын кутэргэннэр http://news.mail.ru/politics/15356219/ Хэзер айга 500 000 алачаклар

№29 (856573) / 21.10.2013 08:15:51

Баеп булмаса да җан асырап була..

№28 (856470) / 20.10.2013 01:06:13

Урыстан бер ике мәкал:
"Не суди и не судим будеш"
"От тюрмы и от сумы не зарекайся"
аеруча Рәсәйдә.
Аеруча Рәсәй дигән илнең бүгенге мөшкел, финанс-экономик колапсы халәтендә.
Беркем дә мин алай булмам дип әйтә алмый.
Илнең 70 % шул көнгә кала, бер атна эчендә, әгәр дә нефтегә хаклар 40 долларга кадәр генә төшсә дә.
Шундый катастрофик афәт алдында торган вакытта, хәер сораучыларны гаепләү - эш түгел, - ахмаклык.

№27 (856442) / 19.10.2013 19:52:34

Иркә,бөрчә булып язып утрсаң чын бөрчәгә әйләнерсң әле.

№26 (856432) / 19.10.2013 17:57:46

Беренче тапкыр гына күрү булмаганга кул селтәп уздырып кына җибәрдем. "Телен ачарга" "весовая категория"ләр чагыштырмасы 1/3 минем файдага түгел иде шул...

№25 (856426) / 19.10.2013 16:37:28

бөрчә

"Поезда бер пассажир, чакырак-телезнең кулын ялгыш ишеккә кысу нәтиҗәсендә иштә һәм сйөләшә ала торган иткән".

№24 (856401) / 19.10.2013 01:22:39

Татарстанда хәер сорашып йөрү -оятсызлык. Милиция-полиция аларны тотарга ,җәзасын күрергә тиеш. Эшләсеннәр. Акча бирмәгез андыйларга.

№23 (856366) / 18.10.2013 22:06:54

Ну давай,эзлэ коймадан эзне,бэхетсез партизан,кызыл эзтабар!

№22 (856363) / 18.10.2013 21:56:55

Соры корт №7 (856290) / 18.10.2013 17:22:46, ярлылык гөнаһ түгел, хәерчелек (хәер сорану, кайбер якта- теләнчелек) зур гөнаһ! Динне бераз гына булса да хөрмәт иткән кеше андый сүз сөйләмәс. Әлбәттә провакаторлар белән донҗа тулган.
Минзәлә юлында хәер сорауның яңа ысулын файдаланалар, россия, Татарстан флаглары сувенирын "Я глухонемой, флаг всего 100 рублей" дигән язу белән сату итәләр. Һәр якка колоннаның ким дигәндә 3-4 км икәнен исәпә алсаң, табышның күпме икәнен чамаларга була.

№21 (856359) / 18.10.2013 20:47:29

Койманы кара, анда да синең эзләр ярылып ята, әле өр-яңа. Язсаң кеше төсле яз. Нигә иләс-миләс кешегә бәйләнәсең? Бәйләнмә!Башкаларны провоцировать утырма! Үз фикерең булмаса, бөтенләй язма, укы гына! Бала-чага да мондый башбаштак булмый, үзен җавапсыз тотмый. Син бит инде олы гына яшьтә үзең, җүләр сатасың. Туйдырдың.

№20 (856355) / 18.10.2013 20:37:35

Һәрбер биттә синең эзең, сине монда бик тиз табып була. Бу биттәгесен, админ, нигә бетереп аттың инде? Менә дигән доказ-во кычкырып тора иде. Статьяны үзеңә басмасыннар. Сине исбатлап табасы бер дә кыен түгел.

№19 (856353) / 18.10.2013 20:29:33

Докажи башта.
Если что,яла яккан өчен статья бар.

№18 (856351) / 18.10.2013 20:23:56

Тагын танымадың.
Берәүне дә куганым юк.
Узем дә китмим!

№17 (856349) / 18.10.2013 20:22:33

Токмач, сине дә таныдык. Син мыруның атаклы провокаторы, сиңа торышлы беркем дә юк монда. Сине күрүгә авторлар качарга тырышалар, бүтән кайтмаска дип китәләр.

№16 (856341) / 18.10.2013 19:24:05

авыл апае мичкэ керсэ,кутеннэн таныйбыз аны.

№15 (856338) / 18.10.2013 19:21:49

Авыл апае да кергән саен яңа исем белән язып ята шикелле. Кайбер язмалар буенча сизелә. Чүп-чар язмый иде ул, бераз авылча гына сөйләшә иде. Хәзер шәһәр хатыннары кебек бик культурно яза.))))

№14 (856330) / 18.10.2013 19:04:46

сорыга "Эшләгәнче, хәер срашуың саваплырак" дип диниләр вәгазьли икән, анысы аларның җаваплылыгы. Авызларыннан чыкканны колаклары ишетсен иде. Дөрес сүзгә эчен бәрмә бәргән кешенең, ул язганнарның иясе турында нинди фикер туганы берәүне дә кызыксындырмый.

№13 (856324) / 18.10.2013 18:47:35

Шуңа да миннән акыллырагы юук!
Кергән саен -яна исем!
Аның каравы берәү дә үзләштерми.

№12 (856322) / 18.10.2013 18:43:46

хәзер теленә ни килсә шуны язып ята бугай. Авыл апае булып язганда сурёзный булып яза иде,хәзер уйламыйча гына шулай тындыра.
аның эзенә төштеләр бит.
белделәр кем икәнен.
курыкма,мруда язып утыра көне төне,җыен тозсыз язулар аныкы.

№11 (856321) / 18.10.2013 18:38:32

авыл апае дигэннэн,кая югалды эле ул?нигын алыштырганмы эллэ?

№10 (856317) / 18.10.2013 18:25:34

Языла күп нәрсә турында кабат-кабат, чөнки тормыш бара, ә проблема хәл ителми. Автор яңалык әйтмәсә, бер хәл, биредә сүз Универсиададан соң бу чегән-молдованнарның кабат Казан урамнарына чыгуы турында бара бит.

№9 (856316) / 18.10.2013 18:14:36

Улэээм, бу турыда да мен кат язылды бит инде,нищли бу татжур!Нишлэп алар һич югы бер-берсе язганны укып,гэҗит-җурналлар белэн танышып бармыйлар икән??!!

№8 (856299) / 18.10.2013 17:42:24

Соры корт,урамда сорашмаган хәерчеләр күпме тагын?
берәр хәл булса Алла сакласын! Чөнки өйдә бернинди запас юк!
Җыеп булмый чөнки.Тапкан көчкә җитә,бездәге бәяләр белән.

№7 (856290) / 18.10.2013 17:22:46

Диниләр, шушы сайтта, эшләгәнче, хәер срашуың саваплырак, дип күп язды бит инде. Хәерче-савап иясе булып чыга инде.)))

№6 (856289) / 18.10.2013 17:16:06

ә эшләп кайчан баеганнар соң?
язма баю турындамы? Монда җан асрар өчен,теләсә нәрсәгә баралар.
Хәер сорау да шулай ук җан асрар өчен генә

№5 (856283) / 18.10.2013 16:58:37

Шул хакимият булмаганнан файдаланып, бер дә курыкмыйча хәер сорашып йөриләр дә инде алар. Күрәсең, "крыша" аларның иминлеген саклап читтән карап тора. Кая, нинди структураларга акча ташыганнарын тикшерергә кирәк тә бит. Полиция күзен йома, хакимият күзен йома, менә эшләмичә генә баюның бер ысулы шундый.

№4 (856281) / 18.10.2013 16:55:50

Тавыкбаш хөерче!
Акимият ни нәстәкәй ул?

№3 (856277) / 18.10.2013 16:45:02

нинди хакимият сулисен син. Бездэ акимият юк икэнен эле хаман да анламыйсынмы эллэ , тишек баш.

№2 (856274) / 18.10.2013 16:38:25

"Хәер сорашып баеп буламы?"

Хәер сорашучы баеый алмый.
"Крышаның" нинди булуына карый...

Төшемле урыннар бүленеп беткән.

Байыйлар бит...

№1 (856272) / 18.10.2013 16:30:58

Дөн-яның иң капиталистик иле - Америкада хәер сорашу булмасын өчен 47 миллион кешегә продукт пакетлары таратыла, эшсезләргә һәм доходлары аз, мохтаҗ кешеләргә.Мохтаҗ кеше дип Америкада 4 кешелек гаиләдә айлык кереме 60 меңнән аз булган кешеләр исәпләнә (еллык доходлары 24 мең доллардан азрак булса гаиләгә).
Ә Рәсәй дигән илнең тинтәк хакимияте шулкадәр дә байлыкларга да ия булып. илнең бар активларын сатып бетергән бер мәлдә, мохтаҗларга акча таба алмый.
Бездә илнең 90 % - ярлы Америка нормативлары буенча.
Позор!
Адәм тәганәсе 2000-че еллар хакимияте!

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar